1 Jean 4:7 - Nouveau Testament en Gulay 2004

⁷ Kotárge le’m, adi jè tári nan tede tár nan nga in ra Nube’t kuwe. Nanan ke tár doo ndul made’n ɓaa, ger Nube a, è Nube kuwe á oje’n a tɔ.

1 Jean 4:7 ပူးပေါင်းရင်းမြစ်များ

Jean 13:34

Man m’ade sei ndukunn ke kige. I tári nan titeke man géa m’tár’n sei bè tɔ.

Jean 17:3

Ndikumgajer se non nga, è le kade dé ger geli i Nube ke get karé bere a, le kade dé ger gel’m man Jésu-Krist ke i ule’m nga a tɔ.

1 Nje Ke Corinthe 8:3

Nè ke nè á doo karé tár Nube ɓaa, doo nè nga è kotár le Nube.

2 Nje Ke Corinthe 4:6

Kété mari, Nube tam ede nè : «Maje kade lookar ndogó dann tilkusge’t!» E Nube nè nga kuwe á ade lookar ndogó dè ɓengre jé’t tede kade jè ribe’n dè ger-gel ndubra le Nube tàkum Kuwe-ɓee Jésu-Krist’t.

Nje Ke Galatie 4:9

Nè ɗarinè sei geri Nube ɓá tede tár ke è tár sei nga. A ɓaa, ké bain á sei ɔsi wan i teli dè nyan-ndóge ke asi rai se si lé nga taɓai wa? Ké bain á sei ndigi teli rai ɓer le nyan-ndóge nè nga gugu ɓai wa?

Nje Ke Galatie 5:22

Kann nyan le Ndil á tò nè: Tár nan, ranel, kem̂lom, kem̂kile, kem̂-maje, kem̂-kunde,

2 Timothee 1:7

Ndil-Kem̂nda ke Nube ade jèi nga, è tede kade jèi njé ɓelge lé. Nè è Ndil ke ade jèi tɔgmong se tár nan a, se kumkunju a tɔ.

1 Pierre 1:22

Koje ke sei ilei dè ngarankum tà’t nga á i telii sei dooge ke unji nyang-nyang le tár’n njétaakem̂-Kristge se kem̂nda káng. I tári nan ngain dè ɓengre si’t.

1 Jean 2:10

Doo ke tár ngokon’n ɓaa ndi dann lookar’t. Nyan karé ke rann’t ke à tuge nja doo ke rang kade oso dann majelé’t goto.

1 Jean 2:29

Sei geri mbak titeke Krist è Njè ra nyan se dè naje’n. Nanan ke ra nyan ke se dè naje’n se ndɔ karé-karé ɓaa, è ngonn Nube ke Nube kuwe oje’n.

1 Jean 2:3

Ke nè á j’an-in dè ndukunnge le Nube sêw-sêw ɓaa, jè geri titeke jè geri Nube.

1 Jean 2:4

Doo ke tam ede nè n’ger Nube, nè an dè ndukunn le’n sêw-sêw lé ɓaa, è njè lanm. Ngarankum tà nga géa urkei kem̂n’t lé a tɔ.

1 Jean 2:7

Kotárge le’m, ndukunn ke m’ndang m’ade sei nè nga, è ke kige lé, nè è ke mari ke sei ingei kété mari ke desêin nga kuwe. Ndukunn ke mari nè nga, è tà ke sei ooi kété ɓá ta.

1 Jean 3:9

Nanan ke Nube kuwe oje’n ɓaa à ebe ra majelé se ndɔge malang, tede ko nyan le Nube urkei kem̂n’t. E asekum ra majelé kum’n ke kété-kété lé tede è Nube kuwe á oje’n.

1 Jean 4:11

Kotárge le’m, tár ke Nube tár jèi titeke bè nga, gar-gar jèi géa adi jè tári nan titeke bè tɔ.

1 Jean 4:12

Doo karé bè géa an Nube se kum’n ndan lé ɓai. Nè ke nè á jè tári nan ɓaa, Nube um jèi nan’t bɔk a, tár ke è tár jéi nga maje ɔr njêt.

1 Jean 4:16

Jèi géa, tár ke Nube tár jèi nga á j’umi kem̂ jéi dènn’t bɔk-bɔk a tɔ. Nube è njè tár dooge. Nanan ke nain dann tár’t ɓai ɓaa, um nan’t bɔk se Nube’t a, Nube géa um se’n nan’t bɔk a tɔ.

1 Jean 4:20

Ke nè á doo karé tam ede nè n’tár Nube, nè è ɔr ngokon’n njêt ɓaa, doo nè nga è njè lanm karè. Doo nè nga è njè lanm tede doo ke mbate tár ngokon’n ke an’n se kum’n nga ɓaa asekum tár Nube ke è an’n se kum’n lé nga ndan lé.

1 Jean 4:8

Doo ke tár doo ndul made’n lé ɓaa, ger Nube lé tede Nube è njè tár dooge.

1 Jean 5:1

Nanan ke unde kem̂’n dè Jésu’t titeke è Krist ɓaa, doo nè nga è Nube kuwe oje’n. Nanan ke tár Bɔ jéi Nube ɓaa à tár jèi ngannenge nga tɔ.

2 Jean 1:5

Kyria, ɗarinè m’ra ndoo rai’t: ade jè tári nan. E ndukunn ke ndɔ ke j’ingei kété mari ke desêin nga kuwe á m’ndang m’adi m è ke kige lé.