1 Jean 4:5 - Nouveau Testament en Gulay 2004

⁵ Njé tête tà kunde tà Nube’t nga ei le nang nè. Gir’n ke nè a, ei tami tà se go tà tam dooge ke dè nang nè a, njé ke ei le dè nang nè uri mbi de ooi tà le de a tɔ.

1 Jean 4:5 ပူးပေါင်းရင်းမြစ်များ

Tà ke Maje ke Luc ndang 16:8

Kuwe njèkan-dè-nyange ke njègos nè nga ede nè: «I ger nyan ngain kuwe.» E ke nè á ke nyan ra dooge ke ei le nang nè ke rai se nan dum njé ke dé le lookar.

Jean 17:14

M’ribe dè tà lei made de, nè njé ke dè nang nè ɔri de njêt tede dé le nang nè lé titeke man géa m’ee le nang nè lé nga tɔ.

Jean 17:16

Dé nga dé le nang nè lé, titeke man géa, m’ee’n le nang nè lé tɔ.

Jean 3:31

E ke in danrán nga dum dè nyange malang. E ke girkoje’n in dè nang nè tam tà ɔje’n dè nyange ke dè nang nè. E ke in danrán dum dè dooge malang.

Jean 8:23

Jésu tel ile de dè’t ede nè: – Sei ɓaa, sei dooge ke dè nang nè, nè man m’in dɔ danrán. Sei ɓaa, sei le nang nè, nè man ɓaa m’ee le nang nè lé.

2 Timothee 4:3

Timothée, oo maje, ndɔ ke dooge à taai ngarankum tà ke maje lé à ree non. Se go ngur nyange ke kem̂ de dé’t kuwe, d’ade kebe njéndó de nyange ke dè de’t-dè de’t le kade ndói de nyange ke mbi de ndon de sɔk-sɔk le koo.

Lookilera’n 12:9

Dan-kɔbe ke bò ke ri’n nè li ke mari, dé ɓar’n sú, njèkɔse tà se dooge a tɔ nga, dé sure’n mbeng d’ile’n nata dè nang nè. Dan-kɔbe ke bò è njè libe kum dooge dè nang nè bere mbak. E se dooge le’n nga, dé sure de mbeng d’ile de nata dè nang nè.