1 Jean 5:6 - Nouveau Testament en Gulay 2004

⁶ E Jésu-Krist nga ree dè nang nè se mann a, se mese a tɔ. E ree se mann á karé lé, nè è ree se mann a, se mese a tɔ. Ndil-Kem̂nda nga è ngarankum tà. E è kuwe á ɔrgo tà nè nga titeke bè.

1 Jean 5:6 ပူးပေါင်းရင်းမြစ်များ

Matthieu 26:28

Oiyo, è ke nè nga è mese’m, mese mann-ra ke d’ade an-in dè nang nè kade dooge bule ingei kêm tin mbit dè kaiyage’t le de.

Matthieu 3:16

Loo ke Jean ule Jésu manné njonm ɓá ɓaa, Jésu unde loo tee nata. An! ke loon’t nè kuwe, kum danran teen halal ade an ndil Nube rise ndi dènn’t tite der-nda bè.

Marc 14:24

Taɓai Jésu ede njékuwe-girnge ede nè: – E ke nè, è mese mann-ra ke an-in uge dè dooge bule.

Tà ke Maje ke Luc ndang 22:20

Go’t gugu è taa nyankain mann-nduu nè nga ade de titeke è ra’n se mapa ede nè: – Mann-nduu nè nga è mann-ra ke kige ke Nube mann’n ra’n takul mese’m ke d’a d’ade à an-in nang tede le si.

Jean 14:17

Njè ra se si ke rang nga è Ndil ke get ke dooge ke dè nang nè asikum kuweii ke ra de’t lé. D’ase kuwe’n ke ra de’t lé tede d’an’n lé a, dé ger’n lé a tɔ. Nè sei ɓaa, i gerii tede è ra ɓee se si a, ndi kêm si’t a tɔ.

Jean 14:6

Jésu ile Thomas dè’t ede nè: – Man nga m’ee rebe, man nga m’ee ngarankum tà a, m’a nga m’ee ndikumgajer a tɔ. Doo ke unn rebe ke ram’t lé ɓaa à tee ra Bɔm’t ndan lé.

Jean 15:26

Ndil-Kêmnda le ngarankum tà ke à in ra Bɔm’t nga, à è njè ra se si. Loo ke m’a m’ule’n kade ree ɓaa, è kuwe à è njèkɔrgo tà le’m.

Jean 16:13

Loo ke Ndil ke get à ree ɓaa, è à ɔr non si dann ngarankum tà’t bere mbak. E à kin se dè ra’n kede sei tà lé. Nè à ede sei tà nyange ke à oo a, tà nyange ke ndii à reei ɓai a tɔ.

Jean 3:5

Jesu tel ile Nicodème dè’t ede nè: – Kerɔte kuwe, man m’edi ndàt: ke nè á d’ule doo manné njonm d’ade Ndil oje’n lé ɓaa, è asekum kule dè’n kêm Konɓee’t le Nube ndan lé.

Jean 4:10

Jésu tel ile dinye nè nga dè’t ede nè: – Ke nè á i ger noje ke Nube uwe sei karè nè nga a, i ger doo ke deji ede nè: Ade’m mann m’an-in a tɔ nga ɓaa, né i kuwe a in kété le deje’n mann kain, ayé kadi mann ke an-in kutch-kutch kade an-in i ndii’n kumgajer.

Jean 4:14

Nè doo ke an-in mann ke m’a m’ade’n nga ɓaa, kunde a tel ra’n gugu ndan lé sár. Mann ke m’a m’ade’n nga à tel ngire mann ndikumgajer ke an-in kutch-kutch kêmn’t.

Jean 6:55

Danra’m nga è ngarankum nyankuse a, mese’n è ngarankum nyankain a tɔ.

Nyanra Njekawkulege 8:36

Dé joo mbak d’uwe rebe le de ɗêk-ɗêk d’a d’aw. Nè mbɔr ɓaa, dé ree dé tee tà mann karé’t pan. Ke loon’t nè kuwe, doo ke Ethiopie nga tam se Philippe ede nè: – An! mann á tò nè. Ké ri á à ɔgi kule’m manné njonm wa? [

Nje Ke Rome 3:25

Jésu-Krist nga, Nube ɔr’n unde’n ke nyan kɔr kaiya. Jésu-Krist wei ade mese’n an-in nang tede majelé le dooge. Njé ke undei kêm de dènn’t nga, Nube ade kêm’n tin mbit dè majelége’t le de. Nube tɔje titeke è njè ra nyan se dè naje’n. Kété mari Nube ile kêm’n pon dè majelége’t le dooge ade kure’n ɔde kum de lé.

Nje Ke Ephese 1:7

Takul Krist ke wei ade mese’n an-in nang á j’ingei nyankuge dè jéi ɓee ɓer’t a, Nube ade kem̂’n tin’n mbit dè kaiyage’t le jéi a tɔ. E kem̂noje ke bò ke gar’n goto á Nube uwe se jéi!

Nje Ke Colosses 1:4

J’oo ser kundekem̂ dè Jésu-Krist’t le si se ser tár ke sei tári dooge malang ke ei le Nube nga.

