1 Jean 4:1 - Nouveau Testament en Gulay 2004

¹ Kotárge le’m, umi kem̂ si dè ndil tà’t le dooge ke tami edi nè n’awi se Ndil-Kem̂nda nga lé. Nè i nan-in dooge nè nga an-in ké awi se Ndil-Kem̂nda le Nube nga kerɔte kuwe wa? Tede njé tête tà kunde tà Nube’t undei loo teei ngain dè nang nè ɗarinè ta.

1 Jean 4:1 ပူးပေါင်းရင်းမြစ်များ

Marc 13:21

Ke nè á doo karé ede sei ede nè: «An-in! Krist nda nè!» Eké «Krist nda nú bè» ɓaa, umi kêm si dè tà’t le’n lé.

Tà ke Maje ke Luc ndang 12:57

Ké bain á sei kuwe in-in se kêm si ɔji nyan ke kum ra lé ɓai wa?

Tà ke Maje ke Luc ndang 21:8

Nè Jésu ede de ede nè: – Undei kumkunju dè ra si’t le kade dé sú kum si lé. Tede dooge bule à unni ri’m tam’n kedi nè: «E man nga kuwe á m’ee Krist.» «Ndɔ nain ngɔr.» I ndolèi go de lé.

Nyanra Njekawkulege 17:11

Juipge ke Bérée nga uwei Paul se Silas ke ra de’t maje dum njé ke kêm ɓee-bò ke Thessalonique. Dé taa Tà ke Maje kalang, nè se ndɔ karé-karé dé nder gir tà ke kêm magtubge’t le Nube le kan, ké tàge ke Paul ede nga è titeke bè kuwe wa?

Nyanra Njekawkulege 20:29

Man m’ger mbak, loo ke m’a m’in kaw ɓaa, heng-ge ke tooi ɓel à uri dann si’t le sanrin bate kosge nè nga.

1 Nje Ke Corinthe 12:10

Ndil á ade doo karé ke nè tɔgmong kade ra’n nyankɔbege, ade doo karé ke rang Ndil ade è njèribe-dè-tàge ke tà Nube’t. Ndil ke karé nè kuwe ade doo karé gos ter nyan ke in ra Ndil-Kêmnda’t se nyan ke in rann’t lé. Ndil-Kêmnda ade doo karé ke rang gos tam tà koje dooge ke rang gai-gai a, ade doo karé ke rang ɓai gos tel gir tàge gai-gai a tɔ.

1 Nje Ke Corinthe 14:29

Njéribe-dè-tàge ke tà Nube’t ɓaa, maje kade dooge joo éké mute kuwe tami tà. Gute njé ke rang malang ɓaa, maje kade ndii teri tàge nè an-in.

1 Nje Ke Thessalonique 5:20

I nedi tà ndejege le njékɔrgir tàge le Nube lé.

1 Nje Ke Thessalonique 5:21

I teri nyange malang an-in, i taai è ke maje.

2 Nje Ke Thessalonique 2:2

le kade in-in kalang adi tàgir le si aw yo-yo nè-nè lé. Adi kem̂ ɓel ke ɔje dè nel tà ke in ra doo karé’t éké tà karé bè, éké magtub karé ke d’ede nè in ra jé jè’t ade bainléa i giri edi nè ndɔ tel ree le Kuwe-ɓee nga tee ɓá ta.

1 Timothee 4:1

Ndil-Kem̂nda tam ndàt ede nè: kem̂ ndɔge ke ngeinn’t dooge ke nange à surei kundekem̂ le de kinyei tede le liger go sú’t se dè nyan-ndóge le ndilge ke majelé a tɔ.

2 Timothee 3:13

Nè njé kem̂ majelége se njé libe kum dooge à awi kum de ke kété-kété dè majelé’t. Njé kem̂ majelége se njé libe kum dooge nè nga à súi dooge le kade ndemi a, ei kuwe géa à ndemi a tɔ.

2 Pierre 2:1

Njé tête tà kunde tà Nube’t nga, ndɔ ke kété undei loo teei dann kosdooge’t ɓá. Ɓila géa njéndó dooge nyan ke lanmge à undei loo teei pan dann si’t titeke bè tɔ. Dé nè nga, d’a d’unn nyan-ndóge ke gai pat kule dann si’t le tuju’n sei. D’ade mbate Ngar Jésu ke njèkuge dè de. Gir’n ke nè á d’a dé ɓar’n tuju kalang d’ile’n dè de’t.

1 Jean 2:18

Ngannemge, è dè kàde ke ngeinn’t ta. Sei ooi kété titeke Njè kɔse tà se Krist karé à unde loo tee. Nè ɗarinè nga njé kɔse tà se Kristge ngain ndii undei loo teei ta. Gir’n ke nè á jè geri titeke è kàde ke ngeinn’t nga kuwe ta.

1 Jean 2:7

Kotárge le’m, ndukunn ke m’ndang m’ade sei nè nga, è ke kige lé, nè è ke mari ke sei ingei kété mari ke desêin nga kuwe. Ndukunn ke mari nè nga, è tà ke sei ooi kété ɓá ta.

2 Jean 1:7

Njé tam tà lanm sú’n dooge kade ndemi bule ngain undei loo teei ɗarinè ɓá ta. Njé lanmge nè nga mbati tami ndàt titeke Jésu-Krist ree dè nang nè se danra’n. Doo ke tam ndàt ede nè Jésu-Krist ree se danra’n dè nang nè lé nga, è njè tà lanm a, è njè kɔse tà se Krist a tɔ.

3 Jean 1:11

Kotár le’m, i ndaje nyanra ke majelé lé, nè i ndaje nyanra ke maje tá. Doo ke ra nyan ke maje nga è le Nube. Doo ke ra nyan ke majelé nga an Nube lé.

Lookilera’n 2:2

M’ger pa njiyei mbak. M’ger mbak titeke i ra kule ɔr yàl-yàl a, oré tài njak dè nyantosowurge’t a tɔ. M’ger maje titeke ase kile ngire gir njé ra majelége’t lé. Njé ke ei kuwe edi nè n’ei njékawkulege nga, i ger de ke njé lanmge karè.