1 Pierre 1:15 - Nouveau Testament en Gulay 2004

¹⁵ Nube è ke njè ɓar sei nga tò se ninn’n gai. Bè ɓaa, sei géa adi nyanra si tò se ninn’n gai a tɔ,

1 Pierre 1:15 ပူးပေါင်းရင်းမြစ်များ

Matthieu 5:48

I maji ɔri njêt titeke Bɔ si ke ndi danran ee’n njè maje kɔr njêt nga tɔ.

Nje Ke Rome 9:24

Dooge ke Nube ra se de kêmkanm nga, è jèi ke è ɓar jèi. E dann jéi jèi Juipge kuwe se kar jéi á Nube ɓar jèi lé, nè è ɓar njé ke ei Juipge lé nga tɔ.

2 Nje Ke Corinthe 7:1

Ngakonmge, Nube kuwe unn ndu’n ade jèi titeke bè. Bè ɓaa, ade j’utei ra jéi mbeng dè nyange malang ke mine le danra a, le tàgir a tɔ. Adi jè tooi se ninn jéi tede jèi dooge ke jè ɓeli Nube.

Nje Ke Philippes 1:27

Nyan karé ɓaa, adi pa njiye si uwe made nan se Tà ke Maje le Krist. Titeke bè á, né m’aw m’an sei, éké m’aw lé géa, m’a m’oo titeke sei umi tàgir le si nan’t bɔk a, undei tɔge si nan’t i rɔi se kem̂ karé. I rai titebè tede kade dooge ke rang undei kem̂ de dè Tà ke Maje’t nga.

Nje Ke Philippes 3:14

M’an-in ngɔde m’ɔje’n dè nyankuge dè ji’m. Nube ɓar’m le kade m’inge nyankuge dè ji’m danrán takul kum ke m’um nan’t bɔk se Jésu-Krist.

Nje Ke Philippes 3:20

Nè jéi ɓaa, ɓee ndi jéi ke get è danrán, loo ke njèkaje dooge Kuwe-ɓee le jéi Jésu-Krist ke jè ndii jèi nginei nin nga, à in tutu le tel ree.

1 Nje Ke Thessalonique 2:12

Jè ndeje sei a, j’ule dingem kem̂ si’t a, le kade pa njiye si ile riɓar dè Nube ke njè ɓar sei kade on-in ɓee se’n a, ingeii ndubra le’n nga a tɔ.

1 Timothee 4:12

An tá nè kade doo karé bè géa nedi tede k’ee ke i basa. Nè i tel i nyan-ndaje kum le njétaakem̂-Kristge se tà tami, se pa njiyei, se tár lei, se kundekem̂ lei a, se ra kunju nyang-nyang lei a tɔ.

2 Timothee 1:9

E Nube kuwe aje jèi a, ɓar jèi le kade jèi dooge le’n ke tooi se ninn de a tɔ. Ɓar ke è ɓar jèi nga è se go kule ra jéige lé, nè è se go nyan le’n ke è kuwe ɔje kem̂n’t kété mari se go kem̂-maje le’n. E noje ke è uwe se jéi karè kété mari ɓita unde gir nyange takul kum ke j’umi nan’t bɔk se Jésu-Krist.

Tite 3:14

Maje kade njétaakem̂-Kristge ke ɓéee le jéi jèi géa ndói ra kulege ke maje se ndɔ karé-karé. D’a ra titeke bè le kinge’n nyange ke le ra’n se njé ke nyan nal de. Loo ke ei ndii se dè de dɔ ɓai nga, ke nè á ei rai se njé ke nyan nal de ɓaa, kann de a tò.

Tite 3:8

Tà nè nga, è tà kerɔte. Man m’ndige kade oré kage dè tà’t nè nga tede kade njé ke undei kem̂ de dè Nube’t awi kum de ke kété-kété dè kule rage ke maje’t. Tà nè nga è Tà ke Maje ke à ra se dooge malang.

Hebreuge 12:14

Uwei ra si mong le ndii se kem̂lom se dooge malang. Awi kum si ke kété-kété le k’eei dooge ke tooi se ninn de gai. Ke nè á è bè lé ɓaa, doo karé bè géa à an Kuwe-ɓee se kum’n ndan lé.

