1 Pierre 1:10 - Nouveau Testament en Gulay 2004

¹⁰ Kaje nè nga, njéribe-dè-tàge ke tà Nube’t sangi gir ke get se ngang’n lêr-lêr a, nderi gir uyi tete undei. Noje ke Nube ayé kuwe se si nga, ei tami tà’n kété mari ke desêin.

1 Pierre 1:10 ပူးပေါင်းရင်းမြစ်များ

Matthieu 13:17

Kerɔte kuwe, man m’ede sei ndàt, njéribe-dè-tàge ke tà Nube’t se njé ra nyan se dè najennge ngain ndingei le kan-in nyan ke sei an-in nè an-in lé a, ndingei ra de le kooi tà ke sei ooi nè ooi lé a tɔ.

Matthieu 26:24

Man ke m’ee Ngonn doo nga, m’a m’ɔte kaw se go tà ke dé ndang kêm magtub’t d’ɔje’n dè’m. Nè doo ke njèkule’m ji dooge’t nga, à an ɓai! Doo nè nga, ke nè á ndɔ ke d’oje’n lé géa è soo’t.

Tà ke Maje ke Luc ndang 10:24

Man m’ede sei ndàt, njéribe-dè-tàge ke tà Nube’t se ngar-ɓeege bule ke kété mari ndigi kan-in nyange ke sei an-in ɗarinè, nè d’an lé. Dé ndige koo tàge ke sei ooi ɗarinè, nè d’oo lé.

Tà ke Maje ke Luc ndang 24:44

Go’t gugu, è ede de ede nè: – An-in! è á è tà le’m ke ndɔ ke m’ede sei kété ke m’nain’n se si ɓai nga: nyange malang ke Moise se njéribe-dè-tàge ke tà Nube’t ndangi ɔji dè’m se tàge malang ke tò kêm Magtub pa’t nga, gar-gar à awi loon’t deĵ kuwe.

Jean 5:39

Sei teri kêm Magtub ke tò se ninn’n tede sei geri kêm si’t titeke takul de á a ingeii ndikumgajer se non. Nè Magtubge nè nga ei njékɔrgo tàge ke ɔje dè’m.

Jean 7:52

Dé deje Nicodème d’ede nè: – Ké i kuwe géa i tel rai doo ke Galilée tɔ wa? Ke nè á i nder gir tà kêm Magtub’t le Nube maje an ɓaa, njèribe-dè-tà ke tà Nube’t à in kêm ɓeekon ke Galilée lé. [

Nyanra Njekawkulege 10:43

E è kuwe á njéribe-dè-tàge ke tà Nube’t malang tami tà ɔji dè’n edi nè: «Nanan ke unde kêm’n dè Jésu’t ɓaa à inge kêm tin mbit dè kaiyage’t le’n takul ri Krist.»

Nyanra Njekawkulege 17:11

Juipge ke Bérée nga uwei Paul se Silas ke ra de’t maje dum njé ke kêm ɓee-bò ke Thessalonique. Dé taa Tà ke Maje kalang, nè se ndɔ karé-karé dé nder gir tà ke kêm magtubge’t le Nube le kan, ké tàge ke Paul ede nga è titeke bè kuwe wa?

Nyanra Njekawkulege 28:23

Paul se Juipge ɔji ndɔ tede tel kinge’n nan. Loo ke ndɔ nè ase deĵ ɓaa, Juipge reei ngain dum ke kété ingei nin kêm kei ndinn’t kuwe. Paul ɔrgir tà se ndɔgé sár loo sɔlé a, ile mber Konɓee le Nube nga ndàt ade de a tɔ. E uwe ra’n mong le kade kum de gang dè Jésu’t se go tà ke kêm magtub gute-ndu’t le Moise sár tee’n dè magtubge’t le njéribe-dè tàge ke tà Nube’t.

Nyanra Njekawkulege 7:52

Ké njèribe-dè-tà ke ra dann madennge’t á kà sige nali rai kum’n ndoo wa? Ei tɔli njé ke kété ilei mber ree le njè ra nyan se dè naje’n ke karé luk-luk. E nga ɗarinè sei teli sei njé kunn dènnge se njé tɔlnge.

Hebreuge 11:13

Dooge nè nga undei kem̂ de dè Nube’t sár weii anje kingei nyan ke ndɔ ke Nube unn’n ndu’n le kade de nga. Nè né è bè géa, ei an-in nyange nè nga se go ngal’n rai oiyo Nube. Ei tami ndàt edi nè: «N’ee n’ei mbage ke n’uwei nanm dè nang nè karè.»

Hebreuge 11:40

Ndɔ ke Nube ɔje rebe nyan karé ke maje ngain dum tede le jéi, nè è ndige le kade d’inge nyan nè nga anje jèi ndan lé.

1 Pierre 1:11

Ndil Krist ndi kem̂ de’t ede tà nyankem̂konge ke ayé ra Krist se ndubra ke ayé kutu go nyankem̂kon nè nga kade ooi. Dé ter loo le ger ké ndɔ ke ra á nyan nè nga à tee wa? Njéribe-dè-tàge ke tà Nube’t teri loo le geri ké nyan nè nga à tee titeke bain wa?

1 Pierre 1:13

Bè ɓaa, adi tàgir le si ndikum a, i ndii kum si karè. Undei kem̂ si tchên dè noje ke d’a d’uwe se si ndɔ tel ree’t le Jésu-Krist.