1 Jean 2:17 - Nouveau Testament en Gulay 2004

¹⁷ Nang se ngur nyange le’n malang ke ra dooge’t nga ndii à ndɔti kawi. Nè doo ke ra nyan ke kem̂ Nube ndige ɔr son’n njêt ɓaa à ndi kumgajer sár se non kuwe.

1 Jean 2:17 ပူးပေါင်းရင်းမြစ်များ

Matthieu 21:31

Ngannge ke joo nè nga, ké è ke ra ra nyan ke kêm bɔ’n ndige wa? Njékɔr non Juipge teli ilei Jésu dè’t edi nè: – E ke desêin. Jésu ede de ede nè: – Kerɔte kuwe, man m’ede sei ndàt, njétaa tirge se kaiya-dinyege á ei non si’t kété kêm Konɓee’t le Nube.

Matthieu 24:35

Danran se nang nè à gotoi ɓai, nè tàge le’m à teli yai ndan lé sár kade nyange nè malang undei loo teei kété ɓita.

Matthieu 7:21

Nanan ke ɓar’m ede nè: «Ngar, Ngar» karè à ile nja’n kêm konɓee ke danrán lé. Nè nanan ke ra nyan ke kêm Bɔ’m ke danrán ndige ɓita à ile nja’n kêm Konɓee’t le Bɔ’m nga ɓai.

Marc 3:35

Nanan ke ra nyan ke kêm Nube ndige ɓaa, è nè nga è ngokon’m, se kon nann’m a tɔ.

Jean 4:14

Nè doo ke an-in mann ke m’a m’ade’n nga ɓaa, kunde a tel ra’n gugu ndan lé sár. Mann ke m’a m’ade’n nga à tel ngire mann ndikumgajer ke an-in kutch-kutch kêmn’t.

Jean 6:58

An-in! mapa ke in danrán: Mapa nè nga è tite è ke ndɔ ke kà sige ke weii usei kété nga lé. Nè doo ke use mapa nè nga ɓaa à ndi kumgajer se non.

Jean 7:17

Ke nè á doo karé ndige ra nyan ke kêm njèkule’m Nube ndige ɓaa, à ger tite nyan-ndó nè nga in ra Nube’t. E man kuwe á m’in se dè’m m’ndó nyan dooge lé.

Nje Ke Rome 12:2

Umi nan’t lêtêt se dooge ke ndii dè nang nè ɗarinè nga lé. Nè inyei Nube adi tel sei ke dooge ke kige a, ade ade sei tàgir ke kige a tɔ. Titeke bè á a i teri nyan ke maje ke kêm Nube ndige a, nyan ke maje ɔr njêt ke à taa kum’n ɗekm a tɔ.

1 Nje Ke Corinthe 7:31

Maje kade njé ke ndii ubei maje nyange ke dè nang nè ɗarinè, teli ndii asinan se dooge ke kété ubei maje lé bè. Dè nang nè titeke sei kuwe an-in nga à aw mbɔr ngain lé ta.

Nje Ke Colosses 1:9

Gir’n ke nè á jè géa, unn gir kem̂ ndɔn’t ke tà’n oso’n mbi jé’t nga, ndɔ karé bè géa j’ebe ra jé kɔje tà se Nube tede le si lé. Jè deje’n le kade ade kum si gang dè nyan ke kem̂’n ndige’t a, taɓai jè deje’n le kade Ndil-Kem̂nda ade sei kumkunju se gos ter nyan ke deri taa ra si pel-pel.

Nje Ke Colosses 4:12

Epaphras, doo ke ɓee le si nú ra sei lapya. E ɓer kule le Nube ke ndi ra rɔ se ndɔge malang tede le si loo kɔje tà’t le’n se Nube. E ra titeke bè kade i ndai dè nja si’t njáng a, i maji ɔri njêt a, i geri nyan malang ke kem̂ Nube ndige a tɔ.

1 Nje Ke Thessalonique 4:3

Nyan ke taa kum Nube nga è le kade ra si unju nyang-nyang a, le kade ɔgi ra si dè tò se nan ke kaiya’t a tɔ.

1 Nje Ke Thessalonique 5:18

I rai Nube oiyo dè nyange’t malang. E á è nyan ke Nube ndige le kade sei ke umi nan’t bɔk se Jésu-Krist i rai.

Hebreuge 10:36

Sei awi ndoo korè tà njak tede le ra’n nyan ke kem̂ Nube ndige kɔr son’n njêt. Titeke bè á a ingei nyan ke ndɔ ke Nube unn’n ndu’n le kade sei nga.

Jacques 4:14

Nè sei geri nyan karé bè ke à tee dè si’t barè nga lé. Ké ndikumgajer le si nga è nyan ri wa? Sei i tooi tite kundu mann ke tee, nè mbɔr ɓaa sanrin sakte bè.

1 Pierre 1:5

Sei nga tɔgmong le Nube an-in ngang si garar-garar takul kundekem̂ le si. E an-in ngang si titeke bè tede kaje ke è uwe dè nja tede le si nga, nain ngɔr ɓaa à kile ra’n ke nata ndɔ ke ngeinn’t.

1 Pierre 4:2

E ebe ra’n dè ra majelé tede le ra nyange ke kem̂ dooge ndige nga ndan lé, nè le ra nyan ke kem̂ Nube á ndige loo ke è ndii’n kumgajer dè nang nè ɓai.