1 Pierre 1:1 - Nouveau Testament en Gulay 2004

¹ Man Pierre, njèkawkule le Jésu-Krist, m’ndang magtub nè m’ade njé ke Nube ɔr de unde de se ninn de ke ei njé nanmge ke sanrin nan awi ndii kem̂ ɓeekonge ke Pont, Galatie, Cappadoce, Asie a, se Bithynie a tɔ.

1 Pierre 1:1 ပူးပေါင်းရင်းမြစ်များ

Matthieu 10:2

Njékawkulege ke dɔg-gidé-joo nga ri de á tò nè: E ke desêin è Simon ke dé ɓar’n Pierre se ngokon’n André, Jacques ngonn Zébédée se ngokonn Jean,

Matthieu 24:22

Ke nè á Nube gang tà ndɔge nè nga dɔ lé ɓaa, doo karé ke ayé kinge kaje géa goto. Nè Nube à gang tà ndɔge nè dɔ tede tà le njé ke è tɔr de.

Matthieu 4:18

Ndɔ karé bè, Jésu njiye se tà ba ke Galilée. E an ngakon nange joo: Simon ke dé ɓar’n Pierre se André ndai ilei bure dann ba’t tede ei mbawge ke njékɔse kanjege.

Tà ke Maje ke Luc ndang 18:7

Ké Nube à gang rebe tà le njé le’n ke è ɔr de unde de se ninn’n ke tooi tànn’t lêkê-lêkê kada a, ndɔ a nga lé wa? Né à ngine mbɔr géa, ké à nal ra nyan tede le de wa?

Jean 11:52

Jésu à wei tede girkoje le Juipge á go karé lé, nè le kɔse nja ngann le Nube ke ɗarinè yali nan se loo-loo nan’t tede kade teli umi nan’t bɔk tite kosdooge ke karé bere.

Jean 7:35

Juipge deji nan edi nè: – Ké loo ke ra n’a n’aw tutu á j’à j’asi kingei n’ee gugu lé wa? Ké n’a n’in le kaw ɓéee le dooge ke ei Juipge lé le tel rayé ke njè ndó de nyan ta wa?

Nyanra Njekawkulege 18:2

Kêm ɓee’t nè nga, Paul inge Juip karé bè ri’n nè Aquilas, ɓee koje’n è Pont. Aquilas se neen’n Priscille in-in kêm ɓeekon ke Italie reei ngɔr ɓai, tede Claude unn ndu’n le kade Juipge malang undei loo teei kɔke kêm ɓee-bò ke Rome. Paul aw ra de’t um se de nan’t bɔk.

Nyanra Njekawkulege 18:23

Paul ndi kêm ɓee-bò ke Antioche mbɔr ɓita in aw se loo-loo kêm ɓeekonge ke Galatie se Phrygie, è ule dingem kêm njétaakêm-Kristge’t malang.

Nyanra Njekawkulege 19:10

E ra titeke bè ase ɓal joo ade dooge malang ke ndii kêm ɓeekon ke Asie, Juipge se njé ke ei Juipge lé ooi tà le Kuwe-ɓee.

Nyanra Njekawkulege 6:9

Kêm ndɔn’t nè nga, Juipge ke nange ke kêm ɓee-bò ke Cyrène, Alexandrie se njé ke kêm ɓeekon ke Cilicie a, se Asie a tɔ reei kêm kei kebe nan’t . Kei kebe nan nè nga d’ede nè è kei kebe nan le ɓerge ke teli ndii dè de pal. Juipge nè nga malang in-in naji tà se Etienne.

Nyanra Njekawkulege 8:4

Njétaakêm-Kristge ke dé yal de karé-karé nga awi se loo-loo ilei mber Tà ke Maje.

1 Nje Ke Corinthe 16:19

Njékebe nange le Nube ke kêm ɓeekon ke Asie rai sei lapya. Aquilas se Prisca rai sei lapya ngain se ri Kuwe-ɓee. Njékebe nange le Nube ke kebi nan kêm kei le de géa rai sei lapya ngain tɔ.

2 Nje Ke Corinthe 1:8

Ngakon jége, jè ndige le kade i ndii dè mbe’t ɔje dè nyantosowur ke ndɔ ke ra jè nga lé. Nyantosowur ke ndɔ ke tee dè jé’t kêm ɓeekon ke Asie nga ade wur jé ndir njàk-njàk al dè tɔg jé. Nyantosowur ke ndɔ ke ra jè ade wur jé ndir jè njàk-njàk nè nga al dè tɔg jé ade tep̂léa danra bere mbak kuwe ayé kudu.

Nje Ke Galatie 1:2

Man se ngakonmge malang, jè ndang magtub nè j’ule’n j’ade sei njékebe nange le Nube ke i ndii kem̂ ɓeekon ke Galatie.

Nje Ke Ephese 2:12

Adi kem̂ si olé titeke ndɔ ke kété mari nga, sei i ndii anje Krist a, gaje nyan ke ndêin bè ke ɔje dè si goto kem̂ ɓeekon ke Israel a tɔ. Sei sei dooge ke dɔ, nyange ke Nube ɔje le kade ngann njéɓeege nga ɔje dè si lé. Taɓai sei dooge ke nyan kundekem̂ dè’t le si goto a, Nube nga géa sei dooge ke i nali nin dè nang nè a tɔ.

Nje Ke Ephese 2:19

Gir’n ke nè á ɗarinè sei dooge ke dɔ éké sei njé namge lé ta. Nè sei teli sei dooge ke i tooi se ninn de nan’t se ngann njéɓeege ta. Sei teli sei dooge ke koje kei káráng le Nube.

2 Timothee 1:15

I ger mbak titeke njé ke ndii kem̂ ɓeekon ke Asie malang turi gide de adi man. Phygèle se Hermogène ei dann njé tur gide kadi man nga tɔ.

Hebreuge 11:13

Dooge nè nga undei kem̂ de dè Nube’t sár weii anje kingei nyan ke ndɔ ke Nube unn’n ndu’n le kade de nga. Nè né è bè géa, ei an-in nyange nè nga se go ngal’n rai oiyo Nube. Ei tami ndàt edi nè: «N’ee n’ei mbage ke n’uwei nanm dè nang nè karè.»

Jacques 1:1

Man Jacques, ɓer kule le Nube se Kuwe-ɓee Jésu-Krist, m’ndang magtub nè m’ade girkàge le Israel ke dɔg-gidé-joo ke yali nan karé-karé m’ra’n de lapya.

1 Pierre 2:11

Kotárge le’m, sei tooi asinan se njé nanmge a, se mbage ke ndii dè nang nè. M’ndeje sei kade ɔgi ra si dè ngur nyange le danra ke ndi à rɔ se ngarankum ra si.

2 Pierre 1:1

Man Simon Pierre ɓer le Jésu-Krist a, se njèkawkule le’n a tɔ. M’ndang magtub m’ade njé ke undei kem̂ dè Jésu’t titeke j’unde’n kem̂ jéi dènn’t nga a tɔ. Kundekem̂ ke gate’n è ngain ke tɔje ndá Nube ke njè ra nyan se dè naje’n a, tɔje ndá Jésu-Krist ke njèkaje jèi a tɔ.

Lookilera’n 1:11

Ndu doo ke ɓar beng á m’oo nè nga, ede’m ede nè: «Nyan ke i an se kumi ɗarinè nga, i ndang kem̂ magtub’t ule’n ade njékebe nange le gir ji sejimute ke ɓeekon ke Asie: Ephèse, Smyrne, Pergame, Thyatire, Sardes, Philadelphie a, se Laodicée a tɔ.»