1 Jean 3:7 - Nouveau Testament en Gulay 2004

⁷ Ngannge, adi doo karé sú sei lé. Nanan ke ra nyan ke se dè naje’n se ndɔ’n-ndɔ’n ɓaa, è njè ra nyan se dè naje’n titeke Krist ee’n njè ra nyan se dè naje’n bè tɔ.

1 Jean 3:7 ပူးပေါင်းရင်းမြစ်များ

Matthieu 5:20

Kerɔte kuwe,man m’ede sei ndàt, ke nè á nyanra si ke se dè naje’n dum dè le njéndang-magtubge se pharisienge lé ɓaa, sei a kilei nja si kêm Konɓee ke danrán nga ndan lé.

Tà ke Maje ke Luc ndang 1:75

Nube ndige le kade jè rai nyan ke se dè naje’n tàkumn’t sár ngei ndɔ ndikumgajer le jéi dè nang nè.

Nyanra Njekawkulege 10:35

Nè se kêm ɓeekonge karé-karé malang nga, nanan ke ɓel’n Ndil Nube, ra nyan se dè naje’n ɓaa, doo nè taa kum’n kuwe.

Nje Ke Rome 2:13

Dooge ke Nube ɔr tà dè de’t nga, ei njé ke dé tute gute-ndu d’ade ooi se mbi de karè lé. Nè Nube ɔr tà dè dooge ke rai nyange ke gute-ndu ɔje.

1 Nje Ke Corinthe 6:9

Njé ra nyange ke se dè naje’n lé nga à ingei loo kêm Konɓee’t le Nube lé. Ké sei geri bè lé wa? Adi kum si sú sei lé: Njé tò se nan ke kaiya’t, njé gugu magege, njé sang dinyege éké dingemge ke rang, njé tel ra de ke dinyege, dingemge ke sangi dingemge made dege tooi se de ke dinyege,

Nje Ke Ephese 5:6

Adi doo karé géa sú sei se tàge ke raikarè lé. Wong le Nube oso dè dooge ke mbati kilei koje dènn’t.

Nje Ke Ephese 5:9

Nyanrage le lookar nga á tooi nè: kem̂-maje ke se ri’n ri’n a, nyanra ke se dè naje’n a, se ngarankum tà a tɔ.

Nje Ke Philippes 1:11

Jésu-Krist à ra se si kade i rai nyange ke se dè naje’n le kade d’ile’n riɓar dè Nube’t a, dé ɗɔi’n a tɔ.

Hebreuge 1:8

Nè loo ke Nube tam tà ɔje’n dè Ngonn’n ke dagi nè ɓaa, è ede’n ede nè: «Kutu-ngar lei i Nube tò sár se non a, kage konɓee lei nga è kage konɓee ke se dè naje’n a tɔ.

Hebreuge 7:2

Nyan malang ke Abraham in’n loo rɔ’t nga, ke nè á è dɔg ɓaa è ɔr tà karé-karé ade Melkisédec. Melkisédec nga tel se tà koje jéi è «ngar ke njè ra nyan se dè naje’n». Melkisédec è ngar ke kem̂ ɓee ke Salem. Salem nga, kɔr gir’n se tà koje jéi ɓaa è «ngar ke njè kade dooge kem̂lom».

Jacques 1:22

Adi kum si sú sei lé. Tà ke Maje ke ooi nga, i rai nyan’n se ndɔge malang m ooi ke koo karè lé.

Jacques 2:19

I gir titeke Nube è karé bere luk-luk. Tàgir lei aw loon’t kuwe. Nè ndilge ke majelé géa giri kem̂ de’t titeke bè tɔ, nè ɓel ra de ade ndebi nginn-nginn.

1 Pierre 2:24

Krist nga oto majelége le jéi dènn’t aw’n weii’n kade kage-ke-dese’t tede kade j’ebi ra jéi dè ra majelége’t le jéi le teli ndii kumgajer ɔje dè nyanra ke se dè naje’n. Takul dòge ke è inge rann’t á j’aji.

1 Jean 2:1

Ngannemge, m’ndang tà nyange nè m’ade sei tede kade i rai majelé kum si ke kété lé. Ke nè á doo karé ra majelé ɓaa, njè ra rebe tà le jéi ndi ra Bɔ jéi’t non ɓá ta. Njè ra rebe tà le jéi è Jésu-Krist ke Njè ra nyan se dè naje’n.

1 Jean 2:26

M’ndang tà nyange nè m’ade sei ɔje dè dooge ke sangi le súi sei kade i ndemi rebe ke maje’t.

1 Jean 2:29

Sei geri mbak titeke Krist è Njè ra nyan se dè naje’n. Nanan ke ra nyan ke se dè naje’n se ndɔ karé-karé ɓaa, è ngonn Nube ke Nube kuwe oje’n.

1 Jean 3:18

Ngannemge, ade jè tári nan se tà ke tà jéi’t karè lé. Nè ade jè tári nan se nyanra jéige. Nyanra jéi á à tɔji titeke tár ke jè tári nan nga è ngarankum tár kerɔte.

1 Jean 3:3

Nanan ke unde kem̂’n tchên dè Krist’t ɓaa, maje kade ade ra’n unju nyang-nyang titeke Krist géa ade ra’n unju’n nyang-nyang bè tɔ.

1 Jean 4:17

Ke nè á tár nan maje ɔr njêt ra jéi’t ɓaa, j’à ndai kem̂ jéi káng ndɔ ke Nube à gang’n tà dè jéi’t. J’à ndai kem̂ jéi káng tede ndikumgajer le jéi dè nang nè táa nan se le Jésu-Krist.