1 Jean 4:17 - Nouveau Testament en Gulay 2004

¹⁷ Ke nè á tár nan maje ɔr njêt ra jéi’t ɓaa, j’à ndai kem̂ jéi káng ndɔ ke Nube à gang’n tà dè jéi’t. J’à ndai kem̂ jéi káng tede ndikumgajer le jéi dè nang nè táa nan se le Jésu-Krist.

1 Jean 4:17 ပူးပေါင်းရင်းမြစ်များ

Matthieu 10:15

Kerɔte kuwe, man m’ede sei ndàt, ndɔ gangtà’t nga nyan ke ndɔ ke tee dè njé ke ɓeekon ke Sodome se Gomorhhe nga géa è soo’t dum le dooge ke kêm ɓee-bò’t nè nga ɓai.

Matthieu 10:25

Maje kade njèndó nyan è tite njèndó’n nyan bè a, maje kade ngonn njèndi è tite kuwe’n bè a tɔ. Ke nè á d’ile ri-tɔi kuwe-kei d’ede nè: Ngar le ndilge ke majelé ɓaa, ké njékêmkeige le’n nga d’a t’ile ri de dum le’n è ɓai lé wa? Kuwe-kei géa á dé ɓar’n Ngar le ndilge ke majelé nè a njékêmkeige le’n tá ɓai wa?

Matthieu 11:22

Gir’n ke nè á man m’ede sei ndàt, ndɔ ke Nube à gangtà dè dooge nga, tà ke d’a gang dè si’t à tur ngain dum le dooge ke kêm ɓee-bò ke Tyr se Sidon nè nga ɓai.

Matthieu 11:24

Gir’n ke nè á man m’ede sei ndàt, ndɔ gangtà’t nga tà ke Nube à gang dè si’t à tur ngain dum le njé ke ɓee-bò ke Sodome ɓai.

Matthieu 12:36

E á man m’ede sei ndàt, titeke tà malang ke dooge tami ke nonon karè nga, à ugei kure’n ndɔ gangtà’t.

Jean 15:20

Adi kêm si olé dè tà ke kété m’ede sei’t nga: «Ɓer bòi dum dè kuwe’n lé.» Ke nè á dooge rai kum’m ndoo ɓaa, sei géa à rai kum si ndoo tɔ. Ke nè á ei an-in dè tà le’m sêw-sêw ɓaa, sei géa à an-in dè tà le si sêw-sêw tɔ.

Jean 17:22

Ndubra ke kété ule dèm’t nga, man géa m’tel’n m’ule dè de’t tede kade d’um’n nan’t bɔk titeke jè sei j’um’n nan’t bɔk bè tɔ.

Nje Ke Rome 8:29

Njé ke Nube ger de kété ɓita unde nang nè ɓai nga, è ɔje kêmn’t kété mari ke desêin le tel de ke ngann’n le kade tooi asinan se Ngonn kêm’n Jésu. Nube ra titeke bè le kade Ngonn’n ee’n doo ke desêin ke inge riɓar le Nube dann kosdooge’t le Nube.

Hebreuge 9:27

Dookunde le Nube nga, gar-gar à wei nja karé bere ke ngang’n. Go’t gugu ɓita Nube à gangtà dènn’t ɓai.

Jacques 2:13

Doo ke an kumndoo le madennge lé ɓaa, ndɔn’t Nube à unn kum’n mbeng le gangtà dènn’t nal kan kumndoo le’n tɔ. Nè doo ke an kumndoo le madennge ɓaa, à nda loo gangtà’t se kem̂ ɓel ndan lé.

Jacques 2:22

I an titeke kundekem̂ le Abraham a, kule ra’n a tɔ nga, asinan deĵ. Kundekem̂ le’n maje ɔr njêt takul kule rannge.

2 Pierre 2:9

Kuwe-ɓee Nube ger loo kɔr njé ke ilei koje dènn’t dann nyan ke à nan de. Nè è ger loo kunde njé kem̂ majelége konn le ngine’n ndɔ gangtà. Ndɔ nè nga, kure nyanra de à ɔde kum de labi-labi.

2 Pierre 3:7

Nè danran se nang ke ɗarinè nga, Nube unde de konn se go tà ke in tànn’t kuwe ɓai ngine’n ndɔ ke à gang’n tà dè njékaltàge le tuju’n de kɔke. Ndɔ’n nè nga, danran se nang nè géa por à ró de rák-rák a tɔ.

1 Jean 2:28

Oiyo, ngannemge, umi nan’t bɔk se Krist tede kade ndɔ ke à unde loo tee pan ɓaa, jè ndii heb tàkumn’t lé se kem̂nda káng anje rasɔl.

1 Jean 2:5

Nè doo ke an dè tà le Nube sêw-sêw ɓaa, è tár Nube kerɔte kuwe. Titeke bè á j’à geri titeke j’umi nan’t bɔk se’n.

1 Jean 2:6

Nanan ke tam ndàt ede nè n’um nan’t bɔk se Nube ɓaa, gar-gar à njiye titeke ndɔ è Jésu njiye’n.

1 Jean 3:1

An-in! tár ke bò ke Bɔ jéi Nube tár jèi á ɓar’n jèi ke ngannenge. Jèi jèi ngannenge kerɔte kuwe. Gir’n ke nè á dooge ke dè nang nè geri jèi ke ngann’n lé. Dé ger jèi ke ngann Nube lé tede Nube géa dé ger’n lé.

1 Jean 3:3

Nanan ke unde kem̂’n tchên dè Krist’t ɓaa, maje kade ade ra’n unju nyang-nyang titeke Krist géa ade ra’n unju’n nyang-nyang bè tɔ.

1 Jean 3:7

Ngannge, adi doo karé sú sei lé. Nanan ke ra nyan ke se dè naje’n se ndɔ’n-ndɔ’n ɓaa, è njè ra nyan se dè naje’n titeke Krist ee’n njè ra nyan se dè naje’n bè tɔ.

1 Jean 4:12

Doo karé bè géa an Nube se kum’n ndan lé ɓai. Nè ke nè á jè tári nan ɓaa, Nube um jèi nan’t bɔk a, tár ke è tár jéi nga maje ɔr njêt.