1 Jean 3:23 - Nouveau Testament en Gulay 2004

²³ Nube unn ndu’n ade jèi le kade j’undei kem̂ jéi dè ri Ngonn’n Jésu-Krist’t a, jè tári nan titeke ndɔ ke Krist unn’n ndu’n ade jèi.

1 Jean 3:23 ပူးပေါင်းရင်းမြစ်များ

Matthieu 22:39

Ndukunn ke njékon’t joo nga tò tanan se è ke desêin kuwe ɓai ede nè: «Gar-gar i a tár doo madi titeke i ra’n se rai bè tɔ.»

Marc 9:7

Bum ree utu dè de lêt, Nube tam tà dann bum’t nè ede nè: – E nè nga è Ngonn’m ke m’tár’n ngain, ooi tà tànn’t.

Jean 1:12

Nè dooge malang ke uwei nin ke ra de’t undei kêm de dènn’t ɓaa, ade de tɔgmong le kade teli ei ngann le Nube.

Jean 13:34

Man m’ade sei ndukunn ke kige. I tári nan titeke man géa m’tár’n sei bè tɔ.

Jean 14:1

Jésu ede njékuwe-girnge ede nè: – Adi kêm si olé bɔt-bɔt lé. Undei kêm si dè Nube’t a, undei kêm si dè’m man’t a tɔ.

Jean 15:12

An-in! ndukunn le’m a tò nè: I tári nan titeke man géa m’tár’n sei bè tɔ.

Jean 17:3

Ndikumgajer se non nga, è le kade dé ger geli i Nube ke get karé bere a, le kade dé ger gel’m man Jésu-Krist ke i ule’m nga a tɔ.

Jean 2:23

Loo ke Jésu ndi kêm ɓee-bò ke Jérusalem loo ra nan Paque ɓai nga, dooge bule undei kêm de dènn’t tede nyankɔbege ke è ra ade an-in.

Jean 3:18

Doo ke unde kêm’n dènn’t ɓaa, dé gangtà dènn’t lé. Nè doo ke unde kêm’n dènn’t lé ɓaa, dé gangtà dènn’t ɓá tede è unde kêm’n dè Ngonn Nube ke dagi’t nga lé.

Jean 6:29

Jésu tel ile de dè’t ede nè: – Nyan ke kêm Nube ndige nga, è le kade undei kêm si dè è ke Nube ulenn’t nga.

Nyanra Njekawkulege 16:31

Paul se Silas ilei nin dè’t edi nè: – Unde kêmi dè Kuwe-ɓee Jésu’t ɓaa, d’a d’aji i se njénojege lei.

Nje Ke Ephese 5:2

I njiyei se tár nan titeke Krist tár’n jèi á inye’n ra’n ade Nube tede le jéi è kuwe ke nyan kade noje se nyankuje-mese ke taa kum Nube.

1 Nje Ke Thessalonique 4:9

Tà ke ɔje dè tár nan le si sei ngakon nange éké kon nann nange ke njétaakem̂-Kristge nga, sei ɓaa awi ndoo kade doo ndang magtub’n ade sei lé ta. Nube ndó sei kuwe tà ke ɔje dè tár nan ade i geri kété ɓá.

1 Timothee 1:15

Tà nè nga è tà kerɔte ke le kade nanan géa taa um kem̂’n dè’t bɔk-bɔk: Jésu-Krist ree dè nang nè le kaje njé ra majelége. Man nga kuwe m’ee ke desêin sàk-sàk le njé ra majelége.

1 Pierre 1:22

Koje ke sei ilei dè ngarankum tà’t nga á i telii sei dooge ke unji nyang-nyang le tár’n njétaakem̂-Kristge se kem̂nda káng. I tári nan ngain dè ɓengre si’t.

1 Pierre 4:8

I tári nan se kem̂nda káng. E ke nè á i rai kété gar-gar. Oiyo, tár nan nga utu dè kaiyage bule ngain.

1 Jean 2:7

Kotárge le’m, ndukunn ke m’ndang m’ade sei nè nga, è ke kige lé, nè è ke mari ke sei ingei kété mari ke desêin nga kuwe. Ndukunn ke mari nè nga, è tà ke sei ooi kété ɓá ta.

1 Jean 3:11

I tári nan. E ke nè á è tà ke d’ede sei kété mari ke desêin d’ade ooi ɓá.

1 Jean 4:15

Ke nè á doo karé tam ndàt ede nè Jésu è Ngonn Nube ɓaa, Nube um se’n nan’t bɔk a, è géa um nan’t bɔk se Nube a tɔ.

1 Jean 4:21

Doo ke tár Nube ɓaa, gar-gar à tár ngokon’n tɔ. E ke nè á è ndukunn ke Krist kuwe unn ade jéi kété mari.

1 Jean 5:13

Sei ke undei kem̂ si dè ri Ngonn Nube’t nga, m’ndang tà nyange nè nga m’ade sei tede kade i geri titeke sei ingei ndikumgajer ke se non nè nga ɓá.