1 Pierre 1:11 - Nouveau Testament en Gulay 2004

¹¹ Ndil Krist ndi kem̂ de’t ede tà nyankem̂konge ke ayé ra Krist se ndubra ke ayé kutu go nyankem̂kon nè nga kade ooi. Dé ter loo le ger ké ndɔ ke ra á nyan nè nga à tee wa? Njéribe-dè-tàge ke tà Nube’t teri loo le geri ké nyan nè nga à tee titeke bain wa?

1 Pierre 1:11 ပူးပေါင်းရင်းမြစ်များ

Matthieu 26:24

Man ke m’ee Ngonn doo nga, m’a m’ɔte kaw se go tà ke dé ndang kêm magtub’t d’ɔje’n dè’m. Nè doo ke njèkule’m ji dooge’t nga, à an ɓai! Doo nè nga, ke nè á ndɔ ke d’oje’n lé géa è soo’t.

Tà ke Maje ke Luc ndang 24:44

Go’t gugu, è ede de ede nè: – An-in! è á è tà le’m ke ndɔ ke m’ede sei kété ke m’nain’n se si ɓai nga: nyange malang ke Moise se njéribe-dè-tàge ke tà Nube’t ndangi ɔji dè’m se tàge malang ke tò kêm Magtub pa’t nga, gar-gar à awi loon’t deĵ kuwe.

Jean 12:41

Esaie tam tà nè nga titeke bè tede ndɔ ke kété an ndubra le Jésu se kum’n. Gir’n ke nè á è tam’n tà ɔje’n dè Jésu.

Nyanra Njekawkulege 16:7

Paul se Silas unni tà rebe undei rang ade reei ngɔr se ɓeekon ke Mysie. Ei nan-in le kawi kêm ɓee ke Bithynie, nè Ndil Jésu inye loo ade de lé kuwe ɓai.

Nje Ke Rome 8:9

Nè sei ɓaa, i njiyei se go tàgir le danra lé. Sei njiyei se tɔgmong le Ndil-Kêmnda tede Ndil Nube ndi kêm si’t. Ke nè á doo aw se Ndil ke Krist ade jèi nga lé ɓaa, doo nè nga è le Krist lé.

Nje Ke Galatie 4:6

Sei sei ngann kem̂ Nube kerɔte kuwe. Gir’n ke nè á Nube ule’n Ndil Ngonn’n ade ndii’n dè ɓengre jèi’t. Takul Ndil nè nga á jè tami tà se ndu jéi ke bòi j’edi nè: «Abba, Bɔ jé.»

2 Pierre 1:21

Oiyo, tà ke in tà Nube’t nga è se go kem̂ndige le doo karé ndan lé. Nè Ndil-Kem̂nda á ɔse dooge balang-balang ade ilei mber tà ke in tà Nube’t.

Lookilera’n 19:10

M’oso nang nja doo ke danrán’t nè nga rap, m’ule dè’m m’ade’n. Nè è tel ede’m nè: «Ebe’t ra titeke bè, tede man nga m’ee made-ɓer kule lei a, le ngakoinge ke njékɔrgo tàge le Jésu a tɔ. Gar-gar, i ɗɔi Nube.» Ngarankum tà ke Jésu ɔrgo nga, è tà ke ndɔ ke Ndil ule tà njéribe-dè-tàge ke tà Nube’t ade tami.