1 Pierre 1:12 - Nouveau Testament en Gulay 2004

¹² Nyange ke njéribe-dè-tàge ke tà Nube’t ribei dè kété nga, Nube tee se gir ade geri titeke nyange ke è ade dé ribe dè nga ɔje dè de lé, nè ɔje dè si sei. Nyange ke njéribe-dè-tàge ke tà Nube’t ribei dè kété mari nga, ɗarinè njékile mber Tà ke Majege ilei mber’n adi sei se go Ndil-Kem̂nda ke d’ule’n danrán d’ade de. Dooge ke danrán kuwe géa, ngur ter nyange nè nga ra de pênn-pênn.

1 Pierre 1:12 ပူးပေါင်းရင်းမြစ်များ

Matthieu 11:25

Kêm ndɔn’t nè nga, Jésu ɔje tà se Nube ede nè: – Bɔ’m Kuwe-ɓee ke danrán se nang nè, m’tɔyi tede ribe ke i ribe dè nyange nè ade ngannge ke ndêin. Nè njékumkunjuge se njégos nyangerge ɓaa i ɓɔyɔ se de dè nyange nga kák .

Matthieu 11:27

Nyange malang nga Bɔ’m tel’n um jim’t. Doo karé ke ger’m maje ke Ngonn’n goto. Nè Bɔ’m kuwe karé bere á ger’m maje. Doo karé ke ger Bɔ’m maje goto, nè man Ngonn’n kuwe karé á m’ger’n maje. Nanan ke man Ngonn doo m’ribe se’n dè Bɔ’m ɓaa ase le ger’n maje.

Matthieu 16:17

Jésu ede Pierre ede nè: – Simon, ngonn Jonas, rai neli tede è doo ndul á ade kumi gang dè tà’t nè nga lé. Nè è Bɔ’m ke danrán kuwe ade kumi gang dè tà’t nè nga.

Marc 16:15

Go’t gugu Jésu ede de ede nè: – Awi se loo malang dè nang nè, ilei mber Tà ke Maje adi dookundege bere mbak.

Tà ke Maje ke Luc ndang 15:10

Titeke bè á man m’ede sei ndàt, Nube se ngann njéndige le’n ke danrán ali ra de ngain tede tà le njèkaiya karé ke inye go kaiya le’n tel tur hal’n.

Tà ke Maje ke Luc ndang 2:26

Nube ade Ndil-Kêmnda ede Siméon kété titeke ayé kwei lé sár kade an Kuwe-ɓee Krist ke Nube ule’n nga se kum’n ɓita.

Tà ke Maje ke Luc ndang 9:6

Titeke bè á, njékuwe-gir-Jésuge awi se kêm ɓee-ɓee ilei mber Tà ke Maje a, ɔri ratur ra dooge’t se loo malang a tɔ.

Jean 15:26

Ndil-Kêmnda le ngarankum tà ke à in ra Bɔm’t nga, à è njè ra se si. Loo ke m’a m’ule’n kade ree ɓaa, è kuwe à è njèkɔrgo tà le’m.

Nyanra Njekawkulege 10:44

Loo ke Pierre ndi tam tà tànn’t bè-bè bai ɓaa, Ndil-Kêmnda ree taa kêm dooge ke ndai à ooi tà nè nga pel-pel.

Nyanra Njekawkulege 16:10

Go nyanpinde’t nè nga, j’in ke loon’t nè kuwe jè sang le kaw Macédoine. Jè j’an titeke è Nube kuwe á ɓar jè kade j’aw j’ile mber Tà ke Maje j’ade dooge ke kêm ɓeekon ke Macédoine nè nga.

Nyanra Njekawkulege 2:33

Nube unn ndu’n kété mari ede nè n’a n’ule se Ndil-Kêmnda kade dooge. Loo ke è unn Ngonn’n Krist mbeng ade aw ndi dɔ dè jikon’t ɓá ɓaa, è ade’n Ndil-Kêmnda nga. Taɓai Krist in ke kété ule se Ndil-Kêmnda nga ade yal nan dè jéi’t karé-karé malang. E nè nga, è nyan ke sei an-in se kum si a, ooi tà’n se mbi si ɗarinè ɓá ta.

Nyanra Njekawkulege 4:31

Loo ke d’ɔje tà se Nube titeke bè gir gang ɓá ɓaa, loo ke dé kebe nan tutu ule yirk-yirk. Ndil-Kêmnda taa kêm de pel-pel malang ade d’ile mber tà le Nube se kêmnda káng.

Nyanra Njekawkulege 4:8

Ndil-Kêmnda taa kêm Pierre pel-pel ɔse’n ade ede de ede nè: – Sei njékɔr non Juipge se ngatɔgege ke Israel,

Nyanra Njekawkulege 8:25

Loo ke Pierre se Jean ɔri go tà le Kuwe-ɓee a, ilei mber tà le’n ɓá ɓaa, ei teli awi kêm ɓee-bò ke Jérusalem. Pierre se Jean ilei mber Tà ke Maje se kêm ngann ɓeege gai-gai ke kêm ɓeekon ke Samarie.

Nje Ke Rome 1:15

Gir’n ke nè á, sei ke i ndii kêm ɓee-bò ke Rome nga géa, ngur kaw kile mber Tà ke Maje kade sei ra’m pênn-pênn tɔ.

Nje Ke Rome 1:17

Tà ke Maje nga tɔje jéi titeke Nube ɔr tà dè doo’t takul kundekêm, unn gir ndɔ ke desêin sár ndɔ ke ngeinn’t titeke dé ndang’n kêm magtub’t d’ede nè: «Doo à ndi kumgajer takul kundekêm.»

