1 Jean 4:6 - Nouveau Testament en Gulay 2004

⁶ Nè jèi ɓaa, jèi le Nube. Doo ke ger Nube ɓaa à ur mbi’n le koo’n tà le jéi. Doo ke ger Nube lé ɓaa à ur mbi’n koo’n tà le jéi lé. E ke nè á j’à ger’n ngarankum Ndil ke in ra Nube’t se ndil ke in ra njè kem̂ majelé’t ke njè kade dooge ndemi rebe ke maje’t nga.

1 Jean 4:6 ပူးပေါင်းရင်းမြစ်များ

Tà ke Maje ke Luc ndang 10:22

Bɔ’m tel se nyan malang um jim’t. Doo karè bè ke ger’m man ke Ngonn’n goto, nè Bɔ’m karè bere á ger’m ke ngonn’n. Doo karé ke ger Bɔ’m goto, nè man Ngonn’n kuwe karé bere á m’ger’n. Doo ke man Ngonn’n kuwe m’ndige ɓita m’a m’ribe se’n dè Bɔ’m kade ger’n ke doo ke bè ɓai.

Jean 10:16

M’aw se batege ke rang ke ndai kêm gar’t nè nga lé ɓai. Dé nè nga, gar-gar è tà le kade m’ɔse nja de nan’t tɔ. D’a d’oo ndu’m, d’a dé kos batege ke karé luk-luk, njèkul de géa à è karé luk-luk a tɔ.

Jean 10:27

Batege le’m nga uri mbi de ooi ndu’m. Man m’ger de mbak, à umi nan goom’t a tɔ.

Jean 10:3

Njè ngonm tà rebe gar batege teen tà rebe ade’n. Batege uri mbi de ooi ndu njèkul de nga. Batege ke ei lennge nga, è ɓar de se ri de karé-karé tee se de nata.

Jean 13:20

Kerɔte kuwe, man m’ede sei ndàt, nanan ke uwe doo ke m’ule’n ke rann’t ɓaa, è man kuwe á uwe’m ke rann’t. Nanan ke uwe’m ke rann’t ɓaa, è njèkule’m kuwe á è uwe’n ke rann’t non.

Jean 14:17

Njè ra se si ke rang nga è Ndil ke get ke dooge ke dè nang nè asikum kuweii ke ra de’t lé. D’ase kuwe’n ke ra de’t lé tede d’an’n lé a, dé ger’n lé a tɔ. Nè sei ɓaa, i gerii tede è ra ɓee se si a, ndi kêm si’t a tɔ.

Jean 15:26

Ndil-Kêmnda le ngarankum tà ke à in ra Bɔm’t nga, à è njè ra se si. Loo ke m’a m’ule’n kade ree ɓaa, è kuwe à è njèkɔrgo tà le’m.

Jean 16:13

Loo ke Ndil ke get à ree ɓaa, è à ɔr non si dann ngarankum tà’t bere mbak. E à kin se dè ra’n kede sei tà lé. Nè à ede sei tà nyange ke à oo a, tà nyange ke ndii à reei ɓai a tɔ.

Jean 18:37

Pilate tel deje Jésu ede nè: – A ɓaa, ké i ngar wa? Jésu tel ilé dè’t ede nè: – E kuwe i tam non. Man Ngar. Kede dooge ngarankum tà á è gir nyan ke d’oje’m d’ade m’ree’n dè nang nè. Nanan ke è le ngarankum tà ɓaa, à ur mbi’n le koo’n ndu’m.

Jean 20:21

Jésu tel ede de ede nè: – Maje kade kêmlom nain se si. Ɗarinè, man géa m’ule sei titeke kété Bɔ’m ule’m nga tɔ.

Jean 8:19

Pharisienge teli deji Jésu edi nè: – Ké Bɔi nga è ra wa? Jésu tel ile de dè’t ede nè: – Sei geri man lé a, Bɔ’m géa i geri nin lé a tɔ. Ke nè á né i geri man ɓaa, ayé geri Bɔ’m nga tɔ.

