1 Jean 4:2 - Nouveau Testament en Gulay 2004

² Nyan ke kade i geri Ndil ke in ra Nube’t á tò nè: Doo ke rara ke tam ndàt ede nè Jésu-Krist ree dè nang nè se danra’n ɓaa, è doo ke Ndil Nube in kem̂n’t kuwe.

1 Jean 4:2 ပူးပေါင်းရင်းမြစ်များ

Jean 1:14

Tà nè nga, tel è danra doo. E ra ɓee dann jéi’t j’an-in ndubra le’n tite ndubra le Ngonn dagi ke in ra Bɔ dooge’t. Kêmnoje se ngarankum tà taa ra’n pel-pel.

1 Nje Ke Corinthe 12:3

Gir’n ke nè á man m’ede sei ndàt: ke nè á doo tam ede nè Jésu è doo ke majelé ɓaa, è Ndil-Kêmnda á ule tà nè tànn’t ade tam lé. Ke nè á doo tam ede nè Jésu è Kuwe-ɓee ɓaa, è Ndil-Kêmnda á ule tà nè tànn’t ade tam bè.

1 Timothee 3:16

Kerɔte kuwe, nyanger le jéi ke bò ke tò loo ɓɔyɔn’t ke jè geri se go kundekem̂ le jéi nga á tò nè: Krist unde loo tee pan tel ra’n tite jéi jèi dooge bè, Ndil-Kem̂nda ɔr tà dènn’t. Dooge ke danrán an-in nin loo kunde loo tee dann njé ke koo’t a, loo kin kaw danrán’t a tɔ. D’ile mber tà le’n dann dooge ke ei Juipge lé. Dooge ke dè nang nè undei kem̂ de dènn’t a, d’unn’n mbeng d’aw se’n danrán dann ndubra’t a tɔ.

1 Jean 1:2

Ndikumgajer ke ndɔ ke unde loo tee nga, jè j’an’n se kum jé kuwe. Gir’n ke nè á jè j’ɔr’n go tà le’n a, j’ile mber tà le’n j’ade sei a tɔ. Ndikumgajer ke se non nè nga ndi ra Bɔ jéi’t kété mari ɓita ade unde loo tee pan ke kum jé’t ɓai.

1 Jean 2:23

Nanan ke naje se ra’n ede nè Jésu-Krist è Ngonn le Nube lé ɓaa, è naje se ra’n dè Bɔ jéi Nube’t a tɔ. Nanan ke tam ndàt ede nè Jésu è Ngonn Nube kerɔte ɓaa, è um nan’t bɔk se Bɔ jéi Nube nga ɓá ta.

1 Jean 4:15

Ke nè á doo karé tam ndàt ede nè Jésu è Ngonn Nube ɓaa, Nube um se’n nan’t bɔk a, è géa um nan’t bɔk se Nube a tɔ.

1 Jean 4:3

Nè doo ke rara ke tam ndàt ede nè Jésu-Krist ree dè nang nè se danra’n lé ɓaa, è doo ke Ndil Nube goto kem̂n’t. Nè ndil ke kem̂n’t nga, è ndil ke njèkem̂yêr. Sei ooi kété titeke njèkɔse tà se Krist à ree dè nang nè ɓá ta.

1 Jean 5:1

Nanan ke unde kem̂’n dè Jésu’t titeke è Krist ɓaa, doo nè nga è Nube kuwe oje’n. Nanan ke tár Bɔ jéi Nube ɓaa à tár jèi ngannenge nga tɔ.

2 Jean 1:7

Njé tam tà lanm sú’n dooge kade ndemi bule ngain undei loo teei ɗarinè ɓá ta. Njé lanmge nè nga mbati tami ndàt titeke Jésu-Krist ree dè nang nè se danra’n. Doo ke tam ndàt ede nè Jésu-Krist ree se danra’n dè nang nè lé nga, è njè tà lanm a, è njè kɔse tà se Krist a tɔ.