Nje Ke Rome 10:15

Ke nè á d’ɔr dooge d’ule de lé ɓaa, ké à ilei mber Tà ke Maje nga titeke bain wa? Magtub ke tò se ninn’n tam ede nè: «Kan njékile mber Tà ke Maje loo njiye’t, è nyan ke maje dum: nja de mong nang tchai.»

Nje Ke Rome 15:19

se go tɔgmong le nyankɔbege se nyange ke dum kum a, se go tɔgmong le Ndil-Kêmnda a tɔ. Titeke bè á m’unn’n gir kile mber Tà ke Maje le Krist kêm ɓee-bò ke Jérusalem se ɓeege malang ke an-in dè’n gêrêr sár m’tee’n kêm ɓeekon ke Illyrie. M’ile mber Tà ke Maje le Krist nga m’ɔr son’n njêt kêm ɓeege’t nè nga.

1 Nje Ke Corinthe 2:10

Nè Nube ribe dè nyan nè nga ade jèi takul Ndil-Kêmnda. Kerɔte kuwe, Ndil-Kêmnda ter nyan malang a, tàgirge le Nube ke ngarankêmn’t géa, Ndil-Kêmnda ger mbak a tɔ.

2 Nje Ke Corinthe 1:22

Jè nga Nube unde nyankorji le’n ra jé’t a, ade Ndil-Kêmnda ndi dè ɓengre’t jé’t a tɔ. Ndil-Kêmnda nga, è tàpitem nyange ke ndɔn’t j’à j’ingei.

2 Nje Ke Corinthe 6:6

Jè tɔje ra jé j’ade dooge an-in jè ke njémade kulege le Nube se go kêmnda a, se go nyanger a, se go korè tà njak a, se kêm-maje a, se go Ndil-Kêmnda a, se go tár nan se kêmnda káng le jé a tɔ.

Nje Ke Galatie 1:12

Tà ke Maje nè nga, m’inge ra doo karé’t lé a, doo karé á ndó’m lé a tɔ. Nè Jésu-Krist á ribe dè ade’m.

Nje Ke Galatie 1:16

Nube ade kum’m gang dè Ngonnenn’t tede kade m’ile mber tà le’n made dooge ke ei Juipge lé. Ke loon’t nè kuwe m’aw ra doo karé’t bè m’deje’n tà lé.

Nje Ke Ephese 3:10

Nè ɗarinè, takul njékebe nange le Nube á njékɔr non dooge se njétɔgmong-ge ke kem̂ danran’t dɔ geri kumkunju le Nube ke se ri’n-ri’n nga.

1 Nje Ke Thessalonique 2:9

Ngakon jége, loo ke ndɔ ke j’ile mber Tà ke Maje le Nube j’ade sei nga, j’ule ra jé ndibe jè ra kule j’ɔr yàl-yàl ndɔ a, kada a tɔ. Jè ra titeke bè tede le tel kɔii’n dè doo karé bè dann si’t lé. Ké kem̂ si olé dè’t ɓila lé sár wa?

1 Timothee 3:16

Kerɔte kuwe, nyanger le jéi ke bò ke tò loo ɓɔyɔn’t ke jè geri se go kundekem̂ le jéi nga á tò nè: Krist unde loo tee pan tel ra’n tite jéi jèi dooge bè, Ndil-Kem̂nda ɔr tà dènn’t. Dooge ke danrán an-in nin loo kunde loo tee dann njé ke koo’t a, loo kin kaw danrán’t a tɔ. D’ile mber tà le’n dann dooge ke ei Juipge lé. Dooge ke dè nang nè undei kem̂ de dènn’t a, d’unn’n mbeng d’aw se’n danrán dann ndubra’t a tɔ.

Hebreuge 11:13

Dooge nè nga undei kem̂ de dè Nube’t sár weii anje kingei nyan ke ndɔ ke Nube unn’n ndu’n le kade de nga. Nè né è bè géa, ei an-in nyange nè nga se go ngal’n rai oiyo Nube. Ei tami ndàt edi nè: «N’ee n’ei mbage ke n’uwei nanm dè nang nè karè.»

Hebreuge 2:4

Nube kuwe géa ra nyan-tɔjege se nyange ke dum kum a, se nyankɔbege gai-gai le kade njékɔrgo tàge an-in tà tam de ke ngarankum tà le’n è Nube kuwe. Taɓai, Nube kai nyan-nojege le Ndil-Kem̂nda se go kem̂ndige le’n è kuwe.

Hebreuge 4:2

Jèi géa d’ile mber Tà ke Maje d’ade jèi titeke ndɔ ke d’ile’n d’ade kà jéige nga tɔ. Nè tà ke ndɔ ke ei ooi nga, ei taai undei kem̂ de dè’t kade è soo de’t lé.

1 Pierre 1:25

Nè tà le Kuwe-ɓee tò sár se non.» Tà nè nga è Tà ke Maje ke d’ile mber’n d’ade sei ɓá.

1 Pierre 4:6

Gir’n ke nè á njé ke weii ɓá géa, d’aw d’ile mber Tà ke Maje nga d’ade de. Dé gang tà dè de’t tite gute dooge ke rang loo ke ndii se dè de dɔ ɓai. Nè ɗarinè asi teli ndii kumgajer takul Ndil-Kem̂nda tite Nube ndii’n kumgajer nga tɔ.

Lookilera’n 5:11

Taɓai m’an loo gerer ɓaa, m’oo ndu dooge ke danrán an-in dè kutu-ngar a, dè nyankunde ke sɔ a, dè ngatɔgege a tɔ, ulei nan’t wàk. Kosdooge ke danrán nè nga kɔr de dum mbɔje.