1 Pierre 1:22 - Nouveau Testament en Gulay 2004

²² Koje ke sei ilei dè ngarankum tà’t nga á i telii sei dooge ke unji nyang-nyang le tár’n njétaakem̂-Kristge se kem̂nda káng. I tári nan ngain dè ɓengre si’t.

1 Pierre 1:22 ပူးပေါင်းရင်းမြစ်များ

Jean 15:17

Nyan ke m’unn ndu’m dè’t m’ade sei á tò nè: I tári nan.

Jean 15:3

Sei nga unji nyang-nyang ɓá tede tà ke man m’ede sei kété nga.

Jean 17:17

Bɔ’m, i tɔr de unde de se ninn’n se go ngarankum tà tede tà lei è ngarankum tà.

Jean 17:19

Man kuwe m’unn ra’m bere mbak m’adi tede le de. Titeke bè á dé kuwe géa, d’a k’ee’n lei se girson bere se go ngarankum tà.

Nyanra Njekawkulege 15:9

E ɔr ninn jéi se de gai lé, è ɔr se-nyange ke mine ngarankêm de’t takul kêm de ke d’unde dènn’t.

Nyanra Njekawkulege 6:7

Tà le Nube ra tɔge ke kété-kété a, kɔr njékuwe-gir-Jésuge in dè made’t ke kété-kété kêm ɓee-bò ke Jérusalem. Kos njékuje nyan-mesege bule géa, teli undei kêm de Kuwe-ɓee Jésu’t tɔ.

Nje Ke Rome 1:5

Takul Krist á Nube uwe’n se jé noje ade j’ee’n njékawkulege le kade girkoje dooge malang undei kêm de dènn’t a, ilei riɓar dènn’t a tɔ.

Nje Ke Rome 2:8

Nè wong se kêmkon le Nube à nder dè njé naje tàge’t se dè njé ra nyan ke se dè naje’n lé utei ngarankum tà mbeng.

Nje Ke Rome 8:13

Ke nè á sei rai nyange ke kêm danra ndige ɓaa, sei a i tooi kasinan se dooge ke weii tàkum Nube’t. Nè ke nè á Ndil ra se si ade ebi ra si rai nyange le danra ɓaa, sei a i ndii kumgajer kerɔte kuwe.

2 Nje Ke Corinthe 6:6

Jè tɔje ra jé j’ade dooge an-in jè ke njémade kulege le Nube se go kêmnda a, se go nyanger a, se go korè tà njak a, se kêm-maje a, se go Ndil-Kêmnda a, se go tár nan se kêmnda káng le jé a tɔ.

Nje Ke Galatie 3:1

Hai! sei njé kem̂ tɔ kuju tàge lé ke i ndii kem̂ ɓeekon ke Galatie. Ké nan yêl sei bè wa? Sei nga d’ɔrgir tà le Jésu-Krist ke dé ɓer’n kade kage-ke-dese’t d’ade tò nata ndái-ndái tàkum si’t.

Nje Ke Galatie 5:5

Jèi njétaakem̂-Kristge ɓaa, j’undei kem̂ jéi tchên se go Ndil titeke Nube à ɔr tà dè jéi’t takul kundekem̂.

Nje Ke Galatie 5:7

Kété sei an-in ngɔde maje. Ké nan ɗarinè ɔge sei kile koje dè ngarankum tà’t nga wa?

Nje Ke Ephese 4:3

I risi ra si nang se ndɔge malang le ngonm kule noje ke Ndil-Kem̂nda tɔ’n sei nan’t nga. Kem̂lom á è kule noje ke Ndil-Kem̂nda tɔ’n sei nan’t neĵ-neĵ.

Nje Ke Philippes 1:9

An-in! nyan ke m’kɔ Nube tede le si á nè: Maje kade tár nan le si in dè made’t ke kété-kété a, ade kum si gang dè ngarankum nyanger’t a tɔ.

1 Nje Ke Thessalonique 3:12

Maje kade Kuwe-ɓee Nube ade tár nan le si sei se tár ke sei tári dooge malang nga in dè made’t ke kété-kété. Maje kade tár nan le si tanan se tár ke jè tár sei bè tɔ.

