1 Pierre 1:21 - Nouveau Testament en Gulay 2004

²¹ E takul’n è Krist á sei undei kem̂ si dè Nube’t ke njè kade unde loo tee dann njé ke koo’t a, ke njè kule ndubra dènn’t a tɔ. Gir’n ke nè á sei undei kem̂ si dè Nube’t a, kem̂ si too’n tchên ke dènn’t a tɔ.

1 Pierre 1:21 ပူးပေါင်းရင်းမြစ်များ

Matthieu 28:18

Jésu aw ngɔr ke ra de’t ede de tàge titeke bè ede nè: – Man nga, d’ade’m tɔgmong dè nyange malang ke danrán se ke dè nang nè.

Jean 12:44

Jesu tam se ndu’n ke bòi beng ede nè: – Nanan ke unde kêm’n dèm’t ɓaa è man á unde kêm’n dèm’t lé, nè è njékule’m kuwe á è unde kêm’n dènn’t non.

Jean 14:1

Jésu ede njékuwe-girnge ede nè: – Adi kêm si olé bɔt-bɔt lé. Undei kêm si dè Nube’t a, undei kêm si dè’m man’t a tɔ.

Jean 14:6

Jésu ile Thomas dè’t ede nè: – Man nga m’ee rebe, man nga m’ee ngarankum tà a, m’a nga m’ee ndikumgajer a tɔ. Doo ke unn rebe ke ram’t lé ɓaa à tee ra Bɔm’t ndan lé.

Jean 17:1

Loo ke Jésu ede njékuwe-girnge tàge nè gir gang ɓá ɓaa, è unn kum’n ke danrán ede nè: – Bɔ’m, kàde’n ree ɓá ta. Ile riɓar dè ngonni’t, tede kade ngonni géa ile riɓar dèi’t tɔ.

Jean 17:24

Bɔ’m, njé ke um de jim’t nga, loo ke m’a m’ndi tutu ɓaa, m’ndige kade ndii se’m nan’t tutu tɔ. Titeke bè á d’a d’an’n ndubra ke i ule dèm’t nga se kum de. I tár’m kété mari ɓita unde nang nè ɓai.

Jean 17:5

Bɔ’m, riɓar ke m’inge rai’t nú kété ɓita unde nang nè ɓai nga, i tel ile dèm’t ɗarinè ta.

Jean 3:34

E ke Nube ule’n nga ɔrgir tàge le Nube, tede Nube ade’n Ndil se girson’n bere mbak.

Nyanra Njekawkulege 2:24

Nè Nube ɔr Jésu ke Nazareth dann nyankêmkonge’t le yo ade unde loo tee dann njé ke koo’t. Titeke bè á yo asekum kuwe’n nang gan-gan se go tɔgmong le’n lé.

Nyanra Njekawkulege 3:13

Nube le kà jéige Abraham, Isaac se Jacob ule ndubra dè Jésu Ngonn njèkule’t le’n. Jésu nga, sei ulei nin ji njékonɓeege’t a, i naji se ra si dènn’t tàkum Pilate’t a tɔ; nè è an titeke kinye Jésu dɔ è soo’t.

Nyanra Njekawkulege 3:15

Sei tɔli Ngar ke njè kade dooge ndii kumgajer se non nga, nè Nube ade unde loo tee dann njé ke koo’t. Jésu ke Nube ade unde loo tee dann njé ke koo’t nga, jè j’an’n se kum jé a, j’oo tàge le’n se mbi jé a tɔ.

Nyanra Njekawkulege 4:10

Maje kade sei a, kosdooge ke Israel malang a tɔ, i geri tà nè maje. Jésu-Krist ke Nazareth nga sei ɓeri kàde kage-ke-dese’t, nè Nube ade unde loo tee dann njé ke koo’t. Takul ri’n á ɓila doo nè nda mong’n ɗaj-ɗaj tàkum si’t malang.

Nje Ke Rome 10:9

Ke nè á tà tee tài’t ade i tam ndàt ede nè: Krist ke Nube ade unde loo tee dann njé ke koo’t nga è Kuwe-ɓee ɓaa, Nube à aji kerɔte kuwe.

Nje Ke Rome 4:24

nè dé ndang tà nè d’ɔje’n dè jéi jèi ke Nube ɔr tà dè jéi’t takul kêm jéi ke j’undei dè’n è ke njè kade Kuwe-ɓee le jéi Jésu unde loo tee dann njé ke koo’t nga.

