1 Jean 3:2 - Nouveau Testament en Gulay 2004

² Kotárge le’m, ɗarinè jèi ngann Nube. Nè táa ke jè táai nan se’n nga, ɗarinè tò nata ndái-ndái lé ɓai. Nè né è bè géa, nyan karé ke jè geri á tò nè: Ndɔ ke Krist à tel kunde loo tee pan ɓaa, j’à tooi táai nan se’n tcha-tcha tede j’à j’an-in nin se kum jéi ndan-ndan kem̂ ndɔn’t nè nga.

1 Jean 3:2 ပူးပေါင်းရင်းမြစ်များ

Matthieu 5:8

Njé ke nganrankêm de unju nyang-nyang nga, ra de à nel de tede d’a d’an Nube se kum de ndan-ndan!

Tà ke Maje ke Luc ndang 17:30

Ndɔ ke man ke m’ee Ngonn doo m’a m’ndubra’m ke nata nga géa à è titeke bè tɔ.

Tà ke Maje ke Luc ndang 20:36

Yo asekum ɓar ri de gugu lé ta tede à tooi asinan se dooge ke danrán bè. Loo ke ei undei loo teei dann njé ke koo’t ɓá ɓaa, ei ngannge le Nube kuwe.

Jean 1:12

Nè dooge malang ke uwei nin ke ra de’t undei kêm de dènn’t ɓaa, ade de tɔgmong le kade teli ei ngann le Nube.

Jean 11:52

Jésu à wei tede girkoje le Juipge á go karé lé, nè le kɔse nja ngann le Nube ke ɗarinè yali nan se loo-loo nan’t tede kade teli umi nan’t bɔk tite kosdooge ke karé bere.

Jean 17:24

Bɔ’m, njé ke um de jim’t nga, loo ke m’a m’ndi tutu ɓaa, m’ndige kade ndii se’m nan’t tutu tɔ. Titeke bè á d’a d’an’n ndubra ke i ule dèm’t nga se kum de. I tár’m kété mari ɓita unde nang nè ɓai.

Nje Ke Rome 8:16

Ndil-Kêmnda kuwe tam titeke jèi ngann Nube kerɔte kuwe.

Nje Ke Rome 8:18

M’gir kêm’t titeke nyantosowurge ke ndii à rai jèi ɗarinè nga à asinan se riɓar ke bò ke ndɔ ke rang j’à j’ingei nga lé.

Nje Ke Rome 8:19

Nyankundege malang ndii kerm nginei ndubra le ngann Nube ke ndɔn’t Nube à ade à kile ra’n ke nata.

Nje Ke Rome 8:29

Njé ke Nube ger de kété ɓita unde nang nè ɓai nga, è ɔje kêmn’t kété mari ke desêin le tel de ke ngann’n le kade tooi asinan se Ngonn kêm’n Jésu. Nube ra titeke bè le kade Ngonn’n ee’n doo ke desêin ke inge riɓar le Nube dann kosdooge’t le Nube.

1 Nje Ke Corinthe 13:12

Nyange ke j’an-in ɗarinè nga è til nyange titeke doo an’n nyan kêm kuturam’t bè, nè ndɔn’t j’à j’an-in nyange nè nga se kum jéi ngangang ɓai. Nyanger le’m ke ɗarinè nga, è tàpitem gos nyanger karè, nè ndɔn’t m’a m’ger Nube njai-njai titeke è ger’m bè.

1 Nje Ke Corinthe 15:49

Ɗarinè, jè taai nan se doo ke ndɔ ke Nube ube’n se nduju nang. Ndɔ ke rang j’à taai nan se doo ke in danrán ɓai.

1 Nje Ke Corinthe 2:9

Dé ndang kêm Magtub’t le Nube d’ede nè: «Kumkunju ke Nube uwe dè nja unde konn tede le njé ke tári nga, è nyan ke kum doo an lé a, mbi doo oo lé a, è nyan ke doo gir dè ɓengrenn’t lé a tɔ.»

2 Nje Ke Corinthe 3:18

Jèi malang ke d’ɔr tà kubu nè kum jéi’t kɔke nga, j’adi ndubra le Kuwe-ɓee kile ra’n ke nata asenan se kuturam bè. Jèi nga dé tel jèi ke kum gute tà Kuwe-ɓee. E nga ndubra le’n ke in dè made’t ke kété-kété nga tel è ndubra le jéi. E ke nè á è kule ra Ndil Kuwe-ɓee ke ra tede le jéi.

