1 Jean 2:13 - Nouveau Testament en Gulay 2004

¹³ Sei bɔ ngannge, m’ndang magtub nè m’ade sei tede sei geri è ke ndi tutu kété mari ke desêin nga ɓá ta. Sei basa dooge, m’ndang magtub nè m’ade sei tede sei têti rɔ njè kem̂ majelé nga ɓá.

1 Jean 2:13 ပူးပေါင်းရင်းမြစ်များ

Matthieu 11:27

Nyange malang nga Bɔ’m tel’n um jim’t. Doo karé ke ger’m maje ke Ngonn’n goto. Nè Bɔ’m kuwe karé bere á ger’m maje. Doo karé ke ger Bɔ’m maje goto, nè man Ngonn’n kuwe karé á m’ger’n maje. Nanan ke man Ngonn doo m’ribe se’n dè Bɔ’m ɓaa ase le ger’n maje.

Matthieu 13:19

Loo ke doo oo tà ke ɔje dè Konɓee le Nube nè ger gir tà nè nga lé ɓaa, njèkêmyêr ree ɔr tà ke dé dubu dè ɓengrenn’t nga wont kɔke. Doo nè nga tò asenan se njar ko ke dubu ngang rebe’t bè.

Matthieu 13:38

Ndɔr nga è dè nang nè. Njar ko ke maje nga, è njé ke ndigi le kade Nube on ɓee dè de’t. Jer nga è njé ke ndigi le kade njèkêm majelé on ɓee dè de’t.

Matthieu 5:37

Ke nè á tà le si è oiyo ɓaa, è oiyo. Ke nè á tà le si è ḿ-m̀ ɓaa, i tami go karé edi nè ḿ-m̀. Tà ke rang ke i tami ilei dè made’t nga in ra njèkêmyêr’t.

Tà ke Maje ke Luc ndang 10:22

Bɔ’m tel se nyan malang um jim’t. Doo karè bè ke ger’m man ke Ngonn’n goto, nè Bɔ’m karè bere á ger’m ke ngonn’n. Doo karé ke ger Bɔ’m goto, nè man Ngonn’n kuwe karé bere á m’ger’n. Doo ke man Ngonn’n kuwe m’ndige ɓita m’a m’ribe se’n dè Bɔ’m kade ger’n ke doo ke bè ɓai.

Jean 14:7

Ke nè á i geri man ɓaa a i geri Bɔ’m tɔ. Unn gir ɗarinè sei geri nin ɓá a, sei an-in nin ɓá a tɔ.

Jean 14:9

Jésu tel ile Philippe dè’t ede nè: – Philippe, man ke m’ndi se si nan’t mari bere nè kuwe i ger’m lé ɓai wa? Doo ke an’m ɓaa, an Bɔ’m tɔ. A ɓaa, ké bain taɓai á i tam se’m ede nè: «I tɔje jè Bɔi wa?»

Jean 16:3

D’a ra titeke bè tede dé ger Bɔ’m lé a, dé ger’m man lé a tɔ.

Jean 16:33

Man m’ede sei tàge nè nga titeke bè tede kade ingei kêmlom umi se’m nan’t bɔk. A ingei nyantosowur dè nang nè kuwe, nè oréi tà si njak tede man nga m’tête rɔ njé ke dè nang nè ɓá ta.

Jean 17:21

Bɔ’m, m’ɔje sei tà le kade dé malang d’um se jé nan’t bɔk titeke i Bɔ’m um’n se’m nan’t bɔk a, man géa m’um’n sei nan’t bɔk a tɔ. Maje kade dé malang d’um nan’t bɔk tede kade dooge ke dè nang nè geri titeke è i kuwe á ule’m.

Jean 17:3

Ndikumgajer se non nga, è le kade dé ger geli i Nube ke get karé bere a, le kade dé ger gel’m man Jésu-Krist ke i ule’m nga a tɔ.

Jean 8:19

Pharisienge teli deji Jésu edi nè: – Ké Bɔi nga è ra wa? Jésu tel ile de dè’t ede nè: – Sei geri man lé a, Bɔ’m géa i geri nin lé a tɔ. Ke nè á né i geri man ɓaa, ayé geri Bɔ’m nga tɔ.