2 Nje Ke Corinthe 6:15

Ké Krist se sú à umi nan’t titeke bain wa? Ké njètaakêm-Krist se njètaakêm-Krist lé à ɓei nan’t titeke bain wa?

Nje Ke Ephese 1:15

Gir’n ke nè á, loo ke m’oo kɔbe kem̂ si ke kundei dè Kuwe-ɓee Jésu’t a, m’oo ser tár ke sei tári njé ke tooi se ninn de malang a tɔ ɓaa,

Nje Ke Colosses 1:27

Njé ke ei le Nube ke tooi se ninn de nga, Nube ndige kade kum de gang dè nyanbaw le’n ke maje ngain ke tò loo ɓɔyɔn’t tede le dooge ke ei Juipge lé. Nyanbaw le’n ke maje ngain ke tò loo ɓɔyɔn’t nga, è Krist ke ndi kem̂ si’t. Takul è kuwe karé luk-luk á ndɔn’t a ingei ndubra le Nube.

1 Timothee 1:1

Man Paul njèkawkule le Jésu-Krist tede Nube njèkaje jéi se Jésu-Krist nyan kundekem̂ tchên dè’t le jéi unni ndu de adi man.

1 Timothee 3:16

Kerɔte kuwe, nyanger le jéi ke bò ke tò loo ɓɔyɔn’t ke jè geri se go kundekem̂ le jéi nga á tò nè: Krist unde loo tee pan tel ra’n tite jéi jèi dooge bè, Ndil-Kem̂nda ɔr tà dènn’t. Dooge ke danrán an-in nin loo kunde loo tee dann njé ke koo’t a, loo kin kaw danrán’t a tɔ. D’ile mber tà le’n dann dooge ke ei Juipge lé. Dooge ke dè nang nè undei kem̂ de dènn’t a, d’unn’n mbeng d’aw se’n danrán dann ndubra’t a tɔ.

Hebreuge 2:9

Nè jè tɔse kum jé dè nyan ke nè’t: Jésu, è ke dé tel se’n d’ade tɔgmong le’n nain go le dooge ke danrán ndêin bè, ɓita go’t gugu dé tel d’ule ndubra se riɓar dènn’t tede nyankem̂konge ke inge ji yo’t. Takul kem̂noje le Nube, è á Jésu inge’n yo weii’n tede dooge malang.

Hebreuge 6:1

Bè ɓaa, ade j’inyei go nyan-ndóge ke desêin ke dé ndó jèi ɔje dè kundekem̂ dè Krist’t nga ɓaa, ade j’awi kum jéi ke kété dè nyan-ndó ke maje ɔr njêt le dooge ke tɔgi káng-káng. Ade jè teli dè nyan-ndó ke desêin’t lé ta. Nyan-ndó ke desêin nga ɔje dè kinye go nyanrage ke majelé ke à awi se jéi kile jèi tà yo’t a, ɔje dè kundekem̂ dè Nube’t a tɔ.

Hebreuge 7:25

Gir’n ke nè á njé ke reei ra Nube’t se takul Jésu ɓaa, è ase kaje de nja karé bere ke ngang’n. Jésu nga ndi kumgajer sár se non. E ɔje tà se Nube dɔ-dɔ tede le de.

1 Pierre 1:11

Ndil Krist ndi kem̂ de’t ede tà nyankem̂konge ke ayé ra Krist se ndubra ke ayé kutu go nyankem̂kon nè nga kade ooi. Dé ter loo le ger ké ndɔ ke ra á nyan nè nga à tee wa? Njéribe-dè-tàge ke tà Nube’t teri loo le geri ké nyan nè nga à tee titeke bain wa?

1 Pierre 1:3

Bɔ Kuwe-ɓee le jéi Jésu-Krist nga, maje kade dè’n mong káng-káng. E tel oje jèi kige se go kem̂kanm le’n ke al dè loo takul kunde ke è ade Jésu unde loo tee dann njé ke koo’t. Gir’n ke nè á j’undei kem̂ jéi tchên dè ndikumgajer’t.

1 Pierre 3:22

Krist nga in aw ndi dè jikon Nube’t dɔ danrán. Dooge ke danrán se njékonɓeege a, se njé tɔgmong-ge malang a tɔ, ulei dè de adi nin.