2 Nje Ke Corinthe 4:17

Nyantosowur ke pêlêng ke ra jè ɗarinè nga à ɔje ndubra ke dum dè loo ndɔ ke rang ɓai.

Nje Ke Galatie 3:26

Ɗarinè sei Juipge se njé ke ei Juipge lé ke undei kem̂ si dè Jésu-Krist’t nga, sei malang sei ngann le Nube.

Nje Ke Galatie 4:6

Sei sei ngann kem̂ Nube kerɔte kuwe. Gir’n ke nè á Nube ule’n Ndil Ngonn’n ade ndii’n dè ɓengre jèi’t. Takul Ndil nè nga á jè tami tà se ndu jéi ke bòi j’edi nè: «Abba, Bɔ jé.»

Nje Ke Philippes 3:21

Ra jéi ke dang’t ra’n ade uwe ndoo mɔngong nga, Jésu-Krist à tel’n le kade tò tanan se le’n ke ndoin kein-kein. E aw se tɔgmong le dum’n dè nyange malang, ule’n de wɔr-wɔr.

Nje Ke Colosses 3:4

Krist è ndikumgajer le si. Loo ke è à unde loo tee pan ɓaa, sei géa a undei loo teei se’n nan’t a, a oréi nan se’m dè ndubra’t le’n a tɔ.

Hebreuge 9:28

Krist inye ra’n ade ke nyankuje-mese nja karé bere luk-luk ke ngang’n tede kɔr’n majelé le dooge bule. E à tel le ree ke njèkon’t joo ɓaa, è tede kɔr majelé le dooge tɔ lé ta, nè tede kaje njé ke ndii nginei nin tchên ta.

2 Pierre 1:4

Takul ndubra se tɔgmong nè á j’ingei nyan-majege ke bòi ke gate de è ngain ke ndɔ ke Nube unn’n ndu’n le kade jèi nga. E ade sei nyan-majege nè nga titeke bè tede kade ngur nyange ke majelé le nang nè tuju’n sei lé, nè le kade i teli seii girkoje le Nube.

1 Jean 2:28

Oiyo, ngannemge, umi nan’t bɔk se Krist tede kade ndɔ ke à unde loo tee pan ɓaa, jè ndii heb tàkumn’t lé se kem̂nda káng anje rasɔl.

1 Jean 2:7

Kotárge le’m, ndukunn ke m’ndang m’ade sei nè nga, è ke kige lé, nè è ke mari ke sei ingei kété mari ke desêin nga kuwe. Ndukunn ke mari nè nga, è tà ke sei ooi kété ɓá ta.

1 Jean 3:1

An-in! tár ke bò ke Bɔ jéi Nube tár jèi á ɓar’n jèi ke ngannenge. Jèi jèi ngannenge kerɔte kuwe. Gir’n ke nè á dooge ke dè nang nè geri jèi ke ngann’n lé. Dé ger jèi ke ngann Nube lé tede Nube géa dé ger’n lé.

1 Jean 3:10

E ke nè á d’a ger’n ngann Nube se ngann le njè kem̂ majelé nga njai-njai. Nanan ke ra nyan ke se dè naje’n lé se ndɔ’n-ndɔ’n ɓaa, è le Nube ndan lé. Nanan ke tár ngokon’n lé ɓaa, è le Nube ndan lé tɔ.

1 Jean 3:21

Kotárge le’m, ke nè á ɓengre jéi ile tà dè jéi’t lé ɓaa, jè ndai kem̂ jéi káng non Nube’t.

1 Jean 5:1

Nanan ke unde kem̂’n dè Jésu’t titeke è Krist ɓaa, doo nè nga è Nube kuwe oje’n. Nanan ke tár Bɔ jéi Nube ɓaa à tár jèi ngannenge nga tɔ.

Lookilera’n 2:28

E ke nè á è tɔgmong ke ndɔ ke Bɔ’m ade’m. Doo ke tête rɔ nga, m’a m’ade’n mbonron.

Lookilera’n 22:4

Ɓer kulege le Nube à an-in nin se kum de a, ri’n à tò nat-non de’t a tɔ.