Jean 8:23

Jésu tel ile de dè’t ede nè: – Sei ɓaa, sei dooge ke dè nang nè, nè man m’in dɔ danrán. Sei ɓaa, sei le nang nè, nè man ɓaa m’ee le nang nè lé.

Nje Ke Rome 1:1

Man Paul, ɓer kule le Jésu-Krist, Nube ɓar’m unde’m ke njèkawkule. Nube unde’m se ninn’n le kade m’ee njèkile mber Tà ke Maje le’n.

Nje Ke Rome 11:8

titeke dé ndang’n kêm Magtub’t ke tò se ninn’n d’ede nè: «Sár tee ɓila, Nube ade tàgir le de wɔi darr a, ade dé njé kum libege a, njé mbi beige a tɔ.»

1 Nje Ke Corinthe 14:37

Ke nè á doo karé gir ede nè n’ee njèribe-dè-tà ke tà Nube’t a, Ndil-Kêmnda á ule tà tann’t a tɔ ɓaa, maje kade ger maje titeke tàge ke m’ndang nè nga è ndukunn le Kuwe-ɓee kuwe.

2 Nje Ke Corinthe 10:7

Ɔri kum si dɔ, i teri nyange maje an-in. Ke nè á doo karé gir kêmn’t ede nè n’ee kuwe se kar’n á n’ee le Krist ɓaa, maje kade ger kêmn’t maje titeke jè géa jè le Krist jè dum’n è ɓai.

2 Nje Ke Thessalonique 1:8

Kem̂ ndɔn’t nè nga, kuwe jéi Jésu à ade kure nyanra njé ke geri Nube lé se njé ke ilei koje dè Tà ke Maje’t le kuwe jéi Jésu-Krist lé à ɔde kum de.

1 Timothee 4:1

Ndil-Kem̂nda tam ndàt ede nè: kem̂ ndɔge ke ngeinn’t dooge ke nange à surei kundekem̂ le de kinyei tede le liger go sú’t se dè nyan-ndóge le ndilge ke majelé a tɔ.

2 Pierre 3:2

M’ndige le kade kem̂ si olé dè tàge ke njéribe-dè-tàge ke tà Nube’t ke tooi se ninn de tami kété nga. M’ndige le kade kem̂ si olé dè ndukunn’t ke ndɔ ke njékawkulege le Kuwe-ɓee njèkaje jéi ndó sei kété ɓá nga a tɔ.

1 Jean 4:1

Kotárge le’m, umi kem̂ si dè ndil tà’t le dooge ke tami edi nè n’awi se Ndil-Kem̂nda nga lé. Nè i nan-in dooge nè nga an-in ké awi se Ndil-Kem̂nda le Nube nga kerɔte kuwe wa? Tede njé tête tà kunde tà Nube’t undei loo teei ngain dè nang nè ɗarinè ta.

1 Jean 4:4

Ngannemge, sei têti rɔ njétête tà kunde tà Nube’t tede k’ee ke sei lennge a, tede Ndil le’n ke ndi kem̂ si’t a tɔ. Ndil Nube ke ndi kem̂ si’t nga á tɔg’n dum dè le njè kem̂ majelé ke ndi kem̂ dooge ke dè nang nè.

1 Jean 4:8

Doo ke tár doo ndul made’n lé ɓaa, ger Nube lé tede Nube è njè tár dooge.

1 Jean 5:19

Jè geri titeke jèi le Nube, nè dooge ke dè nang nè malang ei kem̂ ji tɔgmong’t le njè kem̂ majelé.

Jude 1:17

Nè sei kotárge le’m ɓaa, adi kem̂ si olé dè tàge ke ndɔ ke njékawkulege le Jésu-Krist Kuwe-ɓee le jéi ede sei kété ɓá nga.