1 Jean 2:27 - Nouveau Testament en Gulay 2004

²⁷ Nè sei ɓaa, wubu ke Krist ndum dè si’t nga nain ra si’t ɓai. Gir’n ke nè á sei awi ndoo kade doo karé ndó sei nyange lé ta. Nè Ndil-Kem̂nda le’n ke ade sei nga ndó sei nyange malang. Nyange ke Ndil-Kem̂nda ndó sei nga, ei nyange ke kerɔte m ei tàge ke lanm lé. Bè ɓaa, umi nan’t bɔk se Krist titeke Ndil-Kem̂nda ndó’n sei nga.

1 Jean 2:27 ပူးပေါင်းရင်းမြစ်များ

Matthieu 13:11

Jésu tel ile de dè’t ede nè: – Sei ɓaa, d’ade non si ar ade i geri nyange ke tooi loo ɓɔyɔn’t kêm Konɓee ke danrán. Nè dé ɓaa, d’ade non de ar tite sei lé ɓai.

Jean 14:16

Man m’deje Bɔ’m le kade ade sei njè ra se si ke rang. E nè nga à nain se si sár se non.

Jean 14:17

Njè ra se si ke rang nga è Ndil ke get ke dooge ke dè nang nè asikum kuweii ke ra de’t lé. D’ase kuwe’n ke ra de’t lé tede d’an’n lé a, dé ger’n lé a tɔ. Nè sei ɓaa, i gerii tede è ra ɓee se si a, ndi kêm si’t a tɔ.

Jean 14:26

Ndil-Kêmnda ke njè ra se si ke Bɔ’m à ule’n se ri’m nga à ndó sei nyange malang a, à olé kêm si dè nyange malang ke m’ede sei ɓá nga a tɔ.

Jean 16:13

Loo ke Ndil ke get à ree ɓaa, è à ɔr non si dann ngarankum tà’t bere mbak. E à kin se dè ra’n kede sei tà lé. Nè à ede sei tà nyange ke à oo a, tà nyange ke ndii à reei ɓai a tɔ.

Jean 4:14

Nè doo ke an-in mann ke m’a m’ade’n nga ɓaa, kunde a tel ra’n gugu ndan lé sár. Mann ke m’a m’ade’n nga à tel ngire mann ndikumgajer ke an-in kutch-kutch kêmn’t.

Jean 6:45

Njéribe-dè tàge ke tà Nube’t ndangi tà kêm Magtub’t le’n edi nè: «Nube kuwe á è njèndó dooge malang nyan.» Doo ke rara ke ur mbi’n oo’n tà le Bɔ’m a, inyei ra’n ade ndó’n nyan a tɔ ɓaa, doo nè nga à ree ram’t.

1 Nje Ke Corinthe 2:12

Jèi ɓaa, ndil ke j’ingei nga è ndil ke in ra dooge ke dè nang nè lé, nè è Ndil ke in ra Nube’t tede le kade jè geri nyan-nojege ke Nube ade jèi nga.

1 Nje Ke Corinthe 2:13

Jè tam tà le nyan-nojege nè nga se go nyan-ndó ke ɔje dè ger gos tam tà le dooge ke nang nè karè lé. Nè jè tam tàge nè nga se go nyan ke ndó ke Ndil-Kêmnda á ndó jè. Gir’n ke nè á j’ɔr’n gir nyange le Ndil j’ade njé ke Ndil ndi kêm de’t.

2 Nje Ke Corinthe 1:21

Njè kade jè nda njáng se si nan’t tede le Jésu-Krist nga, è Nube. E è Nube kuwe á tɔr jè ade jè dooge le’n.

Nje Ke Ephese 4:21

Ké nè á ndɔ ke ooi tà le’n kerɔte a, ndɔ ke dé ndó sei nyan se go ngarankumtà ke in ra Jésu’t a tɔ ɓaa,

Nje Ke Colosses 2:6

Titeke sei an-in Jésu-Krist ke Kuwe-ɓee nga ɓaa, i njiyei se go rebe le’n ke è tɔje sei.

1 Nje Ke Thessalonique 2:13

Loo ke ndɔ ke j’ede sei tà le Nube j’ade ooi nga, sei taai dè ɓengre si’t. Sei taai tà nè nga ke tà ke in tà Nube’t kerɔte kuwe m in tà doo’t karè lé. Gir’n ke nè á tà nè nga ra’n kule kem̂ si sei njétaakem̂-Kristge. E ke nè á è gir nyan karé ke rang ke ade jè ra’n oiyo se ndɔ jé-ndɔ jé nal kebe’t.

1 Nje Ke Thessalonique 4:9

Tà ke ɔje dè tár nan le si sei ngakon nange éké kon nann nange ke njétaakem̂-Kristge nga, sei ɓaa awi ndoo kade doo ndang magtub’n ade sei lé ta. Nube ndó sei kuwe tà ke ɔje dè tár nan ade i geri kété ɓá.

1 Timothee 2:7

E tede kɔrgo tà nè á Nube ɔr’m unde’m ke njèkile mber a, ke njèkawkule a tɔ. Man nga Nube ɔr’m unde’m ke njèndó nyan dooge ke ei Juipge lé kade undei kem̂ de dènn’t a, dè ngarankum tà’t a tɔ.

1 Pierre 1:23

Sei nga dé tel d’oje sei kige. Koje ke d’oje sei kige nè nga in ra kà sige ke njékweige lé; dé tel d’oje sei gugu kige takul tà le Nube ke njèndi kumgajer sár se non.

1 Jean 2:28

Oiyo, ngannemge, umi nan’t bɔk se Krist tede kade ndɔ ke à unde loo tee pan ɓaa, jè ndii heb tàkumn’t lé se kem̂nda káng anje rasɔl.

1 Jean 3:24

Doo an dè ndukunnge’t le Nube sêw-sêw ɓaa, è um nan’t bɔk se Nube a, Nube géa um se’n nan’t bɔk a tɔ. Jè ger titeke Nube um se jéi nan’t bɔk takul Ndil-Kem̂nda ke è ade jèi nga.

2 Jean 1:2

Jè tár sei tede ngarankum tà ke urkei kem̂ jéi’t ɗarinè. Ngarankum tà nè nga à nain se jéi sár se non.