1 Jean 3:10 - Nouveau Testament en Gulay 2004

¹⁰ E ke nè á d’a ger’n ngann Nube se ngann le njè kem̂ majelé nga njai-njai. Nanan ke ra nyan ke se dè naje’n lé se ndɔ’n-ndɔ’n ɓaa, è le Nube ndan lé. Nanan ke tár ngokon’n lé ɓaa, è le Nube ndan lé tɔ.

1 Jean 3:10 ပူးပေါင်းရင်းမြစ်များ

Matthieu 13:38

Ndɔr nga è dè nang nè. Njar ko ke maje nga, è njé ke ndigi le kade Nube on ɓee dè de’t. Jer nga è njé ke ndigi le kade njèkêm majelé on ɓee dè de’t.

Tà ke Maje ke Luc ndang 6:35

Nè sei ɓaa, i tári njébange le si, i rai de maje, adi dooge tunei sei nyan, nè i giri kêm si’t edi nè: «M’a tel kinge gugu ɓai» lé. Titeke bè á, nyan-kuge dè ji si à ee’n ngain a, a k’eei ngann le Nube ke Njèndi sêm danran’t. Tede Nube ke Njèndi sêm danran’t nga, è njè ra maje se dooge ke geri loo tel ra’n oiyo lé a, è njè ra maje se njékêmyêrge a tɔ.

Jean 1:12

Nè dooge malang ke uwei nin ke ra de’t undei kêm de dènn’t ɓaa, ade de tɔgmong le kade teli ei ngann le Nube.

Jean 11:52

Jésu à wei tede girkoje le Juipge á go karé lé, nè le kɔse nja ngann le Nube ke ɗarinè yali nan se loo-loo nan’t tede kade teli umi nan’t bɔk tite kosdooge ke karé bere.

Jean 8:44

Sei ɓaa, bɔ si ke le si è sú. Nyange ke ngur’n ra bɔ si pênn-pênn á sei ndigi rai. E nga, è njè tɔ koo dooge ká-ká, kété mari ke desêin sár tee ɓila. E nga, nda dè njann’t njáng dè ngarankum tà’t lé, tede ngarankum tà goto kêmn’t. Tà lanm ke è tam se ndɔge malang nga in-in kêm’n è’t kuwe tede è njè tà lanm a, è bɔ njé tà lanmge a tɔ.

Jean 8:47

Nanan ke è le Nube ɓaa à ur mbi’n le koo’n tàge le Nube. Nè sei uri mbi si ooi tàge le Nube lé, tede sei sei lennge lé.

Nyanra Njekawkulege 13:10

– An! i ke tà sú se nyanra ke majelé taa rai pel-pel. I ngonn le sú, i njèban le nyanra ke se dè naje’n malang. Rebege le Kuwe-ɓee ke ndai jap nga ke i uwe de i ɗuge de ngong-ngong, ké ndɔ ke ra á i a ebe rai dè’t wa?

Nje Ke Rome 13:8

Adi kure le doo karé bè tò dè si’t lé. Nè adi kure tár nan tá tò dè si’t. Doo ke tár doo made’n ɓaa, è ra nyan ke gute-ndu ɔje nga tɔl mbas ɓá.

Nje Ke Ephese 5:1

Sei sei ngannge le Nube. Nube tár sei ngain. Bè ɓaa, i ndaji nyanra’n.

Nje Ke Colosses 3:14

I tɔli tà nyange nè malang se tár nan: tede tár nan nga è kule noje ke maje ɔr njêt ke tɔ sei nan’t kade sei dooge ke karé bere.

1 Timothee 1:5

Gir ndukunn nè nga è le kɔse gir tár nan se kem̂nda káng ke in dè tàgir ke maje ke kem̂’t se dè kundekem̂ dè Nube’t ke get nal kede gos kade ra tɔge ke kété-kété.

1 Jean 2:29

Sei geri mbak titeke Krist è Njè ra nyan se dè naje’n. Nanan ke ra nyan ke se dè naje’n se ndɔ karé-karé ɓaa, è ngonn Nube ke Nube kuwe oje’n.

1 Jean 3:1

An-in! tár ke bò ke Bɔ jéi Nube tár jèi á ɓar’n jèi ke ngannenge. Jèi jèi ngannenge kerɔte kuwe. Gir’n ke nè á dooge ke dè nang nè geri jèi ke ngann’n lé. Dé ger jèi ke ngann Nube lé tede Nube géa dé ger’n lé.

1 Jean 3:2

Kotárge le’m, ɗarinè jèi ngann Nube. Nè táa ke jè táai nan se’n nga, ɗarinè tò nata ndái-ndái lé ɓai. Nè né è bè géa, nyan karé ke jè geri á tò nè: Ndɔ ke Krist à tel kunde loo tee pan ɓaa, j’à tooi táai nan se’n tcha-tcha tede j’à j’an-in nin se kum jéi ndan-ndan kem̂ ndɔn’t nè nga.

1 Jean 4:21

Doo ke tár Nube ɓaa, gar-gar à tár ngokon’n tɔ. E ke nè á è ndukunn ke Krist kuwe unn ade jéi kété mari.

1 Jean 4:6

Nè jèi ɓaa, jèi le Nube. Doo ke ger Nube ɓaa à ur mbi’n le koo’n tà le jéi. Doo ke ger Nube lé ɓaa à ur mbi’n koo’n tà le jéi lé. E ke nè á j’à ger’n ngarankum Ndil ke in ra Nube’t se ndil ke in ra njè kem̂ majelé’t ke njè kade dooge ndemi rebe ke maje’t nga.

1 Jean 4:8

Doo ke tár doo ndul made’n lé ɓaa, ger Nube lé tede Nube è njè tár dooge.

1 Jean 5:19

Jè geri titeke jèi le Nube, nè dooge ke dè nang nè malang ei kem̂ ji tɔgmong’t le njè kem̂ majelé.

1 Jean 5:2

Tár Nube a, kan dè ndukunnge le’n sêw-sêw a tɔ nga è nyan ke tɔje jèi ade jè geri titeke jè tári ngann Nube kerɔte.

3 Jean 1:11

Kotár le’m, i ndaje nyanra ke majelé lé, nè i ndaje nyanra ke maje tá. Doo ke ra nyan ke maje nga è le Nube. Doo ke ra nyan ke majelé nga an Nube lé.