1 Timothee 3:16

Kerɔte kuwe, nyanger le jéi ke bò ke tò loo ɓɔyɔn’t ke jè geri se go kundekem̂ le jéi nga á tò nè: Krist unde loo tee pan tel ra’n tite jéi jèi dooge bè, Ndil-Kem̂nda ɔr tà dènn’t. Dooge ke danrán an-in nin loo kunde loo tee dann njé ke koo’t a, loo kin kaw danrán’t a tɔ. D’ile mber tà le’n dann dooge ke ei Juipge lé. Dooge ke dè nang nè undei kem̂ de dènn’t a, d’unn’n mbeng d’aw se’n danrán dann ndubra’t a tɔ.

Tite 3:5

Nube aje jèi tede nyanra jé ke se dè naje’n ke ndɔ ke jè ra nga lé. Nè è aje jè se go kem̂kanm le’n. E tel jè ke dooge ke koje kige se koje ke Ndil-Kem̂nda tel oje jè rang.

Hebreuge 10:29

Doo ke an Ngonn le Nube ke nyan lé nga, d’a gangtà ke tò ɓel dènn’t dum madege ke rang. Ké sei giri bè an-in lé wa? Kerɔte kuwe, doo nè nga ile koje dè mese mann-ra ke d’ɔr’n d’unde’n se ninn’n gai nga lé. E nede Ndil-Kem̂nda ke njè kade jè geri kem̂noje le Nube nga.

Hebreuge 12:24

Sei reei ra Jésu ke njè nda dann mann-ra ke kige’t le Nube se kosdooge le’n. Mese Jésu ɔr tà dè jéi’t dum le Abel ke ndɔ ke an-in nang nga ɓai.

Hebreuge 13:20

Nube ke njè kade jèi kem̂lom, è ade Kuwe-ɓee le jéi Jésu unde loo tee dann njé ke koo’t. Nube ɔr’n unde’n ke maw njèkul batege. Jésu unde gir mann-ra ke à tò sár se non se mese’n è kuwe.

Hebreuge 9:14

Nè Krist inye ra’n ade Nube ke nyankuje-mese ke maje ɔr njêt takul Ndil ke njèndisenon. Mese Krist nga ɔr se-tàgir le jéi ke majelé ndát-ndát dum le mese dange ɓai. Mese’n ɔr jèi unde jèi se ninn’n tede kade jè rai kule j’adi Nube ke njèndi kumgajer.

Hebreuge 9:7

Nè kem̂ kei ke njèkon’t joo ɓaa, è maw njèkuje nyan-mese kuwe se kar’n luk-luk á ile njà’n tutu nja karé bere kem̂ ɓal karé. Gar-gar à aw se mese dan kade tede majelége le’n è kuwe kété ɓita tede kaiyage le kosdooge ke rai majelé dè mbe’t nga ɓai.

1 Pierre 1:2

Sei nga Bɔ jéi tɔr sei kété mari ke desêin se go gos nyanger le’n. E ɔr sei unde sei se ninn si gai ke kosdooge le’n takul Ndil-Kem̂nda. Nube ra titeke bè tede kade ilei koje dè Jésu-Krist’t a, tede kade mese’n ɔr’n kaiyage le si ndát-ndát a tɔ. Maje kade kem̂noje se kem̂lom oji nan ra si’t nyanmi-nyanmi.

1 Pierre 3:21

Mann bêlm nè nga è nyan-tɔje ke ɔje dè kule doo manné njonm. Kule doo manné njonm nga è gir kaje ke sei ajii ɗarinè. Kule doo manné njonm nga ɔr nyan ke mine le danra ra si’t lé, nè è ndukunn ke sei unni se tàgir ke maje ke kem̂ si’t adi Nube. Kule doo manné njonm nga aje sei takul kunde ke Krist unde loo tee dann njé ke koo’t.

1 Jean 1:7

Ke nè á jè njiyei dann lookar’t titeke Nube ndii’n dann lookar’t nga bè ɓaa, j’umi nan’t bɔk a, mese Ngonn’n Jésu-Krist togo kaiya le jéi bere mbak ndát-ndát ɔr kɔke.

1 Jean 4:10

E jèi á j’in-in se kem̂ jéi jè tári Nube kété lé, nè è Nube kuwe á tár jèi kété. Gir’n ke nè á è ule’n Ngonn’n ke nyankɔr kure majelége le jéi.

Lookilera’n 1:5

Maje kade Jésu-Krist njèkɔrgo tà ke get-get ade sei kem̂noje se kem̂lom. Jésu-Krist nga è kuwe karé bere á è doo ke desêin sàk-sàk ke unde loo tee dann njé ke koo’t. E nga è ngar ke on ɓee dè ngarge ke dè nang nè. Jésu-Krist nga tár jèi a, ɔr jèi dann kaiya’t le jéi takul mese’n a tɔ.

Lookilera’n 5:9

Nyankundege ke sɔ se ngatɔgege ke kɔr-joo-gidé-sɔ nè ɔsi pa ke kige ɗɔyi Ngonn bate edi nè: «I kuwe se kari asekum taa magtub nè le tutu nyankorji ke dé tinye’n tà’n. Tede è i kuwe á ndɔ ke dé tɔli. E i kuwe á uge dè girkoje dooge malang dè nang nè ke tà tam de è gai-gai se kosdooge a, se girkoje dooge se dè-ɓee-dè ɓee se mesi ade Nube.

Lookilera’n 7:14

M’tel m’ile ngatɔge nè nga dè’t m’ede nè: «Kuwe’m, i i ger de mbak.» Ngatɔge nè nga ede’m ede nè: «Dé nè nga d’in dann nyantosowur ke bò’t. Dé togo kubuge le de ke bòi yul se mese Ngonn bate d’ade nda káng-káng.