1 Jean 5:11 - Nouveau Testament en Gulay 2004

¹¹ Nube ade jèi ndikumgajer se non. Ndikumgajer se non nè nga, è ade jèi takul kum ke j’umi nan’t bɔk se Ngonn’n. E ke nè á è tà ke Nube tam ɔje’n dè Ngonn’n nga.

1 Jean 5:11 ပူးပေါင်းရင်းမြစ်များ

Matthieu 25:46

Njé ke ndai dè jigel à ɔti kawi loo ke kure nyan ra de à ɔde kum de tutu sár se non. Nè njé ra nyan se dè najennge à ɔti kawi loo ndikumgajer sár se non.

Jean 1:19

E ke nè á è tà ke Jean ɔrgo loo ke Juipge ke kêm ɓee-bò ke Jérusalem ulei njékuje nyan-mesege se njé ke girkà’t le Lévi le kade dejii edi nè: – Ké i nga i nan wa?

Jean 1:4

Takul’n è á nyange malang ndii kumgajer. Ndikumgajer nè nga è lookar le dooge.

Jean 10:28

Man m’ade à ndii kumgajer se non m à weii ndan lé sár doo karé bè géa asekum kuwe de hont kɔr de jim’t lé a tɔ.

Jean 12:50

Man m’ger titeke ndukunn le’n nga, è ndikumgajer se non. Tà ke m’ndi m’tam nga, è gute-ndu Bɔ’m kuwe á m’tam.

Jean 14:6

Jésu ile Thomas dè’t ede nè: – Man nga m’ee rebe, man nga m’ee ngarankum tà a, m’a nga m’ee ndikumgajer a tɔ. Doo ke unn rebe ke ram’t lé ɓaa à tee ra Bɔm’t ndan lé.

Jean 19:35

Doo ke njèkɔrgo tà nè kede sei nga an nyange nè se kum’n. Tà ke è ɔrgo nga è ngarankum tà. Doo nè nga ger titeke è tam ngarankum tà le kade sei géa undei kêm si dè Jésu’t tɔ.

Jean 3:36

Nanan ke unde kêm’n dè Ngonnenn’t nè nga ɓaa, à ndi kumgajer se non. Nè nanan ke unde kêm’n dè Ngonnenn’t nè nga lé ɓaa à ndi kumgajer ndan lé, nè wong le Nube ndi dènn’t ndeĵ ɓá ta.

Jean 4:36

Njè sa ko inge nyan kuge dè ji’n ɓá a, è kebe njar nyan ke ɔje dè ndikumgajer se non a tɔ. Titeke bè á njè dubu nyan se njè sa nyan ali ra de nan’t mbak.

Jean 4:4

Nè gar-gar è à unde kêm ɓeekon ke Samarie dɔ gang.

Jean 5:21

Titeke Bɔ Ngonn ade njé ke koo undei loo teei teli ndii kumgajer nga, Ngonn géa ade nanan ndikumgajer titeke kêm’n ndige tɔ.

Jean 5:26

Titeke Bɔ Ngonn è ngire ndikumgajer nga, Ngonn’n géa è ngire ndikumgajer tite Bɔ’n bè tɔ.

Jean 6:40

Nyan ke kêm Bɔ’m ndige á tò nè: Nanan ke oré kum’n dè’m man Ngonnnen’t a, unde kêm’n dèm’t a tɔ ɓaa, è à ndi kumgajer se non. Taɓai man m’ade à unde loo tee dann njé ke koo’t ndɔ ke ngeinn’t a tɔ.

Jean 6:47

Kerɔte kuwe, man m’ede sei ndàt, doo ke unde kêm’n dèm’t ɓaa, ndi kumgajer se non ɓá ta.

Jean 6:68

Simon Pierre tel ilé dè’t ede nè: – Kuwe-ɓee, ké nan le jé á j’ayé kinyei kaw rann’t ɓai wa? I kuwe se kari bere á aw se tàge ke doo à ndii’n kumgajer sár se non.

