1 Jean 3:14 - Nouveau Testament en Gulay 2004

¹⁴ Jèi ɓaa, jè geri mbak titeke jè tugei loo yo jè gangi j’uri loo ndikumgajer’t. Tede jèi ɓaa, jè geri gir tár ke jè tári ngakon jéige nga. Nanan ke tár ngokon’n lé ɓaa, yo on ɓee dènn’t ɓai.

1 Jean 3:14 ပူးပေါင်းရင်းမြစ်များ

Matthieu 25:40

Ngar à tel kile de dè’t kede nè: «Kerɔte kuwe, man m’ede sei ndàt, nyan malang ke dɔ-dɔ sei i rai se ngonn karé ke ndêin bè dann ngakonmge ke ndii nè’t nga ɓaa, è man kuwe á i rai se’m non.»

Tà ke Maje ke Luc ndang 15:24

An-in! ngonn’m ke nda nè nga, man m’an’n ke doo ke wei ɓá nè tel tɔse ndel. Ma m’an’n ke doo ke ndem oso kɔke nè m’tel m’inge’n ɓai.» Ke loon’t nè kuwe d’unn gir kal ra de.

Tà ke Maje ke Luc ndang 15:32

Gar-gar è tà le jé le kade j’ade dé ra mur tête tà ɓee kade j’ali ra jéi. Tede ngokoin ke nda nè nga man m’an’n ke doo ke wei ɓá, nè è tel tɔse ndel; man m’an’n ke doo ke ndem oso kɔke nè m’tel m’inge’n.»

Tà ke Maje ke Luc ndang 7:5

Tede è tár girkoje le jéi ngain. Taɓai è kuwe ade d’unde kei kebe nan le jéi nga a tɔ.

Jean 13:35

Ke nè á i tári nan ɓaa, dooge malang à geri sei ke njékuwe-girmge kerɔte.

Jean 15:12

An-in! ndukunn le’m a tò nè: I tári nan titeke man géa m’tár’n sei bè tɔ.

Jean 15:17

Nyan ke m’unn ndu’m dè’t m’ade sei á tò nè: I tári nan.

Jean 5:24

Kerɔte kuwe, man m’ede sei ndàt, nanan ke oo tà le’m, unde kêm’n dè è ke njèkulem’t nga ɓaa ndi kumgajer se non nga ɓá ta. Nube à gangtà dènn’t lé. E doo nè nga tee tà yo’t aw loo ndikumgajer se non ɓá ta.

2 Nje Ke Corinthe 5:1

Kerɔte kuwe, danra jéi ke jè ndii dè nang nè nga, tò asenan se kei kam ke ndɔ ke rang à jɔri. Nè jè geri mbak titeke kei le jéi ke tò se non tò danran nú non. E kei le Nube kuwe á ra m è ji doo-ndulge á ra lé.

Nje Ke Galatie 5:22

Kann nyan le Ndil á tò nè: Tár nan, ranel, kem̂lom, kem̂kile, kem̂-maje, kem̂-kunde,

Nje Ke Ephese 1:15

Gir’n ke nè á, loo ke m’oo kɔbe kem̂ si ke kundei dè Kuwe-ɓee Jésu’t a, m’oo ser tár ke sei tári njé ke tooi se ninn de malang a tɔ ɓaa,

Nje Ke Ephese 2:1

Sei nga, kété weii yo nyanrage ke se go rebe’n lé a, weii yo kaiyage le si a tɔ.

Nje Ke Ephese 2:5

Jèi nga, kété j’weii yo nyanrage ke se go rebe’n lé le jéi, nè è ade jè teli jè ndii kumgajer se Krist nan’t. Takul kem̂noje á sei ajii.

Nje Ke Colosses 1:4

J’oo ser kundekem̂ dè Jésu-Krist’t le si se ser tár ke sei tári dooge malang ke ei le Nube nga.

1 Nje Ke Thessalonique 4:9

Tà ke ɔje dè tár nan le si sei ngakon nange éké kon nann nange ke njétaakem̂-Kristge nga, sei ɓaa awi ndoo kade doo ndang magtub’n ade sei lé ta. Nube ndó sei kuwe tà ke ɔje dè tár nan ade i geri kété ɓá.

Hebreuge 13:1

I tári nan se ndɔge malang tite ngakon nange bè m ebi’t lé.

1 Pierre 1:22

Koje ke sei ilei dè ngarankum tà’t nga á i telii sei dooge ke unji nyang-nyang le tár’n njétaakem̂-Kristge se kem̂nda káng. I tári nan ngain dè ɓengre si’t.

1 Pierre 3:8

I ndigi tà go nan’t malang a, unni kum si dè nan’t lé a, i ndigi nan tite ngakon nange bè a, i rai kem̂kanm se nan a, ulei dè si adi nan a tɔ.

2 Pierre 1:7

Utei ra si kalang le rɔti kan nan ke ngakon nange tà kile koje dè Nube’t a, i rɔti tár nan tà kan nan ke ngakon nange a tɔ.

1 Jean 2:3

Ke nè á j’an-in dè ndukunnge le Nube sêw-sêw ɓaa, jè geri titeke jè geri Nube.

1 Jean 3:23

Nube unn ndu’n ade jèi le kade j’undei kem̂ jéi dè ri Ngonn’n Jésu-Krist’t a, jè tári nan titeke ndɔ ke Krist unn’n ndu’n ade jèi.

1 Jean 4:12

Doo karé bè géa an Nube se kum’n ndan lé ɓai. Nè ke nè á jè tári nan ɓaa, Nube um jèi nan’t bɔk a, tár ke è tár jéi nga maje ɔr njêt.

1 Jean 5:13

Sei ke undei kem̂ si dè ri Ngonn Nube’t nga, m’ndang tà nyange nè nga m’ade sei tede kade i geri titeke sei ingei ndikumgajer ke se non nè nga ɓá.

1 Jean 5:2

Tár Nube a, kan dè ndukunnge le’n sêw-sêw a tɔ nga è nyan ke tɔje jèi ade jè geri titeke jè tári ngann Nube kerɔte.