2 Nje Ke Thessalonique 1:3

Ngakon jége, gar-gar jè ra Nube oiyo se ndɔge malang tede si. Ra ke jè ra’n oiyo bè nga, è loon’t kuwe tede kundekem̂ dè Nube’t le si se tár ke sei malang i tári nan nga in dè made’t ke kété-kété.

2 Nje Ke Thessalonique 2:13

Ngakon jége, sei kotárge le Kuwe-ɓee, jè ɓaa jè ra Nube oiyo se ndɔge malang tede le si. Jè ra’n oiyo tede tɔr ke è tɔr sei kété mari ke desêin tede le kaje si se go tɔgmong le Ndil-Kem̂nda. Ndil-Kem̂nda tɔr sei undei sei se ninn’n gai tede kem̂ si ke undei dè ngarankum tà’t nga.

1 Timothee 1:3

Loo ke ndɔ ke m’in le kaw kem̂ ɓeekon ke Macédoine nga, m’deji kade i nain kem̂ ɓee-bò ke Ephèse. M’inyei kem̂ ɓee-bò’t nè le kade in se njé ke nange ade ebi ra de dè ndó dooge tàge ke raikarè.

1 Timothee 1:5

Gir ndukunn nè nga è le kɔse gir tár nan se kem̂nda káng ke in dè tàgir ke maje ke kem̂’t se dè kundekem̂ dè Nube’t ke get nal kede gos kade ra tɔge ke kété-kété.

1 Timothee 4:12

An tá nè kade doo karé bè géa nedi tede k’ee ke i basa. Nè i tel i nyan-ndaje kum le njétaakem̂-Kristge se tà tami, se pa njiyei, se tár lei, se kundekem̂ lei a, se ra kunju nyang-nyang lei a tɔ.

1 Timothee 5:2

I ndeje kon dinyege asenan se koinge bè a, i ndeje dinyege ke nain-in mande ɓai titeke i ndeje’n kon nannige bè se tàgir ke unju nyang-nyang.

2 Timothee 1:14

Nyan ke maje ke d’um jii’t nga, an dè sêw-sêw se go tɔgmong le Ndil-Kem̂nda ke ndi kem̂ jéi’t.

Hebreuge 11:8

Takul kundekem̂ á Abraham ile’n koje dè ɓar ke ndɔ ke Nube ɓar’n. Abraham in aw kem̂ ɓeekon ke ndɔ ke Nube unn’n ndu’n le kade’n. E in jain aw nal ger loo ke get ke è ndi à aw ke tutu.

Hebreuge 13:1

I tári nan se ndɔge malang tite ngakon nange bè m ebi’t lé.

Hebreuge 5:9

Nube tel’n ke doo ke maje ɔr njêt. Krist tel è njè kade dooge malang ke ilei koje dènn’t ndii kumgajer sár se non.

Hebreuge 6:10

Nube è njè banm doo lé. Kem̂’n à wei nal dè nyan ke sei rai tede tà le’n nga lé. Sei i ndii rai se njétaakem̂-Kristge ke rang kum si ke kété ɓai tede tár ke i tári Nube nga. Kem̂ Nube à wei nal dè ra ke i rai se de nga lé.

Hebreuge 9:14

Nè Krist inye ra’n ade Nube ke nyankuje-mese ke maje ɔr njêt takul Ndil ke njèndisenon. Mese Krist nga ɔr se-tàgir le jéi ke majelé ndát-ndát dum le mese dange ɓai. Mese’n ɔr jèi unde jèi se ninn’n tede kade jè rai kule j’adi Nube ke njèndi kumgajer.

Jacques 1:21

Gir’n ke nè á ɔri ra si kɔke dann nyan ke mine’t bere mbak se gute nyange ke rang ke majelé. I taai Tà ke Maje ke Nube dubu ɓengre si’t se ngonn koje. Tà nè nga ase kaje ngarankum ra si.

