1 Pierre 1:17 - Nouveau Testament en Gulay 2004

¹⁷ Nube ke njè ndête kum doo lé nga á ke njègangtà dè nanan géa se go kule ra’n-ra’n nga, sei ɓari nin Bɔ si. Bè ɓaa, i ɓeli ndil’n loo ke sei i nain-in ke mbage bè dè nang nè ɓai.

1 Pierre 1:17 ပူးပေါင်းရင်းမြစ်များ

Matthieu 16:27

Ndɔ karé ke man ke m’ee Ngonn doo nga, m’a tel ree se dooge le’m ke danran dann ndubra’t le Bɔ’m ɓaa, kêm ndɔn’t nè nga m’a m’uge nanan géa se goo nyan ra’n ra’n.

Matthieu 22:16

Pharisienge ɔri pajage le de se njé le Hérode ulei de ra Jésu kade deji nin edi nè: – Njèndó dooge nyan, jè ger titeke i i njè kusu dè tà lé a, rebe nyange ke Nube ɔje ke i ndó dooge nga è ngarankum tà kerɔte kuwe. I i njè ndête kum doo karé bè tede nyankinge’n éké tede girkoje le’n lé a tɔ.

Matthieu 6:9

Loo ke a ɔji tà se Nube ɓaa, i tami titeke bè edi nè: «Bɔ jé i ke njè ndi danrán, maje kade dooge malang geri titeke rii è ri ke tò se ninn’n gai.

Nje Ke Rome 11:20

E kum kuwe. Dé jeng de kɔke tede kunn mbi dè tà’t le de. I taa gute de takul kundekêm lei. I ti rai lé, nè unde kumkunju dè rai’t.

2 Nje Ke Corinthe 1:2

Maje kade kêm-maje se kêmlom ke in ra Bɔ jéi Nube’t se ra Kuwe-ɓee Jésu Krist nain se si.

2 Nje Ke Corinthe 5:6

Jè nda kêm jé káng j’orè tà jé njak se ndɔge malang. Kerɔte kuwe, jè ger mbak titeke loo ke jè nain se danra jéi dè nang nè ɓai nga, jè ndi heb se Kuwe-ɓee.

2 Nje Ke Corinthe 7:1

Ngakonmge, Nube kuwe unn ndu’n ade jèi titeke bè. Bè ɓaa, ade j’utei ra jéi mbeng dè nyange malang ke mine le danra a, le tàgir a tɔ. Adi jè tooi se ninn jéi tede jèi dooge ke jè ɓeli Nube.

2 Nje Ke Corinthe 7:11

Kumndoo ke se go kêmndige le Nube nga oje nyange nè malang dann si’t ade an-in ɓá. Kumndoo nè nga á ade in-in kalang ɔri tà i taai dè’m. E ade kum si gang dè majelé’t ade i turi hal si a, i ɓeli Ndil Nube a tɔ. Kumndoo nè nga ade ngur kan’m ra sei pênn-pênn. Kumndoo nè nga ade ilei kêm si dè njé ra majelége’t. E tel sei ke njé ra nyan ke se dè najennge. Nyanra si malang tɔje jè titeke tà karé géa uwe dè si lé.

Nje Ke Galatie 2:6

Njé ke d’an de ke dooge ke bòi nonm’t kété nga usu’m nyan karé dè de’t lé. Nube nga è njè ndête kum doo karé bè lé. Njé ke d’an de ke dooge ke bòi nga, dé ndoo’m nyan ke kige karé bè lé.

Nje Ke Ephese 1:17

Man m’ra titeke bè le kade Nube le Kuwe-ɓee le jéi Jésu-Krist, è Bɔ jéi ke ndubra è le’n ade sei kumkunju le Ndil. Titeke bè á kum si à gang’n dè Nube’t le kade i geri nin njai-njai.

Nje Ke Ephese 3:14

Gir’n ke nè á m’ɔse’n keje’m nang non Bɔ jéi’t,

Nje Ke Ephese 6:9

Sei kuwe dege géa, i rai se de maje titeke bè tɔ. Ebi ra si dè ra se de majelé. Sei geri mbak titeke kuwe si sei se de nga ndi danrán non. Kuwe si nga è njè ndête kum doo karé bè ndan lé.

Nje Ke Philippes 2:12

Kotárge le’m, ilei koje dè Nube’t se ndɔge malang titeke ndɔ ke m’ee’n se si. Ɗarinè ke m’goto se si nga, ilei koje dè Nube’t adi dum ke kété. I ɓeli Ndil Nube, i rai kule dè kaje’t le si se ngonn koje.

Nje Ke Colosses 3:25

Nanan ke ra nyan ke nal naje’n ɓaa à inge nyan ke ɔje dè nyanra ke se dè naje’n lé le’n è kuwe. Oiyo, ndête kum doo goto ra Nube’t.

Hebreuge 12:28

Ade jè rai oiyo Nube tede ɓeekon ke j’ingei nga è ɓeekon ke à yei ndan lé. Taɓai ade jè rai nyan ke taa kum’n a, j’ilei koje dènn’t a, jè ɓeli ndil’n a tɔ.

Hebreuge 4:1

Ndɔ ke Nube unn ndu’n ede nè j’à j’awi loo taa kebe’t le’n. Ndukunn le’n nè nga tò njáng ɓai. Bè ɓaa, ade j’undei kumkunju dè ra jéi’t le kade doo karé dann si’t ɔse loo taa kebe nè nga pat nal lé.

1 Pierre 2:11

Kotárge le’m, sei tooi asinan se njé nanmge a, se mbage ke ndii dè nang nè. M’ndeje sei kade ɔgi ra si dè ngur nyange le danra ke ndi à rɔ se ngarankum ra si.

1 Pierre 3:15

Krist kuwe karé bere á è Kuwe-ɓee le si. Undei nin se ninn’n dè ɓengre si’t. Uwei dè nja ra si le kade nanan ke deje sei tà ɔje dè kundekem̂ tchên’t le si ɓaa, ɔri gir adi nin.