1 Jean 3:4 - Nouveau Testament en Gulay 2004

⁴ Nanan ke ra kaiya se ndɔ’n-ndɔ’n ɓaa altà tà gute-ndu’t, tede kaltà tà gute-ndu’t nga è kaiya.

1 Jean 3:4 ပူးပေါင်းရင်းမြစ်များ

Matthieu 5:19

E ke altà tà ndukunn’t karé dann ndukunnge ke ndêin-ndêin nè a, ndó dooge le kade rai titeke bè a tɔ nga ɓaa, d’a d’an’n ke ngonn ke ndêin bè dum madennge malang kêm Konɓee ke danrán. Nè nanan ke an dè ndukunnge nè nga sêw-sêw a, ndó dooge kade rai titeke bè tɔ ɓaa, d’a d’an’n ke doo ke bò kêm Konɓee ke danrán.

Nyanra Njekawkulege 23:3

Titeke bè á Paul ede’n ede nè: – Nube à undei tɔ, i tò asenan se ndogo bɔr ke nda kong bè! I ndi loo ke nè’t le gangtà dèm’t se go gute-ndu. Nè i al tà tà gute-ndu’t ɓaa, unn ndui ade d’unde’m.

Nje Ke Rome 3:20

Doo karé bè géa Nube à ɔr tà dènn’t tede ra ke è ra nyan ke gute-ndu ɔje nga lé. Gute-ndu tò tede tɔje doo kade ger titeke è njè ra majelé.

Nje Ke Rome 4:15

Kerɔte kuwe, gute-ndu nga tɔje wong le Nube ke nata. Loo ke gute-ndu goto tutu nga, kaltà tà gute-ndu’t géa goto tutu a tɔ.

2 Nje Ke Corinthe 12:21

M’ɓel kêm’t tede bainléa ndɔ ke m’a m’tel kaw ɓee le si nga, Nube à ade m’a m’ndi dann rasɔl’t ɔje dè si. M’ndɔ ngain m’ede nè bainléa tel’m dann si’t ke gugu rang ɓaa, m’ayé ndi dann kumndoo’t tede tà le njé ke kété ke ndii se ra de ke mine titeke kété kuwe ɓai. M’ndɔ ngain m’ede nè bainléa ndɔn’t m’ayé ndi dann kumndoo’t tede tà le njé ke nange ke ndii à tooi se nan ke kaiya’t a, à ɔdi nan rai nyange ke pás-pàs se ndɔge malang a tɔ.

Jacques 5:15

Ke nè á ngatɔgege ɔji tà se Nube kerɔte ɓaa, Nube à unn njèratur nè kur’n dɔ. Ke nè á njèratur nè ra majelé ɓaa, Kuwe-ɓee à ade kem̂’n à tin mbit dènn’t.

1 Jean 5:17

Nyanra ke se dè naje’n lé malang nga, è kaiya kerɔte kuwe. Nè kaiya karé ke aw se doo loo yo’t lé tò tutu.