Nje Ke Rome 5:21

Kété yo on ɓee dè dooge’t tede majelé ke taa loo ɔge. Ɗarinè kêmnoje le Nube ɔr tà dè dooge’t ade ingei ndikumgajer se non le Nube takul Jésu-Krist, Kuwe-ɓee le jéi nga.

Nje Ke Rome 6:23

Oiyo nyan kuge dè ji le kaiya è yo, nè nyan kuge noje le Nube ɓaa, è ndikumgajer sár se non takul kum ke j’umi nan’t bɔk se kuwe jéi Jésu-Krist.

1 Timothee 1:16

Nè Nube ra se’m kem̂kanm. Gir’n ke nè á Jésu-Krist tɔje’n kem̂kile le’n ke deri ke nata tede’m man ke njè ra majelé dum njé ra majelége malang. Krist ra se’m titeke bè le kade m’ee nyan-tɔje tede le njé ke ndɔn’t à undei kem̂ de dè Krist’t le kinge’n ndikumgajer se non.

Tite 1:2

Ger ngarankum tà ke uwe made nan se kile koje dè Nube’t nga à ade j’à j’undei kem̂ jéi tchên dè ndikumgajer se non. Nube è njè tam tà lanm lé. Ndu’n ke unn ɔje’n dè ndikumgajer se non kété mari ɓita unde nyange ɓai nga, à tur rang lé.

1 Jean 2:25

Ndikumgajer sár se non nga, è nyan ke Krist unn’n ndu’n ade jèi kété ɓá.

1 Jean 4:10

E jèi á j’in-in se kem̂ jéi jè tári Nube kété lé, nè è Nube kuwe á tár jèi kété. Gir’n ke nè á è ule’n Ngonn’n ke nyankɔr kure majelége le jéi.

1 Jean 4:9

Nube ule Ngonn’n ke dagi dè nang nè tede kade jè ndii kumgajer takul’n. E ke nè á tár ke Nube tár jèi too’n nata ndái-ndái.

1 Jean 5:10

Nanan ke unde kem̂’n dè Ngonn Nube’t ɓaa à taa tà ke Nube tam ɔje’n dè Ngonn’n. Nè nanan ke unde kem̂’n dè Nube’t lé ɓaa, tel Nube ke njè lanm, tede è taa tà ke Nube tam ɔje’n dè Ngonn’n nga lé.

1 Jean 5:20

Jè geri titeke Ngonn Nube ree dè nang nè ɓá. E kuwe ade jèi gos nyanger tede kade jè geri Nube ke get-get. J’umi nan’t bɔk se Nube ke get-get nga takul Ngonn’n Jésu-Krist. Jésu-Krist nga è ngarankum Nube a, è njèndi kumgajer sár se non a tɔ.

1 Jean 5:7

Njékɔrgo tàge nè nga ei mute.

3 Jean 1:12

Dooge malang ɔri go tà le Démétrius ke maje. Ngarankum tà nga kuwe géa ɔrgo tà le’n ke maje a tɔ. Nè jè géa, j’ɔrgo tà le Démétrius ke maje tɔ. I Gaius, i ger mbak titeke tà ke jè tam nga è ngarankum tà kuwe.

Jude 1:21

I ndii dann tár ke Nube tár sei. Undei kem̂ si dè Kuwe-ɓee’t le jéi Jésu-Krist, i nginei ndikumgajer se non se ke à ade sei se go kem̂kanm le’n.

Lookilera’n 1:2

Jean nga ɔrgo nyange malang ke è an se kum’n. E ɔrgo tà le Nube a, le Jésu-Krist a tɔ.

Lookilera’n 22:1

Doo ke danrán tɔje’m ba karé ke an-in mann’n ɓaa, a i ndi kumgajer; mann ba nè nga unju njai-njai tite nyan karé ke dé ɓar’n Cristal bè. Ba nè nga in gir kutu-ngar’t le Nube se le Ngonn bate.