1 Jean 2:14 - Nouveau Testament en Gulay 2004

¹⁴ Sei ngannge, m’ndang magtub nè m’ade sei tede sei geri Bɔ jéi nga ɓá. Sei bɔ ngannge, m’ndang magtub nè m’ade sei tede sei geri è ke ndi tutu kété mari ke desêin nga ɓá. Sei basa dooge, m’ndang magtub nè m’ade sei tede sei nga sei dooge ke tɔg si tò mar ɓai a, tà le Nube urkei kem̂ si’t ade i têti rɔ njè kem̂ majelé a tɔ.

1 Jean 2:14 ပူးပေါင်းရင်းမြစ်များ

Jean 15:7

Ke nè á i nanmi kàdem’t a, tàge le’m urkei kêm si’t a tɔ ɓaa, nyan ke sei ndigi á i deji nga a ingei.

Jean 5:38

Tà le’n urkei kêm si’t lé tede sei umi kêm si dè è ke ulenn’t nga lé.

Jean 8:31

Jésu ede Juipge ke undei kêm de dènn’t ede nè: – Ke nè á sei nain-in dann tà’t le’m ɓaa, sei njékuwe-girmge kerɔte kuwe.

Jean 8:37

Sei ngannkà Abraham ade m’ger kuwe. Nè i sangi le kade dé tɔl’m tede tà le’m ke urkei kêm si’t lé.

Nje Ke Ephese 6:10

I ndai dingem dè kum nan’t bɔk se Kuwe-ɓee se go tɔgmong le’n m le si lé.

Nje Ke Philippes 4:13

M’asekum ra nyange nè malang takul Krist tede è ade’m tɔge’m.

Nje Ke Colosses 1:11

Jè deje Nube kade ule dingem kem̂ si’t se go tɔgmong le ndubra le’n. Titeke bè á sei a koréi tà si njak a, a kilei kem̂ si pon dè nyange malang ke ra sei nga.

Nje Ke Colosses 3:16

Maje kade tà le Krist urkei kem̂ si’t bàj-bàj a, ade sei kumkunju ke deri tede kade i ndóii nan nyan a, i tɔji nan nyan a tɔ. Ɔsi page i rai oiyo se ngarankem̂ si bere mbak. Ɔsi page ke Ndil á ule tà si’t i piti Nube tede kem̂-maje le’n.

2 Timothee 2:1

Ngonn’m, i ɓaa, uwe rai mong dè kem̂noje ke in ra Jésu-Krist’t nga.

Hebreuge 8:10

Kuwe-ɓee tel tam ede nè: An! kem̂ ndɔge ke à reei non nga, m’a m’mann ra’m kade kosdooge ke Israel. M’a m’ule gute-ndumge dann tàgirge’t le de a, m’a m’ndang gute-ndumge dè ɓengre de’t a tɔ. Man m’a m’ee Nube le de a, d’a dé kosdooge le’m a tɔ.

1 Jean 1:1

Jè ndang magtub j’ede’n sei tà ke ɔje dè ndikumgajer ke ndi tutu kété mari ke desêin. Tà ke ɔje dè ndikumgajer nè nga, ndɔ ke kété j’oo tà le’n a, j’an’n se kum jé a tɔ. Tà nè nga, ndɔ ke kété jè jè ter’n j’an’n mbiri-mbiri a, jè manm’n se ji jé j’an a tɔ.

1 Jean 1:10

Ke nè á jè tam j’ede nè jè ra kaiya lé ɓaa, jè ra Nube ke njè tà lanm a, tà le’n urkei kem̂ jé’t lé a tɔ.

1 Jean 2:13

Sei bɔ ngannge, m’ndang magtub nè m’ade sei tede sei geri è ke ndi tutu kété mari ke desêin nga ɓá ta. Sei basa dooge, m’ndang magtub nè m’ade sei tede sei têti rɔ njè kem̂ majelé nga ɓá.

2 Jean 1:2

Jè tár sei tede ngarankum tà ke urkei kem̂ jéi’t ɗarinè. Ngarankum tà nè nga à nain se jéi sár se non.

3 Jean 1:3

Ra’m nel’m ke dum tede njétaakem̂-Kristge ke nange reei edi man titeke i liger lagr-lagr dè ngarankum tà’t nga ɓai. Taɓai, ei edi man titeke i njiye se go ngarankum tà nè nga ɓai a tɔ.

Lookilera’n 2:3

M’ger titeke i nda dè njai’t njáng a, oré tài njak dè nyankem̂konge ke ndɔ ke rai tede tà le’m a tɔ. Nè kem̂i tête mann lé.

Lookilera’n 2:7

Nanan ke ka mbi’n tò tutu ɓaa, maje kade ur mbi’n oo’n tà ke Ndil ede njékebe nange le Nube. Dooge ke têti rɔ ɓaa, m’a made de kann kage ndikumgajer ke tò loo ke maje’t le Nube kade usei.»