1 Jean 5:20 - Nouveau Testament en Gulay 2004

²⁰ Jè geri titeke Ngonn Nube ree dè nang nè ɓá. E kuwe ade jèi gos nyanger tede kade jè geri Nube ke get-get. J’umi nan’t bɔk se Nube ke get-get nga takul Ngonn’n Jésu-Krist. Jésu-Krist nga è ngarankum Nube a, è njèndi kumgajer sár se non a tɔ.

1 Jean 5:20 ပူးပေါင်းရင်းမြစ်များ

Matthieu 13:11

Jésu tel ile de dè’t ede nè: – Sei ɓaa, d’ade non si ar ade i geri nyange ke tooi loo ɓɔyɔn’t kêm Konɓee ke danrán. Nè dé ɓaa, d’ade non de ar tite sei lé ɓai.

Tà ke Maje ke Luc ndang 21:15

Tede tà kumkunju ke m’a m’ule tà si’t nga, doo karé bè géa dann njébange’t le si asekum naje sei tà’t éké kile sei dè tà’t ndan lé.

Tà ke Maje ke Luc ndang 24:45

E ade kum de uje kade dé ger’n gir Magtub le Nube njai.

Jean 1:18

Doo karé bè géa an Nube se kum’n ndan lé ɓai. Nè Ngonn kêm’n ke dagi á ɔr gir’n ke nata ade jè geri.

Jean 10:30

Man se Bɔ’m jè karé.

Jean 14:20

Kêm ndɔn’t nè ɓita a i geri titeke m’um nan’t bɔk se Bɔ’m a, sei umi nan’t bɔk se’m a, man géa m’um se si nan’t bɔk a tɔ.

Jean 14:23

E Jude á deje tà nè m è Judas Iskariot lé. Jésu ile’n dè’t ede nè: – Ke nè á doo karé tár’m ɓaa à an dè tà le’m sêw-sêw a, Bɔ’m à tár’n ngain a tɔ. Jè se Bɔ’m j’à ree rann’t le kur kei le jé kêmn’t a tɔ.

Jean 14:6

Jésu ile Thomas dè’t ede nè: – Man nga m’ee rebe, man nga m’ee ngarankum tà a, m’a nga m’ee ndikumgajer a tɔ. Doo ke unn rebe ke ram’t lé ɓaa à tee ra Bɔm’t ndan lé.

Jean 14:9

Jésu tel ile Philippe dè’t ede nè: – Philippe, man ke m’ndi se si nan’t mari bere nè kuwe i ger’m lé ɓai wa? Doo ke an’m ɓaa, an Bɔ’m tɔ. A ɓaa, ké bain taɓai á i tam se’m ede nè: «I tɔje jè Bɔi wa?»

Jean 15:4

Umi se’m nan’t bɔk titeke man géa m’um’m se si nan’t bɔk nga tɔ. Balkum kage nduu ke ube kàde kage nduu’t lé nga asekum kann se dè ra’n lé. Sei géa, ke nè á i nanmi kàdem’t lé ɓaa, asi kanni se dè ra si lé tɔ.

Jean 17:14

M’ribe dè tà lei made de, nè njé ke dè nang nè ɔri de njêt tede dé le nang nè lé titeke man géa m’ee le nang nè lé nga tɔ.

Jean 17:25

Bɔ’m ke njèkêmkanm, i njè ra nyan se dè naje’n, dooge ke dè nang nè geri nin lé, nè man ɓaa m’geri. Njé ke i ade’m se de nga geri maje titeke è i kuwe á ule’m.

Jean 17:3

Ndikumgajer se non nga, è le kade dé ger geli i Nube ke get karé bere a, le kade dé ger gel’m man Jésu-Krist ke i ule’m nga a tɔ.

Jean 20:28

Thomas tel ile Jésu dè’t ede nè: – Kuwe-ɓee le’m, Nube le’m.

Jean 8:42

Jésu ede de ede nè: – Ke nè á Nube è Bɔ si kerɔte ɓaa, né ayé tári man tede man m’in ra Nube’t á m’ree. E man kuwe m’in se dè’m m’ree lé, è è á ule’m ra si’t.

Nyanra Njekawkulege 20:28

Undei kumkunju dè ra si’t se dè bate kosge malang ke Ndil-Kêmnda unde sei ke njékan dè dege. Uli njékebe nange le Nube ke è ndogo de se mese’n ke kinge’n.