Hebreuge 13:5

Adi ngur nar ule aljem̂ tà si’t uwe’n sei ɓer lé. I rai ranel dè nyan ke tò ji si’t tede Nube kuwe tam ndàt nè: «M’a m’inyei sengel lé a, m’a m’inye gooi ndan lé a tɔ.»

Jacques 3:13

Ké nan dann si’t á è njèkumkunju a, njègos nyanger a tɔ wa? Ke nè á njè kumkunju éké njègos nyanger è dann si’t ɓaa, maje kade ra nyange ke maje a, aw lom-lom a tɔ.

1 Pierre 2:12

Dooge ke geri Nube lé nga tami tede si a, an-in sei ke njè ra majelége a tɔ. Nè né è bè géa, i njiyei dann de’t se maje’n tede kade teri nyanra sige ke maje. Titeke bè á à ilei riɓar dè Nube’t ndɔ ke à ile’n kum’n dè de’t.

1 Pierre 2:9

Nè sei ɓaa, sei girkà ke d’ɔr sei ke njékuje nyan-mesege ke gir si è ngar. Sei sei girkoje dooge ke i tooi se ninn si gai. Sei kosdooge le Nube ke kinge’n kuwe deri. E ɓar sei ade undei dann tilkus’t i teei, i reei dann lookar’t tede kade ilei mber nyanrage ke maje dum nga.

1 Pierre 3:16

Nè ilei nanan géa dè’t se ndu noje a, se kile koje a tɔ. Adi tàgir ke kem̂ si’t è ke maje se ndɔge-ndɔge. Titeke bè á njé tête tà kunde tà sige’t se njé tam tàge ke majelé dè pa njiye si ke maje ɔje dè njétaakem̂-Kristge nga, à ndii dann rasɔl’t.

1 Pierre 5:10

Nyankem̂konge ke à rai sei nga, kò’n à tò mbɔr lé. Nè Nube ke ɓar sei nga, nyan-nojege malang in rann’t. E ɓar sei le kade oréi nan se’n dè ndubra’t le’n ke à tò sár se non takul kum ke sei umi nan’t bɔk se Krist. Nube kuwe à tel gɔl sei kade i teli i ndai dè nja si’t njáng anje tɔ pum.

1 Jean 3:3

Nanan ke unde kem̂’n tchên dè Krist’t ɓaa, maje kade ade ra’n unju nyang-nyang titeke Krist géa ade ra’n unju’n nyang-nyang bè tɔ.

Lookilera’n 3:7

Doo ke m’an’n nga tam ede nè: «I ndang magtub ade doo ke danrán ke njèkan dè njékebe nange ke kem̂ ɓee-bò ke Philadelphie. E ke njè tò se ninn’n a, njè tam ngarankum tà a tɔ. E uwe lakêlé le ngar David jinn’t. Ke nè á teen tà rebe ɓaa, doo karé géa asekum kutu gugu lé a, ke nè á utu tà rebe ɓaa, doo karé géa asekum teen gugu lé a tɔ. E tam ede nè:

Lookilera’n 4:8

Nyankundege ke sɔ nè nga awi se bage de mute-mute karé-karé malang, kum de bule ndari-ndari dè bage de’t se gir bage de’t a tɔ. Loo taa kebe le de goto sár. Ndɔɔ a, kada a, ɔsi pa ilei riɓar dè è ke ndi dè kutu-ngar’t edi nè: «Njè tò se ninn’n, njè tò se ninn’n, njè tò se ninn’n nga è Kuwe-ɓee Nube ke Njètɔgmong ke dum dè loo, è ke njè ndi tutu kété mari sár ɗarinè a, ndi à ree sei non a tɔ.»

Lookilera’n 6:10

Dooge nè nga tami tà se ndu de ke bòi beng edi nè: «Kuwe-ɓee, i i doo ke get ke i tò se ninni gai. Dooge ke ndii dè nang nè nga, ké a i tile mbɔr sár ndɔ ke ra a i gangtà dè de’t wa? Ké ndɔ ke ra a i deje tà dè tɔl ke ndɔ ke ei tɔli jè nga wa?»