1 Jean 3:12 - Nouveau Testament en Gulay 2004

¹² Ade jèi tite Cain bè lé. Cain nga ndo ke è doo le njè kem̂ majelé. Gir’n ke nè á ndɔ ke uje’n kɔbe ngokon’n. Ké ri á è gir kade ndɔ ke uje’n kɔbe ngokon’n wa? E uje kɔbe ngokon’n tede nyanra’n ke majelé, nè nyanra ngokon’n á è se dè naje’n.

1 Jean 3:12 ပူးပေါင်းရင်းမြစ်များ

Matthieu 13:19

Loo ke doo oo tà ke ɔje dè Konɓee le Nube nè ger gir tà nè nga lé ɓaa, njèkêmyêr ree ɔr tà ke dé dubu dè ɓengrenn’t nga wont kɔke. Doo nè nga tò asenan se njar ko ke dubu ngang rebe’t bè.

Matthieu 13:38

Ndɔr nga è dè nang nè. Njar ko ke maje nga, è njé ke ndigi le kade Nube on ɓee dè de’t. Jer nga è njé ke ndigi le kade njèkêm majelé on ɓee dè de’t.

Matthieu 23:35

E titeke bè tede le mese njé ra nyan se dè najennge malang ke an-in ule nang nè, unn gir dè Abel njè ra nyan se dè naje’n sár tee’n dè Zakarie ngonn le Baraki, ke sei tɔli nin dadann gile kei’t le Nube se ɗinger loo nyankuje-mese’t nga, tà yo de à uwe dè si.

Matthieu 27:23

Pilate tel nda deje de kuwe ɓai ede nè: – Ké majelé ri á è ra wa? Nè dé tel ra nyan wuu se tɔg de d’ede nè: – Maje kade ade dé ɓer’n kàde kage-ke-dese’t ke ɓer kuwe bè.

Matthieu 5:37

Ke nè á tà le si è oiyo ɓaa, è oiyo. Ke nè á tà le si è ḿ-m̀ ɓaa, i tami go karé edi nè ḿ-m̀. Tà ke rang ke i tami ilei dè made’t nga in ra njèkêmyêr’t.

Tà ke Maje ke Luc ndang 11:51

Unn gir dè Abel ke d’ile mese’n nang kété sár tee’n dè Zacharie ke ndɔ ke dé tɔl’n dadann ɗinger loo nyankuje-mese se kêm kei ke tò se ninn’n. Oiyo, mese dooge nè malang ke an-in nang nga, man m’ede sei ndàt, Nube à ade kure’n à ɔde kum dooge ke ndii dè nang nè ɗarinè ɓai.

Jean 10:32

Jésu tel ile de dè’t ede nè: – M’ra nyange ke maje bule se tɔgmong le Bɔ’m m’ade an-in ɓá. Ké è tede è ke ra taɓai á a i tilei man se kuberi her tɔli man wa?

Jean 8:40

Nè man njè kede sei ngarankum tà ke m’oo tà Nube’t nga, ɗarinè sei sangi kade dé tɔl’m. Abraham nga ndɔ ke ra nyan titeke bè lé.

Jean 8:41

Nè sei i rai nyan ra bɔ si tcha-tcha. Juipge teli edi Jésu edi nè: – Jè nga, dé tò se nan ke kaiya’t á d’oje’n jè lé. Nè Nube kuwe karé bere luk-luk á è Bɔ jé.

Nyanra Njekawkulege 7:52

Ké njèribe-dè-tà ke ra dann madennge’t á kà sige nali rai kum’n ndoo wa? Ei tɔli njé ke kété ilei mber ree le njè ra nyan se dè naje’n ke karé luk-luk. E nga ɗarinè sei teli sei njé kunn dènnge se njé tɔlnge.

1 Nje Ke Thessalonique 2:14

Ngakon jége, ndɔ ke nyankem̂kon ra njékebe nange le Nube ke ndii kem̂ ɓeekon ke Judée ke umi nan’t bɔk se Jésu-Krist. Nyankem̂kon ke dooge ke ɓee le si rai se si nè nga, è gar è ke ndɔ ke Juipge rai se se de dé njékebe nange le Nube ke ndii kem̂ ɓeekon ke Judée nga tɔ.

Hebreuge 11:4

Takul kundekem̂ á Abel ree’n se nyankuje-mese ke maje dum le Cain ade Nube. Takul kundekem̂ á Nube ɔr’n tà dè Abel’t a, tam’n tà ke maje ɔje dè nyankuje-mesege ke è ree’n a tɔ. Abel nga wei mari kuwe, nè takul kundekem̂ le’n á ɓila ndi à ɔdenan tam’n tà ɓai.

Hebreuge 12:24

Sei reei ra Jésu ke njè nda dann mann-ra ke kige’t le Nube se kosdooge le’n. Mese Jésu ɔr tà dè jéi’t dum le Abel ke ndɔ ke an-in nang nga ɓai.

1 Pierre 4:4

Kebe ke sei ebi ra si dè ra nyange ke pás-pàs nan’t se njé ke geri Nube lé nga, ɗarinè an-in ke nyankɔbe. Gir’n ke nè á ei unni gir taji sei mbɔk-mbɔk.

1 Jean 3:8

Nanan ke ra kaiya se ndɔ’n-ndɔ’n ɓaa in ra njè kem̂ majelé’t, tede njè kem̂ majelé nga unn gir ra majelé se ndɔge malang kété mari ke desêin. Gir’n ‘ke nè á Krist, Ngonn Nube unde’n loo tee’n pan tede le tuju nyanrage le njè kem̂ majelé nga kɔke.

Jude 1:11

Dé dooge nè nga, d’a d’an ɓai! tede d’unn rebe le Cain. Kum de sú de ade dé tam tà lanm le taa’n nar titeke ndɔ ke kété Balaam ra’n bè. D’ile rɔ d’ade Nube titeke ndɔ ke Koré ra’n bè tɔ. Kerɔte kuwe, d’ade tuju titeke ndɔ ke Koré tuju’n nga bè tɔ.

Lookilera’n 17:6

Mese dooge le Nube ke tooi se ninn de se mese njé ke dé tɔl de tede kem̂ de ke undei dè Jésu’t ra dinye nè nga tite yibe bè. Loo ke m’an’n bè ɓaa, ndil’m tee an-in soin-soin.