1 Jean 2:19 - Nouveau Testament en Gulay 2004

¹⁹ Njé kɔse tà se Krist nga in-in dann jéi’t nè kuwe, nè kété géa ei le jéige lé. Gir’n ke nè á undei loo teei dann jéi’t kɔke. Ke nè á né ndɔ ke ei le jéi ɓaa, né à nain-in se jéi. Nè kunde ke undei loo i teei dann jéi’t kɔke nga, ade jè geri njai titeke ei le jéige ndan lé.

1 Jean 2:19 ပူးပေါင်းရင်းမြစ်များ

Matthieu 24:24

Njé tête tà kunde tà Krist’t se njé tête tà kunde tà Nube’t à undei loo teei. A rai nyankɔbege se nyanpindege ke tooi ɓel tede le kade bainléa súii njé ke Nube tɔr de kuwe géa tɔ.

Marc 13:22

Tede njé ra ra de ke Krist se njé ra ra de ke njéribe-dè-tàge ke tà Nube’t à ɔsi nang kin-in. Ei à rai nyankɔbege le kade bainléa libi kum njékêmndage ke Nube tɔr de.

Tà ke Maje ke Luc ndang 8:13

Dooge ke nange taai Tà ke Maje nè nga se ranel. Nè tà nè nga ule ngire’n nang dè ɓengre de’t lé. D’um kêm de dè’t mbɔr nè loo ke nyan unde loo tee nan kundekêm le de ɓaa, ke loon’t nè kuwe dé sure go kundekêm le de d’inye.

Jean 15:2

Balkum nduu ke rara ke ube kàdem’t á ann’n lé ɓaa, d’a tuge’n gang’n kɔke. Nè balkum nduu ke rara ke ann ɓaa, Bɔ’m ra’n náng-náng kade ann ɗàk-ɗàk dum ke kété.

Jean 4:14

Nè doo ke an-in mann ke m’a m’ade’n nga ɓaa, kunde a tel ra’n gugu ndan lé sár. Mann ke m’a m’ade’n nga à tel ngire mann ndikumgajer ke an-in kutch-kutch kêmn’t.

Nyanra Njekawkulege 15:24

Jè j’oo titeke njé ke nange in-in dann jé’t awi bunguli sei se tàge ade tàgirge le si aw yo-yo, nè-nè. Dé dooge nè nga, è jè á j’unn ndu jé j’ade de lé.

Nyanra Njekawkulege 20:30

Man m’ger mbak titeke dooge à in-in dann si sei’t le têti tà tchap-tchap ndɔri njétaakêm-Kristge go de’t.

Nje Ke Rome 9:6

Tà ke tee tà Nube’t nga, Nube ade ra nyan m tò karè lé. Kerɔte kuwe, dooge malang ke in-in girkà’t le Israel nga, ei Israelge ke get mbak lé.

1 Nje Ke Corinthe 11:19

Tà tin nan ke tò dann si’t nga, è nyan ke maje tede kade jè geri ngarankum ngann le Nube ke ndai njáng dè Tà ke Maje’t nga.

2 Timothee 2:10

Gir’n ke nè á m’oré’n tà’m njak dè nyange malang ke tee dèm’t tede le njé ke Nube tɔr de. M’ra titeke bè tede kade dé géa d’inge’n kaje le Jésu-Krist a, se ndubra ke se non a tɔ.

2 Timothee 2:19

Nè né è bè géa, gir nyange ke Nube kuwe unde nga ngiring nang ngiring-ngiring. Gir nyange ke Nube unde nga, è kuwe ndang tàge nè dè’t se ji’n ede nè: «Kuwe-ɓee ger njé ke ei le’n mbak. Nanan ke ede nè n’ee le Kuwe-ɓee ɓaa, gar-gar à ute ra’n mbeng kɔke dè nyanra ke se dè naje’n lé.»

2 Timothee 3:9

D’a d’asekum kaw kum de ke kété-kété lé, tede dooge malang à an-in mbe de titeke ndɔ ke d’an’n mbe Jannès se Jambrès bè tɔ.

Hebreuge 10:39

Dooge ke nange inyei go kundekem̂ le de kɔke awi dann tuju’t. Jèi nga jèi tite de lé. Jèi ɓaa, j’undei kem̂ jéi dè Nube’t tede kaje’n ngarankum ra jéi.

2 Jean 1:7

Njé tam tà lanm sú’n dooge kade ndemi bule ngain undei loo teei ɗarinè ɓá ta. Njé lanmge nè nga mbati tami ndàt titeke Jésu-Krist ree dè nang nè se danra’n. Doo ke tam ndàt ede nè Jésu-Krist ree se danra’n dè nang nè lé nga, è njè tà lanm a, è njè kɔse tà se Krist a tɔ.

Jude 1:1

Man Jude, ɓer kule le Jésu-Krist, man ngokon Jacques. M’ndang magtub nè m’ade njé ke Bɔ jéi Nube ɓar de. Njé ke Bɔ jéi Nube ɓar de nga, ei lennge. E an dè de sêw-sêw takul Jésu-Krist.

Jude 1:19

E dé dooge nè á dé njé tin njétaakem̂-Kristge! Tàgirge le de ei tàgirge ke in-in ra dooge’t m è tàgir ke se go Ndil Nube lé.