1 Jean 2:23 - Nouveau Testament en Gulay 2004

²³ Nanan ke naje se ra’n ede nè Jésu-Krist è Ngonn le Nube lé ɓaa, è naje se ra’n dè Bɔ jéi Nube’t a tɔ. Nanan ke tam ndàt ede nè Jésu è Ngonn Nube kerɔte ɓaa, è um nan’t bɔk se Bɔ jéi Nube nga ɓá ta.

1 Jean 2:23 ပူးပေါင်းရင်းမြစ်များ

Matthieu 11:27

Nyange malang nga Bɔ’m tel’n um jim’t. Doo karé ke ger’m maje ke Ngonn’n goto. Nè Bɔ’m kuwe karé bere á ger’m maje. Doo karé ke ger Bɔ’m maje goto, nè man Ngonn’n kuwe karé á m’ger’n maje. Nanan ke man Ngonn doo m’ribe se’n dè Bɔ’m ɓaa ase le ger’n maje.

Tà ke Maje ke Luc ndang 10:22

Bɔ’m tel se nyan malang um jim’t. Doo karè bè ke ger’m man ke Ngonn’n goto, nè Bɔ’m karè bere á ger’m ke ngonn’n. Doo karé ke ger Bɔ’m goto, nè man Ngonn’n kuwe karé bere á m’ger’n. Doo ke man Ngonn’n kuwe m’ndige ɓita m’a m’ribe se’n dè Bɔ’m kade ger’n ke doo ke bè ɓai.

Jean 10:30

Man se Bɔ’m jè karé.

Jean 16:3

D’a ra titeke bè tede dé ger Bɔ’m lé a, dé ger’m man lé a tɔ.

Jean 17:3

Ndikumgajer se non nga, è le kade dé ger geli i Nube ke get karé bere a, le kade dé ger gel’m man Jésu-Krist ke i ule’m nga a tɔ.

Jean 5:23

Titeke bè á dooge malang à ilei koje dè Ngonnenn’t titeke ilei koje dè Bɔn’t nga tɔ. Doo ke rara ke ile koje dè Ngonn’t nga lé ɓaa, è ile koje dè Bɔ’n ke njèkulenn’t nga lé tɔ.

Jean 8:19

Pharisienge teli deji Jésu edi nè: – Ké Bɔi nga è ra wa? Jésu tel ile de dè’t ede nè: – Sei geri man lé a, Bɔ’m géa i geri nin lé a tɔ. Ke nè á né i geri man ɓaa, ayé geri Bɔ’m nga tɔ.

1 Jean 2:22

Doo ke naje se ra’n ede nè Jésu è Krist lé nga, ké è njè tà lanm lé ɓai wa? Doo ke titeke bè nga, è njè kɔse tà se Krist tede è naje se ra’n dè Bɔ jéi Nube’t a, dè Ngonnenn’t a tɔ.

1 Jean 4:15

Ke nè á doo karé tam ndàt ede nè Jésu è Ngonn Nube ɓaa, Nube um se’n nan’t bɔk a, è géa um nan’t bɔk se Nube a tɔ.

1 Jean 4:2

Nyan ke kade i geri Ndil ke in ra Nube’t á tò nè: Doo ke rara ke tam ndàt ede nè Jésu-Krist ree dè nang nè se danra’n ɓaa, è doo ke Ndil Nube in kem̂n’t kuwe.

1 Jean 5:1

Nanan ke unde kem̂’n dè Jésu’t titeke è Krist ɓaa, doo nè nga è Nube kuwe oje’n. Nanan ke tár Bɔ jéi Nube ɓaa à tár jèi ngannenge nga tɔ.

1 Jean 5:20

Jè geri titeke Ngonn Nube ree dè nang nè ɓá. E kuwe ade jèi gos nyanger tede kade jè geri Nube ke get-get. J’umi nan’t bɔk se Nube ke get-get nga takul Ngonn’n Jésu-Krist. Jésu-Krist nga è ngarankum Nube a, è njèndi kumgajer sár se non a tɔ.