1 Pierre 1:13 - Nouveau Testament en Gulay 2004

¹³ Bè ɓaa, adi tàgir le si ndikum a, i ndii kum si karè. Undei kem̂ si tchên dè noje ke d’a d’uwe se si ndɔ tel ree’t le Jésu-Krist.

1 Pierre 1:13 ပူးပေါင်းရင်းမြစ်များ

Matthieu 20:4

E ede de ede nè: «Sei géa, ɔti awi kêm ndɔr nduu’t le’m ɓaa, m’a m’uge sei se go rebe’n.»Dooge nè ɔti awi kuwe tɔ.

Tà ke Maje ke Luc ndang 12:35

– I ndii se kubu ra kule ra si’t. Umi mine ɓede si’t a, adi lampe le si ndogó kotong a tɔ.

Tà ke Maje ke Luc ndang 17:30

Ndɔ ke man ke m’ee Ngonn doo m’a m’ndubra’m ke nata nga géa à è titeke bè tɔ.

Tà ke Maje ke Luc ndang 17:8

Ḿ-m̀, è à kede’n kede nè: «Uwe dè nja nyankuse ɓaa, ule kubu ra kule rai’t ade’m nyan m’use a, m’an-in a ɓita i a kuse éké kain nyan ke lei ɓai.»

Nje Ke Rome 13:13

Ade jè njiyei danné sêw tite doo ke njiye dann kada bè. Ebi ra si dè k’ee doo nyankuse se doo nyankain. Ebi ra si dè tò se nan ke kaiya’t se dè nyanrage ke pás-pàs a, dè kɔl nan’t se dè ra jang’t a tɔ.

Nje Ke Rome 8:19

Nyankundege malang ndii kerm nginei ndubra le ngann Nube ke ndɔn’t Nube à ade à kile ra’n ke nata.

1 Nje Ke Corinthe 1:7

Bè ɓaa, ɗarinè nyan-noje karé bè géa nal sei ke i ndii a i nginei ndɔ tel ree le Kuwe-ɓee le jéi Jésu-Krist nga lé.

1 Nje Ke Corinthe 13:13

Ɗarinè, nyange ke mute nè á nain-in: kundekêm a, kundekêm tchên a, se tár nan a tɔ. Nè tár nan á dum dè nyange ke mute nè nga mbak.

Nje Ke Ephese 6:14

I ndai dè nja si’t dɔ njáng i tɔi ɓede si se ngarankum tà titeke doo tɔ’n ɓede’n se ndar njanm-njanm; ulei nyanra ke se dè naje’n kàde si’t tite kubu rɔ ke nar bè a tɔ.

Nje Ke Colosses 3:4

Krist è ndikumgajer le si. Loo ke è à unde loo tee pan ɓaa, sei géa a undei loo teei se’n nan’t a, a oréi nan se’m dè ndubra’t le’n a tɔ.

2 Nje Ke Thessalonique 1:7

Sei ke dé ra se si nyantosowurge nè nga, ndɔ ke kuwe jéi Jésu à in danrán le kunde loo tee pan se dooge le’n ke njé tɔgmong-ge ɓaa, Nube à ade a i taai kebe se jé nan’t tɔ.

2 Timothee 4:5

Nè né è bè géa, i ɓaa, unde kumkunju dè rai’t ɔje dè nyange malang. Oré tài njak dè nyankem̂konge’t, i ra kule ra njèkile mber Tà ke Maje. I ra kule lei ɔr son’n njêt a tɔ.

2 Timothee 4:8

Unn gir’n ɗarinè, jɔkɔ kunn banga le nyanra ke se dè naje’n tò ngine’m. Kuwe-ɓee ke njègangtà se dè naje’n à ade’m kem̂ ndɔn’t nè nga. Kuwe-ɓee à ade’m man á se kar’m lé. Nè dooge malang ke undei kem̂ de tchên dè ndɔ tel kunde loo tee pan’t le’n nga, è à ade jɔkɔ kunn banga nè nga tɔ.

Hebreuge 10:35

Inyei go kundekem̂ le si nga lé, tede takul’n á d’a d’uge’n dè ji si.

Hebreuge 3:6

Nè Krist ɓaa, è Ngonn ke ase; è á Nube ɔr’n unde’n ke njèkan dè loo kem̂ kei le’n. E ra kule le’n se ngonn koje. Ke nè á jè ndai kem̂ jéi káng dè kundekem̂ tchên ke jè ndii jè pitii ra jéi’t nga ɓaa, j’à jè kei le Nube kuwe.

Hebreuge 6:19

Kundekem̂ tchên nè nga tò asenan se nar nyan dɔɔ bato nang ke ngiring ngiring-ngiring ke jè tɔi ra jéi’t. Kundekem̂ tchên nè nga aw sár al gide kubu gang gile loo ke tò se ninn’n.

Hebreuge 9:28

Krist inye ra’n ade ke nyankuje-mese nja karé bere luk-luk ke ngang’n tede kɔr’n majelé le dooge bule. E à tel le ree ke njèkon’t joo ɓaa, è tede kɔr majelé le dooge tɔ lé ta, nè tede kaje njé ke ndii nginei nin tchên ta.

1 Pierre 1:10

Kaje nè nga, njéribe-dè-tàge ke tà Nube’t sangi gir ke get se ngang’n lêr-lêr a, nderi gir uyi tete undei. Noje ke Nube ayé kuwe se si nga, ei tami tà’n kété mari ke desêin.

1 Pierre 3:15

Krist kuwe karé bere á è Kuwe-ɓee le si. Undei nin se ninn’n dè ɓengre si’t. Uwei dè nja ra si le kade nanan ke deje sei tà ɔje dè kundekem̂ tchên’t le si ɓaa, ɔri gir adi nin.

1 Pierre 4:7

Ndɔ le ngei nyange malang è ngɔr ta. I njiyei se kumkunju’n a, i ndii kum dè kɔje tà se Nube’t a tɔ.

1 Pierre 5:12

Man m’an Silas ke ngokon jéi ke get. Takul’n è á m’ndang’n magtub ndêin bè m’ade sei le kule’n dingem kem̂ si’t, le kede’n sei ngarankum noje ke Nube uwe se si nga kade i ligri tutu lagr-lagr.

1 Pierre 5:8

I ndii kum si karè, ɔgi kum si ɓi. Sú ke è njèban le si nga uje rɔ ringe’n tite toboi bè. E sang doo ke le kuwe’n kuse’n.

1 Jean 3:3

Nanan ke unde kem̂’n tchên dè Krist’t ɓaa, maje kade ade ra’n unju nyang-nyang titeke Krist géa ade ra’n unju’n nyang-nyang bè tɔ.