1 Jean 2:18 - Nouveau Testament en Gulay 2004

¹⁸ Ngannemge, è dè kàde ke ngeinn’t ta. Sei ooi kété titeke Njè kɔse tà se Krist karé à unde loo tee. Nè ɗarinè nga njé kɔse tà se Kristge ngain ndii undei loo teei ta. Gir’n ke nè á jè geri titeke è kàde ke ngeinn’t nga kuwe ta.

1 Jean 2:18 ပူးပေါင်းရင်းမြစ်များ

Matthieu 24:11

Njé tête tà kunde tà Nube’tge bule à ɔsi nang kin-in le súi dooge bule a tɔ.

Matthieu 24:24

Njé tête tà kunde tà Krist’t se njé tête tà kunde tà Nube’t à undei loo teei. A rai nyankɔbege se nyanpindege ke tooi ɓel tede le kade bainléa súii njé ke Nube tɔr de kuwe géa tɔ.

Matthieu 24:5

Oiyo, dooge bule à unni ri’m le reei kedi nè: «Man nga kuwe m’ee Krist.» D’a tam bè le sú’n dooge bule kade ndemi.

Marc 13:6

Kerɔte kuwe, dooge bule à unni ri’m le tami kedi nè: «Man nga m’ee Krist.» D’a tam bè le sú’n kum dooge bule.

Jean 21:5

Jésu deje de ede nè: – Mademge, ké awi se nyankuse ke rang ji si’t lé wa? Dé tel d’ile’n dè’t d’ede nè: – Ḿ-m̀, nyankuse ke rang goto ji jé’t.

Nje Ke Rome 13:11

I rai titeke bè tede sei geri kêm ndɔ ke jè ndii tutu ɗarinè nga mbak. Kàde kade i ndeli dè ɓi’t ase ɓá. Kété ke ndɔ ke j’undei kêm jéi dè Krist’t nga, kaje è se jéi heb ɓai, nè ɗarinè kaje è se jéi ngɔr ta.

Nje Ke Rome 13:12

Nain ngɔr ɓaa, loo à ar kade kàde à tee. Bè ɓaa, ade j’inyei go kule rage ke majelé ke jè rai dann ndɔɔ ɓaa, jè tulei nyankatege le lookar ra jéi’t.

Hebreuge 1:2

Nè kem̂ ndɔge ke ngeinn’t ɗarinè ɓaa, Nube ade Ngonn kem̂’n kuwe ree ede jèi tàge le’n ade j’ooi. Nube ɔr’n unde’n ke njè kɔi nyan-ndubege malang. E unde nyange se dooge malang takul Ngonn’n nè nga.

1 Pierre 1:20

Krist nga Nube ɔr’n ke njè kuge dè dooge kété mari ke desêin ɓita unde nyange malang ke dè nang nè ɓai. Nè ɗarinè è kile ra’n ke nata kem̂ ndɔge ke ngeinn’t nè tede tà le si.

1 Pierre 1:5

Sei nga tɔgmong le Nube an-in ngang si garar-garar takul kundekem̂ le si. E an-in ngang si titeke bè tede kaje ke è uwe dè nja tede le si nga, nain ngɔr ɓaa à kile ra’n ke nata ndɔ ke ngeinn’t.

1 Pierre 4:7

Ndɔ le ngei nyange malang è ngɔr ta. I njiyei se kumkunju’n a, i ndii kum dè kɔje tà se Nube’t a tɔ.

2 Pierre 2:1

Njé tête tà kunde tà Nube’t nga, ndɔ ke kété undei loo teei dann kosdooge’t ɓá. Ɓila géa njéndó dooge nyan ke lanmge à undei loo teei pan dann si’t titeke bè tɔ. Dé nè nga, d’a d’unn nyan-ndóge ke gai pat kule dann si’t le tuju’n sei. D’ade mbate Ngar Jésu ke njèkuge dè de. Gir’n ke nè á d’a dé ɓar’n tuju kalang d’ile’n dè de’t.

2 Pierre 3:3

Gar-gar, maje kade i geri nyange nè kété ɓita kade ndɔ’n ree ɓai. Njé sɔke looge à undei loo teei le ringei se tà sɔke loo titeke kem̂ de ɔje,

1 Jean 2:22

Doo ke naje se ra’n ede nè Jésu è Krist lé nga, ké è njè tà lanm lé ɓai wa? Doo ke titeke bè nga, è njè kɔse tà se Krist tede è naje se ra’n dè Bɔ jéi Nube’t a, dè Ngonnenn’t a tɔ.

1 Jean 4:1

Kotárge le’m, umi kem̂ si dè ndil tà’t le dooge ke tami edi nè n’awi se Ndil-Kem̂nda nga lé. Nè i nan-in dooge nè nga an-in ké awi se Ndil-Kem̂nda le Nube nga kerɔte kuwe wa? Tede njé tête tà kunde tà Nube’t undei loo teei ngain dè nang nè ɗarinè ta.

1 Jean 4:3

Nè doo ke rara ke tam ndàt ede nè Jésu-Krist ree dè nang nè se danra’n lé ɓaa, è doo ke Ndil Nube goto kem̂n’t. Nè ndil ke kem̂n’t nga, è ndil ke njèkem̂yêr. Sei ooi kété titeke njèkɔse tà se Krist à ree dè nang nè ɓá ta.

2 Jean 1:7

Njé tam tà lanm sú’n dooge kade ndemi bule ngain undei loo teei ɗarinè ɓá ta. Njé lanmge nè nga mbati tami ndàt titeke Jésu-Krist ree dè nang nè se danra’n. Doo ke tam ndàt ede nè Jésu-Krist ree se danra’n dè nang nè lé nga, è njè tà lanm a, è njè kɔse tà se Krist a tɔ.

Jude 1:18

Ndɔ ke edi sei kété edi nè: kem̂ ndɔge ke à reei, njé sɔke looge à undei loo teei le ringei se tà sɔke Nube. Dooge à rai nyange ke majelé titeke kem̂ de ɔje.