1 Pierre 1:2 - Nouveau Testament en Gulay 2004

² Sei nga Bɔ jéi tɔr sei kété mari ke desêin se go gos nyanger le’n. E ɔr sei unde sei se ninn si gai ke kosdooge le’n takul Ndil-Kem̂nda. Nube ra titeke bè tede kade ilei koje dè Jésu-Krist’t a, tede kade mese’n ɔr’n kaiyage le si ndát-ndát a tɔ. Maje kade kem̂noje se kem̂lom oji nan ra si’t nyanmi-nyanmi.

1 Pierre 1:2 ပူးပေါင်းရင်းမြစ်များ

Matthieu 24:22

Ke nè á Nube gang tà ndɔge nè nga dɔ lé ɓaa, doo karé ke ayé kinge kaje géa goto. Nè Nube à gang tà ndɔge nè dɔ tede tà le njé ke è tɔr de.

Matthieu 24:24

Njé tête tà kunde tà Krist’t se njé tête tà kunde tà Nube’t à undei loo teei. A rai nyankɔbege se nyanpindege ke tooi ɓel tede le kade bainléa súii njé ke Nube tɔr de kuwe géa tɔ.

Matthieu 24:31

M’a m’ule dooge le’m ke danrán se burunju ke à ɓar kase loo nák-nák le kade ɔsi nja dooge le’m ke m’tɔr de m’unde de se ninn’n gai dè nang bere mbak, loo tee’t se loo kur’t le kàde, dè jikon se dè jigel a tɔ.

Marc 13:20

Ke nè á Nube gang tà ndɔge nè dɔ tede le njékêmndage le’n ke è tɔr de lé ɓaa, doo karé ke ayé ndi kumgajer goto. Nè è gang tà ndɔge nè nga dɔ tede njékêmndage le’n ke è tɔr de unde de se ninn de.

Marc 13:22

Tede njé ra ra de ke Krist se njé ra ra de ke njéribe-dè-tàge ke tà Nube’t à ɔsi nang kin-in. Ei à rai nyankɔbege le kade bainléa libi kum njékêmndage ke Nube tɔr de.

Marc 13:27

Kerɔte kuwe, m’a mule dooge le’m ke danrán kade awi se loo malang dè nang nè ɔsi nja njé ke m’tɔr de dè nan’t neĵ-neĵ.

Tà ke Maje ke Luc ndang 18:7

Ké Nube à gang rebe tà le njé le’n ke è ɔr de unde de se ninn’n ke tooi tànn’t lêkê-lêkê kada a, ndɔ a nga lé wa? Né à ngine mbɔr géa, ké à nal ra nyan tede le de wa?

Nyanra Njekawkulege 15:18

Kuwe-ɓee ke njè ra nyange malang nè nga kuwe á tam bè. Nyan ke è ra ɗarinè nga, è nyan ke è ɔji rebe’n kété mari ke desêin.»

Nyanra Njekawkulege 2:23

Doo nè nga, Nube ule’n ji si’t se go rebe ke ndɔ ɔje se go nyanger le’n kété mari ke desêin. Sei in-in se’n ke kété ulei ji dooge ke ei Juipge lé adi ɓeri nin kàde kage-ke-dese’t tɔli nin.

Nyanra Njekawkulege 20:32

Ɗarinè, m’um sei ji Nube’t a, m’um sei dann tà kêmnoje’t le’n a tɔ. Tà kêmnoje le Nube nga asekum ra se sei kade ingei nyange malang ke Nube uwe dè nja unde konn tede le njétaakêm-Kristge malang.

Nje Ke Rome 1:5

Takul Krist á Nube uwe’n se jé noje ade j’ee’n njékawkulege le kade girkoje dooge malang undei kêm de dènn’t a, ilei riɓar dènn’t a tɔ.

Nje Ke Rome 1:7

Sei malang ke kêm ɓee-bò ke Rome nga Nube tár sei á ɓar sei kade sei dooge le’n ke i tooi se ninn si. Maje kade Bɔ jéi Nube se Kuwe-ɓee Jésu-Krist adi sei kêmnoje se kêmlom.

