1 Jean 3:22 - Nouveau Testament en Gulay 2004

²² Nyange malang ke jè kɔi Nube nga, j’à j’ingei tede kan ke j’an-in dè ndukunnge le’n sêw-sêw a, jè rai nyan ke taa kum’n a tɔ.

1 Jean 3:22 ပူးပေါင်းရင်းမြစ်များ

Matthieu 17:5

Loo ke tà nain tà Pierre’t ɓai ɓaa, bum ke ndoin ree lirr utu dè de lêt. Ndu Nube ɓar dann bum’t nè nga, ede nè: – E nè nga è Ngonn’m ke m’tár’n ngain a, ra’m nel’m dènn’t ngain a tɔ. Ooi tà tànn’t.

Matthieu 21:22

Nyan ke rara ke sei deji Nube se kundekêm ɓaa, a ingei nyan nè nga kuwe.

Marc 11:24

Gir’n ke nè á man m’ede sei: nyan malang ke sei deji Nube loo ke ɔjii se’n tà nga, ke nè á umi kêm si dè’t titeke a ingei nga nyan nè nga kerɔte kuwe ɓaa, d’a d’ade sei nyan nè kuwe.

Jean 14:13

Nyange malang ke a i deji nin se ri’m nga, m’a m’ra kade dooge geri tɔgmong le Bɔ’m takul’m.

Jean 15:10

Man m’an dè ndukunnge le Bɔ’m sêw-sêw á m’nain’n dann tár’t le’n. Sei géa, ke nè á an-in dè ndukunnge sêw-sêw ɓaa, a i nain-in dann tár’t le’m tɔ.

Jean 15:7

Ke nè á i nanmi kàdem’t a, tàge le’m urkei kêm si’t a tɔ ɓaa, nyan ke sei ndigi á i deji nga a ingei.

Jean 6:29

Jésu tel ile de dè’t ede nè: – Nyan ke kêm Nube ndige nga, è le kade undei kêm si dè è ke Nube ulenn’t nga.

Jean 8:29

E ke njèkule’m nga, è se’m nan’t. E inye’m se kar’m lé tede m’ra nyange ke taa kum’n se ndɔ’m-ndɔ’m.

Jean 9:31

Jè geri titeke Nube ur mbi’n oo’n tà le njé ra majelége lé. Taɓai è ile de dè tà ke d’ɔje senn’t nga lé a tɔ. Nè ke nè á doo karé ile koje dè Nube’t a, ra nyan ke kêm’n ndige ɓaa, Nube ur mbi’n oo’n tà le doo nè nga kerɔte.

Nyanra Njekawkulege 17:30

Nyanra dooge kêm ndɔge ke kété mari ke geri Nube lé ɓai nga, Nube unn kum’n mbeng dè’t kɔke. Nè ɗarinè è unn ndu’n ade dooge malang se loo malang kade turi hal de.

Nyanra Njekawkulege 20:21

M’ile mber m’ade Juipge se njé ke ei Juipge lé le kade ɔsi wan teli ke ra Nube’t a, undei kêm de dè Kuwe-ɓee’t le jéi Jésu nga a tɔ.

Nje Ke Philippes 4:18

Nyan malang ke ndɔ ke ulei nga m’inge ade ase’m nák-nák. Ɗarinè m’inge nyan malang ke m’aw ndoo’n tede Epaphrodite ree se nyan-nojege le si ke ulei ade’m. E nyan-noje ke ete sununu asenan se nyankuje-mese ke ujei adi Nube a, taa kum’n a tɔ.

Nje Ke Colosses 1:10

Titeke bè á pa njiye si à uwe’n made nan se le Kuwe-ɓee kade i rai nyan ke kem̂’n ndige. Sei a i rai nyange ke se ri de-ri de a, ger gel Nube le si à in dè made’t ke kété-kété a tɔ.

Hebreuge 13:21

Maje kade Nube ke njè kade jèi kem̂lom ade sei tɔg si ade i rai nyange ke maje ke se ri de-ri de. Maje kade ade sei tɔg si kade i rai nyan ke kem̂’n ndige. Maje kade Nube ade jè rai nyange ke taai kum’n takul Jésu-Krist. Maje kade ndubra è le Krist sár se non. Maje kade è titeke bè kuwe.

Jacques 1:5

Ke nè á doo karé dann si’t nal kumkunju ɓaa, maje kade kɔ Nube. Nube è njè kade dooge malang nyan se kem̂ karé anje ndáng de.

Jacques 4:3

I kɔi nyan ɓaa ingei lé tede sei kɔi le kawi tuji kɔke dè ngur nyange ke majelé ke ra si’t nga karè.

Jacques 5:16

Ɔri gir majelé le si adi nan. Ɔji tà se Nube tede nan le kade ratur ɔr’n dè si’t. Doo ke Nube ɔr tà dènn’t nga, nyan ke è deje’n se kundekem̂ ke nunge tchanm nga, è ase ra nyan ke bòi ngain.

1 Jean 2:3

Ke nè á j’an-in dè ndukunnge le Nube sêw-sêw ɓaa, jè geri titeke jè geri Nube.

1 Jean 5:14

Gir’n ke nè á jè ndai kem̂ jéi káng non Nube’t: Ke nè á jè deji nyan se go kem̂ndige le’n ɓaa, jè geri mbak titeke è oo tà le jéi.