1 Jean 4:4 - Nouveau Testament en Gulay 2004

⁴ Ngannemge, sei têti rɔ njétête tà kunde tà Nube’t tede k’ee ke sei lennge a, tede Ndil le’n ke ndi kem̂ si’t a tɔ. Ndil Nube ke ndi kem̂ si’t nga á tɔg’n dum dè le njè kem̂ majelé ke ndi kem̂ dooge ke dè nang nè.

1 Jean 4:4 ပူးပေါင်းရင်းမြစ်များ

Jean 12:31

Tà ke Nube à gang dè dooge ke dè nang nè nga, ɗarinè unn gir’n ɓá ta. Ngar le njé ke dè nang nè nga, Nube à sure’n kile’n nata ɗarinè ta.

Jean 14:30

M’a m’ɔje se si tà ngain lé ta, tede ngar ke njèkonɓee dè nang nè à ree non ta. Kerɔte kuwe, è ase ra se’m nyan karé bè lé.

Jean 16:11

Njè ra se si nga à ade kum dooge à gang dè gangtà’t le Nube, tede njèkonɓee ke nang nè nga dé gangtà dènn’t ɓá ta.

Jean 17:23

Man m’um se de nan’t bɔk titeke i um’n se’m nan’t bɔk bè tɔ tede kade dé malang d’um nan’t bɔk-bɔk. Titeke bè á dooge ke dè nang nè à geri titeke è i kuwe á ule’m. Maje kade njé ke dè nang nè geri titeke i tár de titeke i tár’m bè tɔ.

Nje Ke Rome 8:31

Ké tà ri j’à tami dè nyange’t nè nga ɓai wa? Ke nè á Nube è le jéi ɓaa, ké nan à ɔse se jéi tà wa?

Nje Ke Rome 8:37

Nè jè têti rɔ nyange nè nga malang takul tɔgmong le Nube ke njè tár jèi nga kum jéi ke kété.

1 Nje Ke Corinthe 2:12

Jèi ɓaa, ndil ke j’ingei nga è ndil ke in ra dooge ke dè nang nè lé, nè è Ndil ke in ra Nube’t tede le kade jè geri nyan-nojege ke Nube ade jèi nga.

1 Nje Ke Corinthe 6:13

Sei i tami edi nè: «Nyankuse tò tede kêm doo a, kêm doo tò tede nyankuse a tɔ.» E kum kuwe, nè né è bè géa ndɔ karé kuwe Nube à tuju de joo mbak. Nè danra doo nga Nube ra’n ɔje dè tò se nan ke kaiya’t lé. Danra doo nga tò tede Kuwe-ɓee a, Kuwe-ɓee géa ndi tede le danra doo a tɔ.

2 Nje Ke Corinthe 4:4

Ke nè á Tà ke Maje le jé tò putru ɓila ɓai ɓaa, tò putru tede le njé kunn mbi dè tàge’t. Dé nè nga, Sú ke njèkonɓee dè nang nè tɔ kum de ɔge de kunde kêm de dè Krist’t. Gir’n ke nè á d’ase kan’n lookar le Tà ke Maje nga lé. E lookar le ndubra le Krist ke è kum gute tà Nube nga.

2 Nje Ke Corinthe 6:16

Ké gile kei ke tò se ninn’n le Nube se kei mage polége à umi nan’t titeke bain wa? Jèi jèi gile kei ke tò se ninn’n le Nube ke Njèndi kumgajer. Nube kuwe tam ede nè: «M’a m’ndi dann de’t a, m’a m’ringe dann de’t a tɔ. M’a m’ee Nube le de, dé géa d’a dé kosdooge le’m a tɔ.»

Nje Ke Ephese 2:2

Kété mari sei njiyei se go nyanrage le dooge ke dè nang nè. Sei ndolèi go ngar le ndilge ke majelé ke njèkonɓee dann danrán’t se nang nè. E nè nga è ndil ke majelé ke ndi sule gir ngann njé dum nange ɗarinè.

Nje Ke Ephese 3:17

M’deje Nube le kade ade Krist urkei dè ɓengre si’t takul kem̂ si ke undei dènn’t. Man m’deje Nube le kade ade ulei ngire si nang janm-janm dè tár ke Krist tár jèi’t nga.

Nje Ke Ephese 6:10

I ndai dingem dè kum nan’t bɔk se Kuwe-ɓee se go tɔgmong le’n m le si lé.

1 Jean 2:1

Ngannemge, m’ndang tà nyange nè m’ade sei tede kade i rai majelé kum si ke kété lé. Ke nè á doo karé ra majelé ɓaa, njè ra rebe tà le jéi ndi ra Bɔ jéi’t non ɓá ta. Njè ra rebe tà le jéi è Jésu-Krist ke Njè ra nyan se dè naje’n.

1 Jean 2:13

Sei bɔ ngannge, m’ndang magtub nè m’ade sei tede sei geri è ke ndi tutu kété mari ke desêin nga ɓá ta. Sei basa dooge, m’ndang magtub nè m’ade sei tede sei têti rɔ njè kem̂ majelé nga ɓá.

1 Jean 3:20

Ke nè á ɓengre jéi ile tà dè jéi’t ɓaa, maje kade jè geri titeke Nube bòi dum dè ɓengre jéi a, è ger nyange malang a tɔ.

1 Jean 3:24

Doo an dè ndukunnge’t le Nube sêw-sêw ɓaa, è um nan’t bɔk se Nube a, Nube géa um se’n nan’t bɔk a tɔ. Jè ger titeke Nube um se jéi nan’t bɔk takul Ndil-Kem̂nda ke è ade jèi nga.

1 Jean 4:13

Nube ade jèi Ndil’n. Gir’n ke nè á jè geri titeke Nube um se jéi nan’t bɔk a, jèi géa j’umi se’n nan’t bɔk a tɔ.

1 Jean 4:16

Jèi géa, tár ke Nube tár jèi nga á j’umi kem̂ jéi dènn’t bɔk-bɔk a tɔ. Nube è njè tár dooge. Nanan ke nain dann tár’t ɓai ɓaa, um nan’t bɔk se Nube’t a, Nube géa um se’n nan’t bɔk a tɔ.

1 Jean 4:6

Nè jèi ɓaa, jèi le Nube. Doo ke ger Nube ɓaa à ur mbi’n le koo’n tà le jéi. Doo ke ger Nube lé ɓaa à ur mbi’n koo’n tà le jéi lé. E ke nè á j’à ger’n ngarankum Ndil ke in ra Nube’t se ndil ke in ra njè kem̂ majelé’t ke njè kade dooge ndemi rebe ke maje’t nga.

1 Jean 5:19

Jè geri titeke jèi le Nube, nè dooge ke dè nang nè malang ei kem̂ ji tɔgmong’t le njè kem̂ majelé.

1 Jean 5:4

Oiyo, nanan ke Nube kuwe oje’n ɓaa à tête rɔ dooge ke ei le nang nè. Rɔ ke jè têti dooge ke ei le nang nè nga, è kundekem̂ le jéi.

Lookilera’n 12:11

Ngakon jéige têti rɔ njè kile tà dè de’t nga takul mese Ngonn bate a, takul tà le Krist ke ɔri go edi dooge a tɔ. Ngakon jéige nè nga ndêti ra de adi yo lé.