Nje Ke Rome 11:2

Dooge ke Nube tɔr de kété mari ke desêin nga à mbate de ndan lé. Tà ke Magtub ke tò se ninn’n tam ɔje’n dè Elie nga, sei i geri mbak. Eli, njèribe-dè-tà ke tà Nube’t nga, ndɔ ke ile tà dè kosdooge ke Israel, non’n ra’n non Nube’t ede nè:

Nje Ke Rome 11:28

Juipge mbati Tà ke Maje teli ei njébange le Nube. Mbate Tà ke Maje le de nga tel è nonkar le si sei ke sei Juipge lé nga. Nè né è bè géa, dé kotárge le Nube tede ndu’n ke ndɔ ke unn ade kà dege kété mari nga.

Nje Ke Rome 15:16

Nube tel’m ke ngonn njèkule le Jésu-Krist tede le dooge ke ei Juipge lé. Nube ɔr’m unde’m se ninn’n tede kade m’ile mber Tà ke Maje le’n m’ade dooge ke ei Juipge lé. Titeke bè á Ndil-Kêmnda à ɔr’n njé ke ei Juipge lé kunde’n de se ninn de kade taai kum Nube.

Nje Ke Rome 16:19

Oiyo, kile koje le si nga kɔbe’n oso se loo mbit-mbit ade dooge malang geri ɓá. Gir’n ke nè á, m’ra’n ranel dè si’t. Nè m’ndige kade kum si unju dè nyanra ke maje’t a, kade i ndii kum dè ra si’t le kute nyanra ke majelé mbeng a tɔ.

Nje Ke Rome 16:26

Nè ɗarinè, Tà ke Maje nè nga kile ra’n ke nata. Titeke bè á dooge malang ke ei Juipge lé asikum ger Tà ke Maje le Krist takul magtubge ke njéribe-dè-tàge ke tà Nube’t ndangi. Nube ke Njèndi se non unn ndukunn nè nga titeke bè le kade dooge malang undei kêm de dènn’t a, ilei koje dènn’t a tɔ.

Nje Ke Rome 8:13

Ke nè á sei rai nyange ke kêm danra ndige ɓaa, sei a i tooi kasinan se dooge ke weii tàkum Nube’t. Nè ke nè á Ndil ra se si ade ebi ra si rai nyange le danra ɓaa, sei a i ndii kumgajer kerɔte kuwe.

Nje Ke Rome 8:33

Dooge ke Nube kuwe tɔr de nga, ké nan ase kile tà dè de’t wa? Doo karé bè ke ase kile tà dè de’t goto tede è è Nube kuwe á ɔr tà dè de’t ɓá.

1 Nje Ke Corinthe 1:30

Nè Nube um sei nan’t bɔk se Jésu-Krist. Jésu Krist nga Nube tel’n ke kumkunju le jéi ke deri. Takul Krist á Nube ɔr’n tà dè jéi’t a, unde’n jèi se ninn’n ke dooge le’n a tɔ. Nube ɔr jèi wont ji tɔgmong’t le majelé takul Krist.

1 Nje Ke Corinthe 6:11

Njé ke nange dann si’t kété ei njé ra nyange nè nga tɔ. Nè ɗarinè Nube le jéi togo se-kaiya le si ɔr ndát-ndát. E unde sei se ninn’n ade sei dooge le’n a, è ɔr tà dè si’t se ri Kuwe-ɓee Jésu-Krist a, se ri Ndil-Kêmnda a tɔ.

2 Nje Ke Corinthe 10:5

Tàgir le njé ti rage malang ke ɔge dooge ger gel Nube nga, jè ɓêngel de nang kɔke. Jè ndige le tel tàgir le dooge malang le kade ilei koje dè Krist’t.

Nje Ke Colosses 3:12

Nube tár sei ngain. Gir’n ke nè nè á è tɔr’n sei le kade sei dooge le’n ke i tooi se ninn de. Bè ɓaa, an-in kumndoo le nan, i rai kem̂kanm se nan, ulei dè si adi nan a, awi lom-lom a, ilei kem̂ si pon a tɔ.

2 Nje Ke Thessalonique 2:13

Ngakon jége, sei kotárge le Kuwe-ɓee, jè ɓaa jè ra Nube oiyo se ndɔge malang tede le si. Jè ra’n oiyo tede tɔr ke è tɔr sei kété mari ke desêin tede le kaje si se go tɔgmong le Ndil-Kem̂nda. Ndil-Kem̂nda tɔr sei undei sei se ninn’n gai tede kem̂ si ke undei dè ngarankum tà’t nga.