2 Nje Ke Corinthe 4:6

Kété mari, Nube tam ede nè : «Maje kade lookar ndogó dann tilkusge’t!» E Nube nè nga kuwe á ade lookar ndogó dè ɓengre jé’t tede kade jè ribe’n dè ger-gel ndubra le Nube tàkum Kuwe-ɓee Jésu-Krist’t.

1 Timothee 5:1

In se bɔ dingem i ndáng’n ɓej-ɓej lé, nè i ndeje’n tite bɔi bè. I ndeje basa titeke i ndeje’n ngakoinge bè.

Tite 2:6

I ndeje basage le kade undei kumkunju dè ra de’t ɔje dè nyan malang.

1 Jean 1:1

Jè ndang magtub j’ede’n sei tà ke ɔje dè ndikumgajer ke ndi tutu kété mari ke desêin. Tà ke ɔje dè ndikumgajer nè nga, ndɔ ke kété j’oo tà le’n a, j’an’n se kum jé a tɔ. Tà nè nga, ndɔ ke kété jè jè ter’n j’an’n mbiri-mbiri a, jè manm’n se ji jé j’an a tɔ.

1 Jean 2:1

Ngannemge, m’ndang tà nyange nè m’ade sei tede kade i rai majelé kum si ke kété lé. Ke nè á doo karé ra majelé ɓaa, njè ra rebe tà le jéi ndi ra Bɔ jéi’t non ɓá ta. Njè ra rebe tà le jéi è Jésu-Krist ke Njè ra nyan se dè naje’n.

1 Jean 2:12

Ngannemge, m’ndang magtub nè m’ade sei tede kem̂ Nube tin mbit dè majelége’t le si ɓá ta takul ri Jésu-Krist ke undei kem̂ si dènn’t nga.

1 Jean 2:14

Sei ngannge, m’ndang magtub nè m’ade sei tede sei geri Bɔ jéi nga ɓá. Sei bɔ ngannge, m’ndang magtub nè m’ade sei tede sei geri è ke ndi tutu kété mari ke desêin nga ɓá. Sei basa dooge, m’ndang magtub nè m’ade sei tede sei nga sei dooge ke tɔg si tò mar ɓai a, tà le Nube urkei kem̂ si’t ade i têti rɔ njè kem̂ majelé a tɔ.

1 Jean 3:12

Ade jèi tite Cain bè lé. Cain nga ndo ke è doo le njè kem̂ majelé. Gir’n ke nè á ndɔ ke uje’n kɔbe ngokon’n. Ké ri á è gir kade ndɔ ke uje’n kɔbe ngokon’n wa? E uje kɔbe ngokon’n tede nyanra’n ke majelé, nè nyanra ngokon’n á è se dè naje’n.

1 Jean 4:4

Ngannemge, sei têti rɔ njétête tà kunde tà Nube’t tede k’ee ke sei lennge a, tede Ndil le’n ke ndi kem̂ si’t a tɔ. Ndil Nube ke ndi kem̂ si’t nga á tɔg’n dum dè le njè kem̂ majelé ke ndi kem̂ dooge ke dè nang nè.

1 Jean 5:18

Jè ger mbak titeke nanan ke Nube kuwe oje’n nga à ra kaiya se ndɔ’n-ndɔ’n lé. Nanan ke Nube kuwe oje’n ɓaa à ngonm ra’n è kuwe sêw-sêw. Njè kem̂ majelé asekum tee rann’t lé.

1 Jean 5:20

Jè geri titeke Ngonn Nube ree dè nang nè ɓá. E kuwe ade jèi gos nyanger tede kade jè geri Nube ke get-get. J’umi nan’t bɔk se Nube ke get-get nga takul Ngonn’n Jésu-Krist. Jésu-Krist nga è ngarankum Nube a, è njèndi kumgajer sár se non a tɔ.

Lookilera’n 12:11

Ngakon jéige têti rɔ njè kile tà dè de’t nga takul mese Ngonn bate a, takul tà le Krist ke ɔri go edi dooge a tɔ. Ngakon jéige nè nga ndêti ra de adi yo lé.

Lookilera’n 2:7

Nanan ke ka mbi’n tò tutu ɓaa, maje kade ur mbi’n oo’n tà ke Ndil ede njékebe nange le Nube. Dooge ke têti rɔ ɓaa, m’a made de kann kage ndikumgajer ke tò loo ke maje’t le Nube kade usei.»