Nje Ke Rome 9:5

Juipge nga ei girkà le dooge le Nube ke ri de ɓar ngain. Krist ke è Nube ke on ɓee dè nyange’t malang nga géa d’oje’n girkà le de dé nè nga tɔ. Maje kade dè Krist mong káng-káng sár se non! Maje kade è titeke bè kuwe.

1 Nje Ke Corinthe 1:30

Nè Nube um sei nan’t bɔk se Jésu-Krist. Jésu Krist nga Nube tel’n ke kumkunju le jéi ke deri. Takul Krist á Nube ɔr’n tà dè jéi’t a, unde’n jèi se ninn’n ke dooge le’n a tɔ. Nube ɔr jèi wont ji tɔgmong’t le majelé takul Krist.

2 Nje Ke Corinthe 4:6

Kété mari, Nube tam ede nè : «Maje kade lookar ndogó dann tilkusge’t!» E Nube nè nga kuwe á ade lookar ndogó dè ɓengre jé’t tede kade jè ribe’n dè ger-gel ndubra le Nube tàkum Kuwe-ɓee Jésu-Krist’t.

2 Nje Ke Corinthe 5:17

Ke nè á doo karé um nan’t bɔk se Krist ɓaa, è tel è doo-kunde ke kige. Ɓuge nyange ke mari tugei gangi ɓá, an! nyange malang teli ei ke kige.

Nje Ke Ephese 3:18

Titeke bè á sei se njétaakem̂-Kristge malang a asikum geri là le tár le Krist se ngal’n ke dɔ a, se kur’n ke nang a tɔ.

Nje Ke Philippes 3:9

kum’n se’n nan’t bɔk. Ɗarinè, Nube ɔr tà dèm’t tede kan ke m’an dè gute-ndu sêw-sêw lé, nè tede kum ke m’um nan’t bɔk se Krist. Nube ɔr tà dè doo’t takul kundekem̂ dè Krist’t.

1 Timothee 3:16

Kerɔte kuwe, nyanger le jéi ke bò ke tò loo ɓɔyɔn’t ke jè geri se go kundekem̂ le jéi nga á tò nè: Krist unde loo tee pan tel ra’n tite jéi jèi dooge bè, Ndil-Kem̂nda ɔr tà dènn’t. Dooge ke danrán an-in nin loo kunde loo tee dann njé ke koo’t a, loo kin kaw danrán’t a tɔ. D’ile mber tà le’n dann dooge ke ei Juipge lé. Dooge ke dè nang nè undei kem̂ de dènn’t a, d’unn’n mbeng d’aw se’n danrán dann ndubra’t a tɔ.

Tite 2:13

Gar-gar, j’à rai titeke bè le nginei ndɔ tel kunde loo tee pan le Kuwe jéi Jésu-Krist. Ndɔ nè nga, j’undei kem̂ jéi dè’t tchên. Ndɔ nè nga, ndubra le Nube le jéi ke bò, se ndubra le Njèkaje jèi Jésu-Krist à kile ra’n ke nata ndái-ndái.

Hebreuge 1:8

Nè loo ke Nube tam tà ɔje’n dè Ngonn’n ke dagi nè ɓaa, è ede’n ede nè: «Kutu-ngar lei i Nube tò sár se non a, kage konɓee lei nga è kage konɓee ke se dè naje’n a tɔ.

1 Jean 2:23

Nanan ke naje se ra’n ede nè Jésu-Krist è Ngonn le Nube lé ɓaa, è naje se ra’n dè Bɔ jéi Nube’t a tɔ. Nanan ke tam ndàt ede nè Jésu è Ngonn Nube kerɔte ɓaa, è um nan’t bɔk se Bɔ jéi Nube nga ɓá ta.

1 Jean 2:24

Nè sei ɓaa, tà ke ndɔ ke ooi kété mari ke desêin nga, adi urkei kem̂ si’t. Ke nè á tà nè urkei kem̂ si’t ɓaa, sei umi nan’t bɔk se Krist a, se Bɔ’n Nube a tɔ.

1 Jean 2:6

Nanan ke tam ndàt ede nè n’um nan’t bɔk se Nube ɓaa, gar-gar à njiye titeke ndɔ è Jésu njiye’n.

