1 Jean 2:20 - Nouveau Testament en Gulay 2004

²⁰ Nè sei ɓaa, sei dooge ke è Krist kuwe ndum wubu dè si’t unde sei gai. Gir’n ke nè á sei malang i geri Nube ke get.

1 Jean 2:20 ပူးပေါင်းရင်းမြစ်များ

Matthieu 13:11

Jésu tel ile de dè’t ede nè: – Sei ɓaa, d’ade non si ar ade i geri nyange ke tooi loo ɓɔyɔn’t kêm Konɓee ke danrán. Nè dé ɓaa, d’ade non de ar tite sei lé ɓai.

Marc 1:24

– Ké usi ri ra jé’t wa? I Jésu ke Nazareth. Ké i ree le tuju jè kɔke ta wa? Man m’geri mbak, i i ke njè maje kɔr njêt le Nube.

Tà ke Maje ke Luc ndang 4:18

– «Ndil Kuwe-ɓee nain se’m. Kuwe-ɓee ɔr’m le kade m’ile mber Tà ke Maje m’ade njéndooge. E ule’m le kade m’ile mber m’ade njé ke tooi dangai’t titeke d’a d’inye de dɔ a, le kade m’ede njékumtɔge titeke d’a tel kan loo gugu a, è ule’m le kade m’ede njé ke dé ra de ndoo titeke Nube à taa de kinye de dɔ ɓai a,

Tà ke Maje ke Luc ndang 4:34

– Hai, Jésu ke Nazareth! Ké usi ri ra jé’t wa? Ké i ree le tuju jè kɔke ta wa? Man m’geri mbak: i i njèkawkule le Nube ke è kuwe ɔri undei se ninn’n gai.

Jean 14:26

Ndil-Kêmnda ke njè ra se si ke Bɔ’m à ule’n se ri’m nga à ndó sei nyange malang a, à olé kêm si dè nyange malang ke m’ede sei ɓá nga a tɔ.

Jean 16:13

Loo ke Ndil ke get à ree ɓaa, è à ɔr non si dann ngarankum tà’t bere mbak. E à kin se dè ra’n kede sei tà lé. Nè à ede sei tà nyange ke à oo a, tà nyange ke ndii à reei ɓai a tɔ.

Nyanra Njekawkulege 10:38

Jésu ke Nazareth ke Nube ule’n nga, Nube ade’n tɔgmong le Ndil-Kêmnda. Jésu aw se loo-loo ra maje se dooge malang a, aje njé ke sú uwe de a tɔ, tede Nube è der gir’n.

Nyanra Njekawkulege 3:14

E ke tò se ninn’n ke njè ra nyan se dè naje’n nga, sei utei nin mbeng, nè njè tɔl dooge tá i deji Pilate kade inye’n dɔ ade sei.

1 Nje Ke Corinthe 2:15

Nè doo ke Ndil Nube ndi kêmn’t ɓaa asekum ter nyan malang ger gir’n. Né è ɓaa, doo karé bè géa asekum kile tà dènn’t lé.

Hebreuge 1:9

I unde nyanra ke se dè naje’n dann kumi’t a, i ɔr nyanra ke se dè naje’n lé nga njêt a tɔ. Hei! Nube, gir’n ke nè á Nube lei ɔri dann njémade loo kawge’t lei ndum’n wubu ranel dèi’t.»

Hebreuge 8:11

Doo karé dann de’t à ndó njè made ɓee le’n éké ngokon’n k’ede nè: Ké i ger Kuwe-ɓee kuwe wa? à goto ta. Dooge malang à geri man kem̂ ndɔn’t nè unn gir dè ngannge ke ndêin bè sár tee’n dè dooge ke bòi’t.

1 Jean 2:27

Nè sei ɓaa, wubu ke Krist ndum dè si’t nga nain ra si’t ɓai. Gir’n ke nè á sei awi ndoo kade doo karé ndó sei nyange lé ta. Nè Ndil-Kem̂nda le’n ke ade sei nga ndó sei nyange malang. Nyange ke Ndil-Kem̂nda ndó sei nga, ei nyange ke kerɔte m ei tàge ke lanm lé. Bè ɓaa, umi nan’t bɔk se Krist titeke Ndil-Kem̂nda ndó’n sei nga.

1 Jean 4:13

Nube ade jèi Ndil’n. Gir’n ke nè á jè geri titeke Nube um se jéi nan’t bɔk a, jèi géa j’umi se’n nan’t bɔk a tɔ.

Jude 1:5

Sei geri nyange nè nga malang ɓá kuwe. Nè né è bè géa, m’ndige kolé kem̂ si dè tà’t nè: Ndɔ ke Kuwe-ɓee Nube ɔr kosdooge le’n kɔke kem̂ ɓeekon ke Egypte aje de nja karé ke ngang’n. Nè go’t gugu, è tuju njé kunn mbi dè tàge’t kɔke ndát-ndát.

Lookilera’n 3:7

Doo ke m’an’n nga tam ede nè: «I ndang magtub ade doo ke danrán ke njèkan dè njékebe nange ke kem̂ ɓee-bò ke Philadelphie. E ke njè tò se ninn’n a, njè tam ngarankum tà a tɔ. E uwe lakêlé le ngar David jinn’t. Ke nè á teen tà rebe ɓaa, doo karé géa asekum kutu gugu lé a, ke nè á utu tà rebe ɓaa, doo karé géa asekum teen gugu lé a tɔ. E tam ede nè:

Lookilera’n 4:8

Nyankundege ke sɔ nè nga awi se bage de mute-mute karé-karé malang, kum de bule ndari-ndari dè bage de’t se gir bage de’t a tɔ. Loo taa kebe le de goto sár. Ndɔɔ a, kada a, ɔsi pa ilei riɓar dè è ke ndi dè kutu-ngar’t edi nè: «Njè tò se ninn’n, njè tò se ninn’n, njè tò se ninn’n nga è Kuwe-ɓee Nube ke Njètɔgmong ke dum dè loo, è ke njè ndi tutu kété mari sár ɗarinè a, ndi à ree sei non a tɔ.»