1 Jean 2:7 - Nouveau Testament en Gulay 2004

⁷ Kotárge le’m, ndukunn ke m’ndang m’ade sei nè nga, è ke kige lé, nè è ke mari ke sei ingei kété mari ke desêin nga kuwe. Ndukunn ke mari nè nga, è tà ke sei ooi kété ɓá ta.

1 Jean 2:7 ပူးပေါင်းရင်းမြစ်များ

Matthieu 5:43

Sei ooi titeke dé tam kété mari d’ede nè: «I a tár doo-madi nè njèban lei ɓaa, i a kɔr’n njêt.»

Jean 13:34

Man m’ade sei ndukunn ke kige. I tári nan titeke man géa m’tár’n sei bè tɔ.

Nyanra Njekawkulege 17:19

D’uwe Paul d’aw se’n dè mbal ke dé ɓar’n «Aéropage», dé deje’n d’ede nè: – Nyan-ndó ke kige ke i tam tà’n nè nga, ké asekum kɔrgir kade j’oo lé wa?

Hebreuge 6:9

Kotárge le jé, ke nè á jè tam tàge nè nga bè géa, jè ger kem̂ jé’t mbak titeke sei umi nja si rebe ke maje ke à tee se si dè kaje’t.

1 Jean 2:24

Nè sei ɓaa, tà ke ndɔ ke ooi kété mari ke desêin nga, adi urkei kem̂ si’t. Ke nè á tà nè urkei kem̂ si’t ɓaa, sei umi nan’t bɔk se Krist a, se Bɔ’n Nube a tɔ.

1 Jean 3:11

I tári nan. E ke nè á è tà ke d’ede sei kété mari ke desêin d’ade ooi ɓá.

1 Jean 3:2

Kotárge le’m, ɗarinè jèi ngann Nube. Nè táa ke jè táai nan se’n nga, ɗarinè tò nata ndái-ndái lé ɓai. Nè né è bè géa, nyan karé ke jè geri á tò nè: Ndɔ ke Krist à tel kunde loo tee pan ɓaa, j’à tooi táai nan se’n tcha-tcha tede j’à j’an-in nin se kum jéi ndan-ndan kem̂ ndɔn’t nè nga.

1 Jean 3:21

Kotárge le’m, ke nè á ɓengre jéi ile tà dè jéi’t lé ɓaa, jè ndai kem̂ jéi káng non Nube’t.

1 Jean 3:23

Nube unn ndu’n ade jèi le kade j’undei kem̂ jéi dè ri Ngonn’n Jésu-Krist’t a, jè tári nan titeke ndɔ ke Krist unn’n ndu’n ade jèi.

1 Jean 4:1

Kotárge le’m, umi kem̂ si dè ndil tà’t le dooge ke tami edi nè n’awi se Ndil-Kem̂nda nga lé. Nè i nan-in dooge nè nga an-in ké awi se Ndil-Kem̂nda le Nube nga kerɔte kuwe wa? Tede njé tête tà kunde tà Nube’t undei loo teei ngain dè nang nè ɗarinè ta.

1 Jean 4:11

Kotárge le’m, tár ke Nube tár jèi titeke bè nga, gar-gar jèi géa adi jè tári nan titeke bè tɔ.

1 Jean 4:21

Doo ke tár Nube ɓaa, gar-gar à tár ngokon’n tɔ. E ke nè á è ndukunn ke Krist kuwe unn ade jéi kété mari.

1 Jean 4:7

Kotárge le’m, adi jè tári nan tede tár nan nga in ra Nube’t kuwe. Nanan ke tár doo ndul made’n ɓaa, ger Nube a, è Nube kuwe á oje’n a tɔ.