1 Jean 2:5 - Nouveau Testament en Gulay 2004

⁵ Nè doo ke an dè tà le Nube sêw-sêw ɓaa, è tár Nube kerɔte kuwe. Titeke bè á j’à geri titeke j’umi nan’t bɔk se’n.

1 Jean 2:5 ပူးပေါင်းရင်းမြစ်များ

Tà ke Maje ke Luc ndang 11:28

Nè Jésu ile’n dè’t ede nè: – Nè dooge ke ra de à nel de ke get-get nga, è njé ke ooi tà le Nube a, an-in dè sêw-sêw a tɔ.

Jean 14:21

Doo ke aw se ndukunnge le’m an dè de sêw-sêw ɓaa, è nè nga tár’m kerɔte. Nanan ke tár’m ɓaa, Bɔ’m à tár’n tɔ. Nanan ke tár’m ɓaa, man géa m’a m’tár’n a, m’a m’ɔrgir ra’m kade ger’m njai a tɔ.

Jean 14:23

E Jude á deje tà nè m è Judas Iskariot lé. Jésu ile’n dè’t ede nè: – Ke nè á doo karé tár’m ɓaa à an dè tà le’m sêw-sêw a, Bɔ’m à tár’n ngain a tɔ. Jè se Bɔ’m j’à ree rann’t le kur kei le jé kêmn’t a tɔ.

Jean 15:5

Man m’ee kage nduu, sei sei balkum kage nduuge. Doo ke nanm kàde’m ade m’nain se’n a tɔ ɓaa, à ann ɗàk-ɗàk. Ke nè á m’nain se si lé ɓaa, sei asi ra nyan karé bè se dè ra si lé.

Jean 6:56

Doo ke use danra’m a, an-in mese’m a tɔ ɓaa, um se’m nan’t bɔk a, man géa m’um se’n nan’t bɔk a tɔ.

Nje Ke Rome 8:1

Njé ke umi nan’t bɔk se Jésu-Krist nga, ɗarinè tà karé bè géa uwe dè de lé ta.

1 Nje Ke Corinthe 1:30

Nè Nube um sei nan’t bɔk se Jésu-Krist. Jésu Krist nga Nube tel’n ke kumkunju le jéi ke deri. Takul Krist á Nube ɔr’n tà dè jéi’t a, unde’n jèi se ninn’n ke dooge le’n a tɔ. Nube ɔr jèi wont ji tɔgmong’t le majelé takul Krist.

2 Nje Ke Corinthe 5:17

Ke nè á doo karé um nan’t bɔk se Krist ɓaa, è tel è doo-kunde ke kige. Ɓuge nyange ke mari tugei gangi ɓá, an! nyange malang teli ei ke kige.

2 Nje Ke Corinthe 5:21

Krist nga ra majelé karé bè lé, nè Nube tel’n ke danra majelé ke deri tede le jéi. Nube ɔr tà dè jéi’t takul Krist. Takul kum ke j’um nan’t bɔk se Krist á Nube ɔr’n tà dè jéi’t.

Jacques 2:22

I an titeke kundekem̂ le Abraham a, kule ra’n a tɔ nga, asinan deĵ. Kundekem̂ le’n maje ɔr njêt takul kule rannge.

1 Jean 3:24

Doo an dè ndukunnge’t le Nube sêw-sêw ɓaa, è um nan’t bɔk se Nube a, Nube géa um se’n nan’t bɔk a tɔ. Jè ger titeke Nube um se jéi nan’t bɔk takul Ndil-Kem̂nda ke è ade jèi nga.

1 Jean 4:17

Ke nè á tár nan maje ɔr njêt ra jéi’t ɓaa, j’à ndai kem̂ jéi káng ndɔ ke Nube à gang’n tà dè jéi’t. J’à ndai kem̂ jéi káng tede ndikumgajer le jéi dè nang nè táa nan se le Jésu-Krist.

1 Jean 4:18

Ɓel goto kem̂ tár nan’t, nè tár nan ke maje ɔr njêt nga rɔ ɓel unde’n nú. Ke nè á doo ɓel ɓaa, è tede kure nyanra’n ke à ɔde kum’n. Ke nè á doo ɓel ɓaa, tár nan ke maje ɔr njêt goto kem̂n’t ɓai.

1 Jean 5:2

Tár Nube a, kan dè ndukunnge le’n sêw-sêw a tɔ nga è nyan ke tɔje jèi ade jè geri titeke jè tári ngann Nube kerɔte.

1 Jean 5:20

Jè geri titeke Ngonn Nube ree dè nang nè ɓá. E kuwe ade jèi gos nyanger tede kade jè geri Nube ke get-get. J’umi nan’t bɔk se Nube ke get-get nga takul Ngonn’n Jésu-Krist. Jésu-Krist nga è ngarankum Nube a, è njèndi kumgajer sár se non a tɔ.

2 Jean 1:6

Ke nè á jè tári Nube kerɔte ɓaa, ade jè tári nan. E ke nè á è ndukunn le Nube ke ndɔ ke j’ede sei tà’n.

Lookilera’n 12:17

Wong ra dan-kɔbe ngain dè dinye’t. E in aw ile rɔ dè gute ngannkà dinye’t nè nga. Ngannkà dinye nè nga, ei dooge ke ilei koje dè ndukunnge’t le Nube a, dè ngarankum tà ke ndɔ ke Jésu ede de nga a tɔ.

Lookilera’n 14:12

Gir’n ke nè á, maje kade dooge le Nube ke ilei koje dè ndukunnge le’n nga oréi tà de njak dè kunde kem̂ de dè Jésu’t.