1 Jean 4:21 - Nouveau Testament en Gulay 2004

²¹ Doo ke tár Nube ɓaa, gar-gar à tár ngokon’n tɔ. E ke nè á è ndukunn ke Krist kuwe unn ade jéi kété mari.

1 Jean 4:21 ပူးပေါင်းရင်းမြစ်များ

Matthieu 5:43

Sei ooi titeke dé tam kété mari d’ede nè: «I a tár doo-madi nè njèban lei ɓaa, i a kɔr’n njêt.»

Tà ke Maje ke Luc ndang 10:37

E ile jésu dè’t ede nè: – E è ke njè ra kêmkanm se doo nè nga. Jésu tel ede njèkɔrgir gute-ndu Nube nè ede nè: – Aw, i ra titeke bè tɔ.

Jean 15:12

An-in! ndukunn le’m a tò nè: I tári nan titeke man géa m’tár’n sei bè tɔ.

Nje Ke Galatie 5:14

Ke nè á sei rai titeke bè ɓaa, a i rai gute-ndu nga kade maje ɔr njêt. Tede gute-ndu bere mbak nga d’oré nan’t d’ade è ndukunn ke karé bere d’ede nè: «I a tár doo madi titeke i tár’n rai i kuwe bè tɔ.»

Nje Ke Galatie 5:6

Kuje tà mɔte éké kuje tà mɔte lé, è nyan ke liriri tede le doo ke um nan’t bɔk se Jésu-Krist. Nè nyan ke è ngarankum nyan nga, è kundekem̂ ke ra kule dè tár nan’t.

1 Nje Ke Thessalonique 4:9

Tà ke ɔje dè tár nan le si sei ngakon nange éké kon nann nange ke njétaakem̂-Kristge nga, sei ɓaa awi ndoo kade doo ndang magtub’n ade sei lé ta. Nube ndó sei kuwe tà ke ɔje dè tár nan ade i geri kété ɓá.

1 Pierre 3:8

I ndigi tà go nan’t malang a, unni kum si dè nan’t lé a, i ndigi nan tite ngakon nange bè a, i rai kem̂kanm se nan a, ulei dè si adi nan a tɔ.

1 Pierre 4:8

I tári nan se kem̂nda káng. E ke nè á i rai kété gar-gar. Oiyo, tár nan nga utu dè kaiyage bule ngain.

1 Jean 2:7

Kotárge le’m, ndukunn ke m’ndang m’ade sei nè nga, è ke kige lé, nè è ke mari ke sei ingei kété mari ke desêin nga kuwe. Ndukunn ke mari nè nga, è tà ke sei ooi kété ɓá ta.

1 Jean 3:11

I tári nan. E ke nè á è tà ke d’ede sei kété mari ke desêin d’ade ooi ɓá.

1 Jean 3:14

Jèi ɓaa, jè geri mbak titeke jè tugei loo yo jè gangi j’uri loo ndikumgajer’t. Tede jèi ɓaa, jè geri gir tár ke jè tári ngakon jéige nga. Nanan ke tár ngokon’n lé ɓaa, yo on ɓee dènn’t ɓai.

1 Jean 3:18

Ngannemge, ade jè tári nan se tà ke tà jéi’t karè lé. Nè ade jè tári nan se nyanra jéige. Nyanra jéi á à tɔji titeke tár ke jè tári nan nga è ngarankum tár kerɔte.

1 Jean 3:23

Nube unn ndu’n ade jèi le kade j’undei kem̂ jéi dè ri Ngonn’n Jésu-Krist’t a, jè tári nan titeke ndɔ ke Krist unn’n ndu’n ade jèi.

1 Jean 4:11

Kotárge le’m, tár ke Nube tár jèi titeke bè nga, gar-gar jèi géa adi jè tári nan titeke bè tɔ.