1 Jean 4:9 - Nouveau Testament en Gulay 2004

⁹ Nube ule Ngonn’n ke dagi dè nang nè tede kade jè ndii kumgajer takul’n. E ke nè á tár ke Nube tár jèi too’n nata ndái-ndái.

1 Jean 4:9 ပူးပေါင်းရင်းမြစ်များ

Marc 12:6

Kuwe-ndɔr nduu nè aw se ngonn ke dingem ke dagi. E tár’n ngain. E nè kuwe karé luk-luk á nain. E ule’n ke ngei njékulege le’n ra njéra kule kêm ndɔr nduu’t ede nè: «D’a ɓel ndil ngonn kêm’n.»

Tà ke Maje ke Luc ndang 4:18

– «Ndil Kuwe-ɓee nain se’m. Kuwe-ɓee ɔr’m le kade m’ile mber Tà ke Maje m’ade njéndooge. E ule’m le kade m’ile mber m’ade njé ke tooi dangai’t titeke d’a d’inye de dɔ a, le kade m’ede njékumtɔge titeke d’a tel kan loo gugu a, è ule’m le kade m’ede njé ke dé ra de ndoo titeke Nube à taa de kinye de dɔ ɓai a,

Jean 10:10

Njèɓog nga ree tede ɓoge batege a, tɔl de a, le tuju de a tɔ. Nè man ɓaa, m’ree le kade dooge se batege ndii kumgajer adi ase de nák-nák.

Jean 14:6

Jésu ile Thomas dè’t ede nè: – Man nga m’ee rebe, man nga m’ee ngarankum tà a, m’a nga m’ee ndikumgajer a tɔ. Doo ke unn rebe ke ram’t lé ɓaa à tee ra Bɔm’t ndan lé.

Jean 3:16

Nube tár dooge malang ke dè nang nè, gir’n ke nè á ule’n Ngonn’n ke dagi le kade nanan ke unde kêm’n dènn’t ɓaa à udu lé nè à ndi kumgajer se non.

Jean 3:18

Doo ke unde kêm’n dènn’t ɓaa, dé gangtà dènn’t lé. Nè doo ke unde kêm’n dènn’t lé ɓaa, dé gangtà dènn’t ɓá tede è unde kêm’n dè Ngonn Nube ke dagi’t nga lé.

Jean 5:23

Titeke bè á dooge malang à ilei koje dè Ngonnenn’t titeke ilei koje dè Bɔn’t nga tɔ. Doo ke rara ke ile koje dè Ngonn’t nga lé ɓaa, è ile koje dè Bɔ’n ke njèkulenn’t nga lé tɔ.

Jean 6:29

Jésu tel ile de dè’t ede nè: – Nyan ke kêm Nube ndige nga, è le kade undei kêm si dè è ke Nube ulenn’t nga.

Jean 6:51

Mapa ndikumgajer ke in danrán nga è man. Doo ke use mapa nè nga ɓaa à ndi kumgajer se non. Mapa ke m’a m’ade le kade dooge ke dè nang nè ndii kumgajer nga, è danra’m man kuwe.

Jean 6:57

Bɔ’m ke njèkule’m nga ndi kumgajer. Man m’ndi kumgajer takul’n è. Doo ke use danran’m ɓaa à ndi kumgajer titeke bè tɔ takul’m man.

Jean 8:29

E ke njèkule’m nga, è se’m nan’t. E inye’m se kar’m lé tede m’ra nyange ke taa kum’n se ndɔ’m-ndɔ’m.

Jean 8:42

Jésu ede de ede nè: – Ke nè á Nube è Bɔ si kerɔte ɓaa, né ayé tári man tede man m’in ra Nube’t á m’ree. E man kuwe m’in se dè’m m’ree lé, è è á ule’m ra si’t.

Jean 9:3

Jésu ile de dè’t ede nè: – E è á ra majelé éké njékojennge lé a tɔ. Nè d’oje dingem nè nga ke njèkumtɔ kade dooge an-in tɔgmong le Nube tede tà le’n.

Nje Ke Rome 8:32

Ngonn kêm’n géa, Nube ngonm’n rann’t lé, nè è inye’n ade dé tɔl’n tede tà le jéi malang. Nube à ade jèi nyan malang takul Jésu kerɔte kuwe.

Hebreuge 1:5

Kerɔte kuwe, Nube nga teen tà’n nja karé bè kuwe ede doo ke danrań ede nè: «I i Ngonn kem̂’m, ɓila man m’ee Bɔi ke m’ojii» bè ndan lé. Taɓai Nube nga teen tà’n nja karé bè kuwe tam’n tà se doo ke danrán ede nè: «M’a tel k’ee bɔ koje’n a, è à tel k’ee Ngonn kem̂’m a tɔ» bè ndan lé.

1 Jean 3:16

Ɗarinè, jè geri ngarankum tár nan takul kinye ke Krist inye ra’n ade yo tede le jéi. Gir’n ‘ke nè á, jèi géa, gar-gar j’à kinyei ra jéi kadi yo tede le ngakon jéige tɔ.

1 Jean 4:10

E jèi á j’in-in se kem̂ jéi jè tári Nube kété lé, nè è Nube kuwe á tár jèi kété. Gir’n ke nè á è ule’n Ngonn’n ke nyankɔr kure majelége le jéi.

1 Jean 4:16

Jèi géa, tár ke Nube tár jèi nga á j’umi kem̂ jéi dènn’t bɔk-bɔk a tɔ. Nube è njè tár dooge. Nanan ke nain dann tár’t ɓai ɓaa, um nan’t bɔk se Nube’t a, Nube géa um se’n nan’t bɔk a tɔ.

1 Jean 5:11

Nube ade jèi ndikumgajer se non. Ndikumgajer se non nè nga, è ade jèi takul kum ke j’umi nan’t bɔk se Ngonn’n. E ke nè á è tà ke Nube tam ɔje’n dè Ngonn’n nga.

1 Jean 5:13

Sei ke undei kem̂ si dè ri Ngonn Nube’t nga, m’ndang tà nyange nè nga m’ade sei tede kade i geri titeke sei ingei ndikumgajer ke se non nè nga ɓá.