1 Jean 5:1 - Nouveau Testament en Gulay 2004

¹ Nanan ke unde kem̂’n dè Jésu’t titeke è Krist ɓaa, doo nè nga è Nube kuwe oje’n. Nanan ke tár Bɔ jéi Nube ɓaa à tár jèi ngannenge nga tɔ.

1 Jean 5:1 ပူးပေါင်းရင်းမြစ်များ

Matthieu 16:16

Simon Pierre in ile jésu dè’t ede nè: – I i Krist, Ngonn le Nube ke njèndi kumgajer.

Tà ke Maje ke Luc ndang 7:5

Tede è tár girkoje le jéi ngain. Taɓai è kuwe ade d’unde kei kebe nan le jéi nga a tɔ.

Jean 1:3

Nube ra nyange malang se takul’n. Nyan karé bè ke tò se dè ra’n anje’n è goto.

Jean 15:23

Doo ke ɔr’m njêt ɓaa, ɔr Bɔ’m njêt tɔ.

Jean 3:3

Jesu tel ile Nicodème dè’t ede nè: – Kerɔte kuwe, man m’edi ndàt, ke nè á dé tel d’oje doo gugu kige lé ɓaa, è asekum kan Konɓee le Nube se kum’n lé.

Jean 6:69

Jè ɓaa, j’unde kêm jé dèi’t tede jè ger titeke i i doo ke Nube ɔri undei se ninn’n gai.

Jean 8:42

Jésu ede de ede nè: – Ke nè á Nube è Bɔ si kerɔte ɓaa, né ayé tári man tede man m’in ra Nube’t á m’ree. E man kuwe m’in se dè’m m’ree lé, è è á ule’m ra si’t.

Nyanra Njekawkulege 8:36

Dé joo mbak d’uwe rebe le de ɗêk-ɗêk d’a d’aw. Nè mbɔr ɓaa, dé ree dé tee tà mann karé’t pan. Ke loon’t nè kuwe, doo ke Ethiopie nga tam se Philippe ede nè: – An! mann á tò nè. Ké ri á à ɔgi kule’m manné njonm wa? [

Nyanra Njekawkulege 8:37

Philippe tel ede njèkuju nè nga ede nè: – Ke nè á i um kêmi dè tà’t nè bɔk-bɔk kerɔte ɓaa, nyan ke à ɔgi loo’n goto. Njèkuju tel ile Philippe dè’t ede nè: – Oiyo, m’um kêm’m dè Jésu-Krist’t titeke è nga è Ngonn Nube kerɔte.]

Jacques 1:18

E ɔje se go kem̂ndige le’n le kade jèi ndikumgajer takul Tà ke Maje le’n ke è ngarankum tà. Gir’n ke nè á jéi le’n kuwe deri dann nyankundege le’n malang.

1 Pierre 1:3

Bɔ Kuwe-ɓee le jéi Jésu-Krist nga, maje kade dè’n mong káng-káng. E tel oje jèi kige se go kem̂kanm le’n ke al dè loo takul kunde ke è ade Jésu unde loo tee dann njé ke koo’t. Gir’n ke nè á j’undei kem̂ jéi tchên dè ndikumgajer’t.

1 Jean 2:10

Doo ke tár ngokon’n ɓaa ndi dann lookar’t. Nyan karé ke rann’t ke à tuge nja doo ke rang kade oso dann majelé’t goto.

1 Jean 2:29

Sei geri mbak titeke Krist è Njè ra nyan se dè naje’n. Nanan ke ra nyan ke se dè naje’n se ndɔ karé-karé ɓaa, è ngonn Nube ke Nube kuwe oje’n.

1 Jean 3:14

Jèi ɓaa, jè geri mbak titeke jè tugei loo yo jè gangi j’uri loo ndikumgajer’t. Tede jèi ɓaa, jè geri gir tár ke jè tári ngakon jéige nga. Nanan ke tár ngokon’n lé ɓaa, yo on ɓee dènn’t ɓai.

1 Jean 3:17

Ke nè á doo karé aw se nyankinge ngain dè nang nè, nè è unn kum’n mbeng dè ngokon’n ke nyan nal’n. A ɓaa, ké tár ke doo nè ede nè n’tár Nube nga tò ra wa?

1 Jean 3:9

Nanan ke Nube kuwe oje’n ɓaa à ebe ra majelé se ndɔge malang, tede ko nyan le Nube urkei kem̂n’t. E asekum ra majelé kum’n ke kété-kété lé tede è Nube kuwe á oje’n.

1 Jean 4:2

Nyan ke kade i geri Ndil ke in ra Nube’t á tò nè: Doo ke rara ke tam ndàt ede nè Jésu-Krist ree dè nang nè se danra’n ɓaa, è doo ke Ndil Nube in kem̂n’t kuwe.

1 Jean 4:20

Ke nè á doo karé tam ede nè n’tár Nube, nè è ɔr ngokon’n njêt ɓaa, doo nè nga è njè lanm karè. Doo nè nga è njè lanm tede doo ke mbate tár ngokon’n ke an’n se kum’n nga ɓaa asekum tár Nube ke è an’n se kum’n lé nga ndan lé.

1 Jean 4:7

Kotárge le’m, adi jè tári nan tede tár nan nga in ra Nube’t kuwe. Nanan ke tár doo ndul made’n ɓaa, ger Nube a, è Nube kuwe á oje’n a tɔ.

1 Jean 5:18

Jè ger mbak titeke nanan ke Nube kuwe oje’n nga à ra kaiya se ndɔ’n-ndɔ’n lé. Nanan ke Nube kuwe oje’n ɓaa à ngonm ra’n è kuwe sêw-sêw. Njè kem̂ majelé asekum tee rann’t lé.

1 Jean 5:4

Oiyo, nanan ke Nube kuwe oje’n ɓaa à tête rɔ dooge ke ei le nang nè. Rɔ ke jè têti dooge ke ei le nang nè nga, è kundekem̂ le jéi.

1 Jean 5:5

Ké nan á è doo ke asekum tête rɔ dooge ke ei le nang nè nga wa? Doo ke unde kem̂’n dè Jésu’t titeke è Ngonn Nube kerɔte kuwe á asekum tête rɔ dooge ke ei le nang nè.