1 Jean 4:14

Bɔ jéi Nube ule Ngonn’n le kade è njèkaje dooge dè nang nè. Ngonn’n ke ule’n nga, jè j’an’n se kum jé. Gir’n ke nè á j’ɔr’n go tà le’n j’ede’n sei.

1 Jean 4:16

Jèi géa, tár ke Nube tár jèi nga á j’umi kem̂ jéi dènn’t bɔk-bɔk a tɔ. Nube è njè tár dooge. Nanan ke nain dann tár’t ɓai ɓaa, um nan’t bɔk se Nube’t a, Nube géa um se’n nan’t bɔk a tɔ.

1 Jean 4:2

Nyan ke kade i geri Ndil ke in ra Nube’t á tò nè: Doo ke rara ke tam ndàt ede nè Jésu-Krist ree dè nang nè se danra’n ɓaa, è doo ke Ndil Nube in kem̂n’t kuwe.

1 Jean 5:1

Nanan ke unde kem̂’n dè Jésu’t titeke è Krist ɓaa, doo nè nga è Nube kuwe oje’n. Nanan ke tár Bɔ jéi Nube ɓaa à tár jèi ngannenge nga tɔ.

1 Jean 5:15

Loo ke jè geri titeke è oo tà le jéi ɓaa, jè geri titeke nyange ke jè deji nin nga, j’ingei de ɓá ta.

1 Jean 5:18

Jè ger mbak titeke nanan ke Nube kuwe oje’n nga à ra kaiya se ndɔ’n-ndɔ’n lé. Nanan ke Nube kuwe oje’n ɓaa à ngonm ra’n è kuwe sêw-sêw. Njè kem̂ majelé asekum tee rann’t lé.

1 Jean 5:5

Ké nan á è doo ke asekum tête rɔ dooge ke ei le nang nè nga wa? Doo ke unde kem̂’n dè Jésu’t titeke è Ngonn Nube kerɔte kuwe á asekum tête rɔ dooge ke ei le nang nè.

Lookilera’n 15:3

Ei ɔsi pa le Moise ɓer kule le Nube a, le Ngonn bate a tɔ, edi nè: «Kuwe-ɓee Nube ke njètɔgmong, nyange malang ke i ra nga ei nyange ke bò-bò ke dum kum! Ngar le girkoje dooge malang, rebe nyange lei ke ɔje nga ei se dè naje’n a, se go rebe’n kuwe a tɔ.

Lookilera’n 19:11

Go’t gugu, m’an danrán teen tà’n. An! ke loon’t nè kuwe, sinde-gaglam unde loo tee pitring se doo gidenn’t. Doo ke al dènn’t nga, dé ɓar’n Ngarankum Maje kule. E gangtà a, rɔ se dè naje’n a tɔ.

Lookilera’n 3:14

Doo ke m’an’n nga tam ede nè: «I ndang magtub nè ade doo ke danrán ke njèkan dè njékebe nange le Nube ke kem̂ ɓee-bò ke Laodicée. Doo nè nga dé ɓar’n «Amen», maje kade è titeke bè kuwe. E ke njèkɔrgo tà ke get ke dooge undei kem̂ de dènn’t. E kuwe è ngire gir nyankundege le Nube malang. E tam ede nè:

Lookilera’n 3:7

Doo ke m’an’n nga tam ede nè: «I ndang magtub ade doo ke danrán ke njèkan dè njékebe nange ke kem̂ ɓee-bò ke Philadelphie. E ke njè tò se ninn’n a, njè tam ngarankum tà a tɔ. E uwe lakêlé le ngar David jinn’t. Ke nè á teen tà rebe ɓaa, doo karé géa asekum kutu gugu lé a, ke nè á utu tà rebe ɓaa, doo karé géa asekum teen gugu lé a tɔ. E tam ede nè:

Lookilera’n 6:10

Dooge nè nga tami tà se ndu de ke bòi beng edi nè: «Kuwe-ɓee, i i doo ke get ke i tò se ninni gai. Dooge ke ndii dè nang nè nga, ké a i tile mbɔr sár ndɔ ke ra a i gangtà dè de’t wa? Ké ndɔ ke ra a i deje tà dè tɔl ke ndɔ ke ei tɔli jè nga wa?»