1 Jean 4:15 - Nouveau Testament en Gulay 2004

¹⁵ Ke nè á doo karé tam ndàt ede nè Jésu è Ngonn Nube ɓaa, Nube um se’n nan’t bɔk a, è géa um nan’t bɔk se Nube a tɔ.

1 Jean 4:15 ပူးပေါင်းရင်းမြစ်များ

Matthieu 10:32

Nanan ke tam ndàt non dooge’t ede nè: n’ee le’m ɓaa, man géa m’a m’tam ndàt non Bɔ’m ke danrán titeke doo nè nga è le’m man kuwe.

Tà ke Maje ke Luc ndang 12:8

Man m’ede sei ndàt, nanan ke tam ndàt tàkum dooge’t ede nè n’ee le’m ɓaa, man ke m’ee Ngonn doo nga géa, m’a m’tam ndàt tàkum dooge ke danrán le Nube titeke doo nè nga è le’m man kuwe tɔ.

Jean 6:56

Doo ke use danra’m a, an-in mese’m a tɔ ɓaa, um se’m nan’t bɔk a, man géa m’um se’n nan’t bɔk a tɔ.

Nyanra Njekawkulege 8:37

Philippe tel ede njèkuju nè nga ede nè: – Ke nè á i um kêmi dè tà’t nè bɔk-bɔk kerɔte ɓaa, nyan ke à ɔgi loo’n goto. Njèkuju tel ile Philippe dè’t ede nè: – Oiyo, m’um kêm’m dè Jésu-Krist’t titeke è nga è Ngonn Nube kerɔte.]

Nje Ke Rome 10:9

Ke nè á tà tee tài’t ade i tam ndàt ede nè: Krist ke Nube ade unde loo tee dann njé ke koo’t nga è Kuwe-ɓee ɓaa, Nube à aji kerɔte kuwe.

Nje Ke Philippes 2:11

Kerɔte kuwe, dooge karé-karé malang à tami ndàt kedi nè Jésu-Krist nga è Kuwe-ɓee le kilei riɓar dè Bɔ’n Nube’t.

1 Jean 2:23

Nanan ke naje se ra’n ede nè Jésu-Krist è Ngonn le Nube lé ɓaa, è naje se ra’n dè Bɔ jéi Nube’t a tɔ. Nanan ke tam ndàt ede nè Jésu è Ngonn Nube kerɔte ɓaa, è um nan’t bɔk se Bɔ jéi Nube nga ɓá ta.

1 Jean 2:24

Nè sei ɓaa, tà ke ndɔ ke ooi kété mari ke desêin nga, adi urkei kem̂ si’t. Ke nè á tà nè urkei kem̂ si’t ɓaa, sei umi nan’t bɔk se Krist a, se Bɔ’n Nube a tɔ.

1 Jean 3:23

Nube unn ndu’n ade jèi le kade j’undei kem̂ jéi dè ri Ngonn’n Jésu-Krist’t a, jè tári nan titeke ndɔ ke Krist unn’n ndu’n ade jèi.

1 Jean 3:24

Doo an dè ndukunnge’t le Nube sêw-sêw ɓaa, è um nan’t bɔk se Nube a, Nube géa um se’n nan’t bɔk a tɔ. Jè ger titeke Nube um se jéi nan’t bɔk takul Ndil-Kem̂nda ke è ade jèi nga.

1 Jean 4:12

Doo karé bè géa an Nube se kum’n ndan lé ɓai. Nè ke nè á jè tári nan ɓaa, Nube um jèi nan’t bɔk a, tár ke è tár jéi nga maje ɔr njêt.

1 Jean 4:2

Nyan ke kade i geri Ndil ke in ra Nube’t á tò nè: Doo ke rara ke tam ndàt ede nè Jésu-Krist ree dè nang nè se danra’n ɓaa, è doo ke Ndil Nube in kem̂n’t kuwe.

1 Jean 5:1

Nanan ke unde kem̂’n dè Jésu’t titeke è Krist ɓaa, doo nè nga è Nube kuwe oje’n. Nanan ke tár Bɔ jéi Nube ɓaa à tár jèi ngannenge nga tɔ.

1 Jean 5:5

Ké nan á è doo ke asekum tête rɔ dooge ke ei le nang nè nga wa? Doo ke unde kem̂’n dè Jésu’t titeke è Ngonn Nube kerɔte kuwe á asekum tête rɔ dooge ke ei le nang nè.

2 Jean 1:7

Njé tam tà lanm sú’n dooge kade ndemi bule ngain undei loo teei ɗarinè ɓá ta. Njé lanmge nè nga mbati tami ndàt titeke Jésu-Krist ree dè nang nè se danra’n. Doo ke tam ndàt ede nè Jésu-Krist ree se danra’n dè nang nè lé nga, è njè tà lanm a, è njè kɔse tà se Krist a tɔ.