2 Timothee 2:10

Gir’n ke nè á m’oré’n tà’m njak dè nyange malang ke tee dèm’t tede le njé ke Nube tɔr de. M’ra titeke bè tede kade dé géa d’inge’n kaje le Jésu-Krist a, se ndubra ke se non a tɔ.

Tite 1:1

Man Paul ɓer le Nube se njèkawkule le Jésu-Krist. Man nga Krist ule’m le kade njé ke Nube tɔr de unde de se ninn de undei kem̂ de dènn’t. Kule ke Krist ule’m nga, è tede kade njè ke Nube tɔr de geri ngarankum tà ke uwe made nan se kile koje dè Nube’t a tɔ.

Hebreuge 10:22

Bè ɓaa, j’agi ngɔr ke ra Nube’t se kem̂nda káng a, se kundekem̂ ke deri tede Jésu togo se-tàgir ke majelé ke dè ɓengre jéi’t. E togo danra jéi se mann ke unju nyang-nyang ɓá a tɔ.

Hebreuge 11:28

E takul kundekem̂ á ndɔ ke Moise ade dé tɔl ngann batege unde’n gir ra nan Paque. E ade dé rɔke mese ngann batege tàbit keige’t le de tede kade doo ke danrán ke njè tɔ ko dooge tɔl ngann der kosdooge ke Israel lé.

Hebreuge 12:24

Sei reei ra Jésu ke njè nda dann mann-ra ke kige’t le Nube se kosdooge le’n. Mese Jésu ɔr tà dè jéi’t dum le Abel ke ndɔ ke an-in nang nga ɓai.

Hebreuge 5:9

Nube tel’n ke doo ke maje ɔr njêt. Krist tel è njè kade dooge malang ke ilei koje dènn’t ndii kumgajer sár se non.

1 Pierre 1:14

Ilei koje dè Nube’t. Inyei go nyanrage ke majelé ke kété i rai loo ke ndɔ ke i geri Krist lé ɓai nga kɔke ta.

1 Pierre 1:19

Nè Nube uge dè si se mese Krist ke nar’n ur kugu. Krist nga tò asenan se ngonn bate ke gel’n goto a, ra’n ɔr ɓál lé a tɔ.

1 Pierre 1:20

Krist nga Nube ɔr’n ke njè kuge dè dooge kété mari ke desêin ɓita unde nyange malang ke dè nang nè ɓai. Nè ɗarinè è kile ra’n ke nata kem̂ ndɔge ke ngeinn’t nè tede tà le si.

1 Pierre 1:22

Koje ke sei ilei dè ngarankum tà’t nga á i telii sei dooge ke unji nyang-nyang le tár’n njétaakem̂-Kristge se kem̂nda káng. I tári nan ngain dè ɓengre si’t.

1 Pierre 2:9

Nè sei ɓaa, sei girkà ke d’ɔr sei ke njékuje nyan-mesege ke gir si è ngar. Sei sei girkoje dooge ke i tooi se ninn si gai. Sei kosdooge le Nube ke kinge’n kuwe deri. E ɓar sei ade undei dann tilkus’t i teei, i reei dann lookar’t tede kade ilei mber nyanrage ke maje dum nga.

2 Pierre 1:2

Sei geri Nube a, sei geri Kuwe-ɓee le jéi Jésu nga maje a tɔ. Maje kade adi kem̂noje se kem̂lom le si in-in dè made’t ke kété.

2 Jean 1:1

Man ngatɔge doo nga, m’ndang magtub nè m’adi i Kyria se ngannige. I nga i dinye ke d’undei se ninn’n gai. I se ngannige malang nga, m’tár sei kerɔte kuwe. E man á m’tár sei se kar’m lé, nè dooge malang ke geri ngarankum tà nga géa tári sei tɔ.

2 Jean 1:13

Ngann le ngokoin ke dinye ke Nube ɔr’n unde’n se ninn’n gai nga, rai nin lapya ngain.

Jude 1:2

Maje kade kem̂kanm se kem̂lom a, se tár nan a tɔ, oji nan ra si’t nyanmi-nyanmi.