1 Jean 4:16 - Nouveau Testament en Gulay 2004

¹⁶ Jèi géa, tár ke Nube tár jèi nga á j’umi kem̂ jéi dènn’t bɔk-bɔk a tɔ. Nube è njè tár dooge. Nanan ke nain dann tár’t ɓai ɓaa, um nan’t bɔk se Nube’t a, Nube géa um se’n nan’t bɔk a tɔ.

1 Jean 4:16 ပူးပေါင်းရင်းမြစ်များ

Jean 6:69

Jè ɓaa, j’unde kêm jé dèi’t tede jè ger titeke i i doo ke Nube ɔri undei se ninn’n gai.

Jean 9:3

Jésu ile de dè’t ede nè: – E è á ra majelé éké njékojennge lé a tɔ. Nè d’oje dingem nè nga ke njèkumtɔ kade dooge an-in tɔgmong le Nube tede tà le’n.

1 Nje Ke Corinthe 2:9

Dé ndang kêm Magtub’t le Nube d’ede nè: «Kumkunju ke Nube uwe dè nja unde konn tede le njé ke tári nga, è nyan ke kum doo an lé a, mbi doo oo lé a, è nyan ke doo gir dè ɓengrenn’t lé a tɔ.»

1 Jean 3:1

An-in! tár ke bò ke Bɔ jéi Nube tár jèi á ɓar’n jèi ke ngannenge. Jèi jèi ngannenge kerɔte kuwe. Gir’n ke nè á dooge ke dè nang nè geri jèi ke ngann’n lé. Dé ger jèi ke ngann Nube lé tede Nube géa dé ger’n lé.

1 Jean 3:16

Ɗarinè, jè geri ngarankum tár nan takul kinye ke Krist inye ra’n ade yo tede le jéi. Gir’n ‘ke nè á, jèi géa, gar-gar j’à kinyei ra jéi kadi yo tede le ngakon jéige tɔ.

1 Jean 3:24

Doo an dè ndukunnge’t le Nube sêw-sêw ɓaa, è um nan’t bɔk se Nube a, Nube géa um se’n nan’t bɔk a tɔ. Jè ger titeke Nube um se jéi nan’t bɔk takul Ndil-Kem̂nda ke è ade jèi nga.

1 Jean 4:7

Kotárge le’m, adi jè tári nan tede tár nan nga in ra Nube’t kuwe. Nanan ke tár doo ndul made’n ɓaa, ger Nube a, è Nube kuwe á oje’n a tɔ.