1 Pierre 1:20 - Nouveau Testament en Gulay 2004

²⁰ Krist nga Nube ɔr’n ke njè kuge dè dooge kété mari ke desêin ɓita unde nyange malang ke dè nang nè ɓai. Nè ɗarinè è kile ra’n ke nata kem̂ ndɔge ke ngeinn’t nè tede tà le si.

1 Pierre 1:20 ပူးပေါင်းရင်းမြစ်များ

Matthieu 25:34

Ngar à ede njé ke ndai dè jikonn’t kede nè: «Sei njénonkarge ke ingei ndutɔr le Bɔ’m nga, i reei on-in ɓee ke d’uwe dè nja d’ɔje’n dè si kété mari loo kunde gir nang’t.

Nyanra Njekawkulege 2:23

Doo nè nga, Nube ule’n ji si’t se go rebe ke ndɔ ɔje se go nyanger le’n kété mari ke desêin. Sei in-in se’n ke kété ulei ji dooge ke ei Juipge lé adi ɓeri nin kàde kage-ke-dese’t tɔli nin.

Nje Ke Rome 3:25

Jésu-Krist nga, Nube ɔr’n unde’n ke nyan kɔr kaiya. Jésu-Krist wei ade mese’n an-in nang tede majelé le dooge. Njé ke undei kêm de dènn’t nga, Nube ade kêm’n tin mbit dè majelége’t le de. Nube tɔje titeke è njè ra nyan se dè naje’n. Kété mari Nube ile kêm’n pon dè majelége’t le dooge ade kure’n ɔde kum de lé.

Nje Ke Rome 8:29

Njé ke Nube ger de kété ɓita unde nang nè ɓai nga, è ɔje kêmn’t kété mari ke desêin le tel de ke ngann’n le kade tooi asinan se Ngonn kêm’n Jésu. Nube ra titeke bè le kade Ngonn’n ee’n doo ke desêin ke inge riɓar le Nube dann kosdooge’t le Nube.

Nje Ke Galatie 4:4

Nè loo ke dè kurloo ke Nube ɔje ase deĵ ɓá ɓaa, Nube ule Ngonn’n. Ngonn’n nga dinye á oje’n a, ndi gir gute-ndu’t a tɔ.

Nje Ke Ephese 1:10

Loo ke ndɔ’n à ase deĵ ɓaa, nyan ke Nube ɔje le ra á tò nè: A ɔse nja nyange ke danrán se nyange ke dè nang nè malang nan’t le kade Krist è doo dè de.

Nje Ke Ephese 1:4

Nube tɔr jéi takul Jésu-Krist kété mari ɓita è unde nang nè ɓai. E tɔr jéi le kade jèi dooge le’n ke jè tooi se ninn jéi gai tàkumn’t a, le kade tà karé bè uwe dè jéi nonn’t dè tár ke è tár jèi’t nga lé a tɔ.

Nje Ke Ephese 3:11

Se go nyan ke kété mari sár ɗarinè. Nyan ke Nube ɔje kété mari ke desêin nga kile ra’n ke nata ɗarinè takul Kuwe jéi Jésu-Krist.

Nje Ke Ephese 3:9

Ribe dè nyan ke tò loo ɓɔyɔn’t nga, è man á Nube um kule’n jim’t tede dooge malang. Nyan ke tò loo ɓɔyɔn’t nga, kété mari Nube ke Njèkunde nyange malang ɓɔyɔ dè se dooge.

Nje Ke Colosses 1:26

Tà le Nube nga kété mari è nyan ke tò loo ɓɔyɔn’t tede le dooge ke ndi dè nang nè. Nè ɗarinè Nube ribe dè ade njé ke ei lennge.

1 Timothee 3:16

Kerɔte kuwe, nyanger le jéi ke bò ke tò loo ɓɔyɔn’t ke jè geri se go kundekem̂ le jéi nga á tò nè: Krist unde loo tee pan tel ra’n tite jéi jèi dooge bè, Ndil-Kem̂nda ɔr tà dènn’t. Dooge ke danrán an-in nin loo kunde loo tee dann njé ke koo’t a, loo kin kaw danrán’t a tɔ. D’ile mber tà le’n dann dooge ke ei Juipge lé. Dooge ke dè nang nè undei kem̂ de dènn’t a, d’unn’n mbeng d’aw se’n danrán dann ndubra’t a tɔ.

Hebreuge 1:2

Nè kem̂ ndɔge ke ngeinn’t ɗarinè ɓaa, Nube ade Ngonn kem̂’n kuwe ree ede jèi tàge le’n ade j’ooi. Nube ɔr’n unde’n ke njè kɔi nyan-ndubege malang. E unde nyange se dooge malang takul Ngonn’n nè nga.

Hebreuge 2:14

Ngannge ke d’oje de se go danra nga ei dooge ke yo on ɓee dè de’t. Jésu géa ade d’oje’n ke doo made de bè tɔ. E ra tite bè tede le kɔr’n tɔgmong le njè kem̂ majelé ke njè tɔ ko dooge wont kɔke se go kwei le’n.

Hebreuge 9:26

Ke nè á è inye ra’n ade ke nyankuje-mese nja bule ɓaa, né ndɔ ke nyankem̂konge à rai nin nja bule unn gir’n mari loo ke Nube unde’n gir nang nè. Nè ɗarinè Krist tɔje ra’n nata ndái-ndái ke nyankuje-mese nja karé bere luk-luk ke ngang’n kem̂ ndɔge ke ngeinn’t nè tede kudu’n kum majelé le dooge.

1 Pierre 1:2

Sei nga Bɔ jéi tɔr sei kété mari ke desêin se go gos nyanger le’n. E ɔr sei unde sei se ninn si gai ke kosdooge le’n takul Ndil-Kem̂nda. Nube ra titeke bè tede kade ilei koje dè Jésu-Krist’t a, tede kade mese’n ɔr’n kaiyage le si ndát-ndát a tɔ. Maje kade kem̂noje se kem̂lom oji nan ra si’t nyanmi-nyanmi.

1 Jean 1:2

Ndikumgajer ke ndɔ ke unde loo tee nga, jè j’an’n se kum jé kuwe. Gir’n ke nè á jè j’ɔr’n go tà le’n a, j’ile mber tà le’n j’ade sei a tɔ. Ndikumgajer ke se non nè nga ndi ra Bɔ jéi’t kété mari ɓita ade unde loo tee pan ke kum jé’t ɓai.

1 Jean 3:5

Sei geri mbak titeke Krist unde loo tee tede kɔr majelé kum kɔke. Nè è nga majelé karé bè géa goto rann’t.

1 Jean 3:8

Nanan ke ra kaiya se ndɔ’n-ndɔ’n ɓaa in ra njè kem̂ majelé’t, tede njè kem̂ majelé nga unn gir ra majelé se ndɔge malang kété mari ke desêin. Gir’n ‘ke nè á Krist, Ngonn Nube unde’n loo tee’n pan tede le tuju nyanrage le njè kem̂ majelé nga kɔke.

Lookilera’n 13:8

Dooge malang ke ndii dè nang nè nga à ulei dè de nang non dan’t nè ɗɔyi nin. Njé ke ulei dè de nang non dan’t ɗɔyi nin nè nga, ei dooge ke mari loo kunde gir nang’t kuwe, dé ndang ri de kem̂ magtub ndikumgajer le Ngonn bate ke ndɔ ke dé tɔl’n nga lé.