1 Jean 2:16 - Nouveau Testament en Gulay 2004

¹⁶ Nyange malang ke ei le nang nè nga á tooi nè: Kem̂kein le danra a, ngur kinge nyange malang ke kum jéi an a, ti ra ke ɔje dè nyankingege ke dè nang nè a tɔ nga, in-in ra Bɔ jéi Nube’t lé, nè ei in-in dè nang nè.

1 Jean 2:16 ပူးပေါင်းရင်းမြစ်များ

Matthieu 4:8

Go’t gugu sú ɔr’n aw se’n dè mbal ke ngal lêng-lêng tɔje’n ɓeekonge malang ke dè nang nè se nyan-majege le de ke mbirin-mbin,

Matthieu 5:28

Nè man m’ede sei, nanan ke an dinye ke rang á ndinge’n ɓaa, nganrankêm’n tò se’n ɓá ta.

Tà ke Maje ke Luc ndang 4:5

Taɓai njè sú dooge ree ɔr’n aw se’n dɔ mbeng ɓaa, ke loon’t nè kuwe, è tɔje’n ɓeekonge malang ke dè nang nè ede nè:

Nje Ke Rome 13:14

Nè i teli i ndaji kum Kuwe-ɓee Jésu-Krist. Inyei ra si adi ngur nyange le danra ndɔr sei aw se si loo nyanra ke majelé’t lé ta.

1 Nje Ke Corinthe 10:6

Nyange ke teei dè de’t nè nga ei nyan-tɔjege tede kade j’ebi ra jéi dè ngur nyange ke majelé ke ndɔ ke rai kà jéige kété nga.

Nje Ke Galatie 5:17

Tede ngur nyange ke majelé le danra ute ngur nyange le Ndil-Kem̂nda mbeng a, ngur nyange le Ndil-Kem̂nda ute ngur nyange ke majelé le danra mbeng a tɔ. Gir’n ke nè á sei asikum rai nyange ke kem̂ si ndige nga se ndɔ’n-ndɔ’n lé.

Nje Ke Galatie 5:24

Dooge ke umi nan’t bɔk se Jésu-Krist nga, uwei danra se ngur nyange le’n ke majelé ɓerii kade kage-ke-dese’t.

Nje Ke Ephese 2:3

Ngann njé dum nange nè nga, kété mari jèi malang jèi dann de’t. Kété jè njiyei se go ngur nyange le danra jéi a, jèi rai nyange se go kem̂ndige le danra a, se go tàgirge le jéi a tɔ. Jèi géa, kété se go girkoje le jéi ɓaa wong le Nube nain dè jéi’t tite gute dooge ke rang bè tɔ.

Tite 2:12

Kem̂noje le Nube nè nga ndó jèi loo mbate nyange ke uwe made nan se le Nube lé a, se ngur nyange ke ɔje dè dè nang nè a tɔ. Nè kem̂noje nè nga ndó jèi rebe kunde kumkunju dè ra’t dann dooge ke ndii dè nang nè ɗarinè. Kem̂noje le Nube nga ndó jèi nyanra ke se dè naje’n ke uwe made nan se kile koje dè Nube’t.

Tite 3:3

Jè géa, kété jè njé kem̂ tɔ kuju tà lége, njé dum nange tà Nube’t a, njé ndemge a tɔ. Jè nga kété jè ɓerge le ngur nyange ke gai-gai a, jè njé ra majelége se njé kem̂keinge a, jè njé kɔr nan njêtge a tɔ.

Jacques 3:15

Kerɔte kuwe, kumkunju nè nga è kumkunju ke in danrán lé. Kumkunju nè nga è kumkunju ke in ra doo ke dè nang nè a, in ra njè kem̂ majelé’t a tɔ.

Jacques 4:16

Nè ɗarinè, sei kuwe in-in se dè si ɔji rebe nyange le si undei kàde si. Kunde kàde ke titeke bè nga majelé.

1 Pierre 1:14

Ilei koje dè Nube’t. Inyei go nyanrage ke majelé ke kété i rai loo ke ndɔ ke i geri Krist lé ɓai nga kɔke ta.

1 Pierre 2:11

Kotárge le’m, sei tooi asinan se njé nanmge a, se mbage ke ndii dè nang nè. M’ndeje sei kade ɔgi ra si dè ngur nyange le danra ke ndi à rɔ se ngarankum ra si.

2 Pierre 2:10

Dooge ke ulei ra de mbiriri dann ngur nyange ke majelé le danra nga minei tanm-tanm tàkum Nube’t. E dé nè kuwe mbain á Nube à gangtà dè de’t. Dé dooge ke njé nede tɔgmong le Nube. Dé njé tà turge ke d’an ra de ke dooge ke asi. Dooge ke danrán ke ndubra le Nube gan dè de wak nga géa, dé d’ile koje dè de’t lé a, dé taje de a tɔ.

2 Pierre 2:18

Njé tête tà kunde tà Nube’t nè nga leŝi dooge ke nange ilei de dann ngur nyange ke pás-pàs se tàge ke raikarè ke oji nan tà de’t pɔt-pɔt. Njé ke dé leŝe de d’ile de dann ngur nyange ke pás-pàs nè nga, ei dooge ke ɔri ra de dann njé ndemge’t ngɔr nè ɓai.