Jacques 4:8

Agi ngɔr ke ra Nube’t ɓaa, è géa à age ngɔr ke ra si’t tɔ. I togoi ji si, sei njé ra majelége; ɔri se-nyange ke majelé kɔke dè ɓengre si’t, sei njé kem̂ jooge.

1 Pierre 1:2

Sei nga Bɔ jéi tɔr sei kété mari ke desêin se go gos nyanger le’n. E ɔr sei unde sei se ninn si gai ke kosdooge le’n takul Ndil-Kem̂nda. Nube ra titeke bè tede kade ilei koje dè Jésu-Krist’t a, tede kade mese’n ɔr’n kaiyage le si ndát-ndát a tɔ. Maje kade kem̂noje se kem̂lom oji nan ra si’t nyanmi-nyanmi.

1 Pierre 2:17

Ilei riɓar dè dooge’t malang. I tári ngakon sige ke njétaakem̂-Kristge malang. I ɓeli ndil Nube a, ilei riɓar dè ngar’t a tɔ.

1 Pierre 3:1

Sei dinyege géa, ulei dè si adi ngaw sige. Ke nè á njé ke nange ke undei kem̂ de dè tà’t le Nube lé géa à teli kundei kem̂ de dè’t takul nyanra si m takul tà tam si lé.

1 Pierre 3:20

Ndilge ke tooi dangai’t nè nga, ei dooge ke njé dum nange ke kété mari kem̂ ndɔge’t le Noé. Nè ndɔ ke Nube ile kem̂’n sár ade Noé ra’n bato tɔl mbas. Bato nè nga dooge sɔsɔ bere á awi kem̂é aji yo ndɔ ke mann bêlm ndum’n gute dooge ndarak dè nang nè.

1 Pierre 3:8

I ndigi tà go nan’t malang a, unni kum si dè nan’t lé a, i ndigi nan tite ngakon nange bè a, i rai kem̂kanm se nan a, ulei dè si adi nan a tɔ.

1 Pierre 4:17

Ndɔ gangtà nain ngɔr. D’a d’unn gir dè kosdooge’t le Nube. Ke nè á d’unn gir gangtà dè jéi jèi’t kuwe kété ɓita ɓaa, ké le njé ke mbati kundei kem̂ de dè Tà ke Maje’t nga à tò bain ta wa?

1 Pierre 4:8

I tári nan se kem̂nda káng. E ke nè á i rai kété gar-gar. Oiyo, tár nan nga utu dè kaiyage bule ngain.

2 Pierre 1:7

Utei ra si kalang le rɔti kan nan ke ngakon nange tà kile koje dè Nube’t a, i rɔti tár nan tà kan nan ke ngakon nange a tɔ.

1 Jean 3:11

I tári nan. E ke nè á è tà ke d’ede sei kété mari ke desêin d’ade ooi ɓá.

1 Jean 3:23

Nube unn ndu’n ade jèi le kade j’undei kem̂ jéi dè ri Ngonn’n Jésu-Krist’t a, jè tári nan titeke ndɔ ke Krist unn’n ndu’n ade jèi.

1 Jean 4:12

Doo karé bè géa an Nube se kum’n ndan lé ɓai. Nè ke nè á jè tári nan ɓaa, Nube um jèi nan’t bɔk a, tár ke è tár jéi nga maje ɔr njêt.

1 Jean 4:20

Ke nè á doo karé tam ede nè n’tár Nube, nè è ɔr ngokon’n njêt ɓaa, doo nè nga è njè lanm karè. Doo nè nga è njè lanm tede doo ke mbate tár ngokon’n ke an’n se kum’n nga ɓaa asekum tár Nube ke è an’n se kum’n lé nga ndan lé.

1 Jean 4:7

Kotárge le’m, adi jè tári nan tede tár nan nga in ra Nube’t kuwe. Nanan ke tár doo ndul made’n ɓaa, ger Nube a, è Nube kuwe á oje’n a tɔ.

Lookilera’n 2:4

Nè tár ke i tár’m kété nga, ɗarinè i inye go kɔke. E ke nè á è nyan karé ke ade m’aw’n sei se tà.