1 Jean 2:12 - Nouveau Testament en Gulay 2004

¹² Ngannemge, m’ndang magtub nè m’ade sei tede kem̂ Nube tin mbit dè majelége’t le si ɓá ta takul ri Jésu-Krist ke undei kem̂ si dènn’t nga.

1 Jean 2:12 ပူးပေါင်းရင်းမြစ်များ

Tà ke Maje ke Luc ndang 24:47

Tà ke ɔje dè tur hal se tà ke ɔje dè kêm tin mbit dè kaiyage’t nga, gar-gar d’a d’ile’n mber se ri’m kade girkoje dooge gai-gai. Tà nè nga d’a d’unn gir kile’n mber kêm ɓee ke Jérusalem kété ɓita d’a kaw’n ke nata ɓai.

Tà ke Maje ke Luc ndang 5:20

Loo ke Jésu an kunde ke dingemge nè undei kêm de dènn’t titeke bè ɓaa, è ede njèratur nè nga ede nè: – Man m’edi ndàt titeke kêm Nube tin mbit dè kaiyage’t lei ɓá.

Nyanra Njekawkulege 10:43

E è kuwe á njéribe-dè-tàge ke tà Nube’t malang tami tà ɔji dè’n edi nè: «Nanan ke unde kêm’n dè Jésu’t ɓaa à inge kêm tin mbit dè kaiyage’t le’n takul ri Krist.»

Nyanra Njekawkulege 13:38

Ngakonmge, maje kade i geri tà ke j’ede sei nè nga maje: gute-ndu le Moise asekum kɔr tà dè si’t ndan lé. Nè ɓila j’ile mber kêm tin mbit dè kaiya’t j’ade sei takul Jésu nga.

Nyanra Njekawkulege 4:12

Doo karé ke rang ke kaje à in rann’t goto. Gar-gar ri doo karé ke rang dann dooge ke danrán éké ke dè nang nè ke j’asekum kinge kaje se takul’n goto.

1 Nje Ke Corinthe 6:11

Njé ke nange dann si’t kété ei njé ra nyange nè nga tɔ. Nè ɗarinè Nube le jéi togo se-kaiya le si ɔr ndát-ndát. E unde sei se ninn’n ade sei dooge le’n a, è ɔr tà dè si’t se ri Kuwe-ɓee Jésu-Krist a, se ri Ndil-Kêmnda a tɔ.

Nje Ke Ephese 1:7

Takul Krist ke wei ade mese’n an-in nang á j’ingei nyankuge dè jéi ɓee ɓer’t a, Nube ade kem̂’n tin’n mbit dè kaiyage’t le jéi a tɔ. E kem̂noje ke bò ke gar’n goto á Nube uwe se jéi!

Nje Ke Ephese 4:32

I rai kem̂-maje se nan a, i rai kem̂kanm se nan a, adi kem̂ si tin mbit dè nan’t titeke Nube ade kem̂’n tin’n mbit dè si’t takul Krist.

Nje Ke Colosses 1:14

Takul ngonn’n nè nga á j’ingei nyan gang dè jéi a, j’ingei kem̂ tin mbit dè kaiyage’t le jéi a tɔ.

1 Jean 1:4

Jè ndang tà nyange nè nga j’ade sei tede kade dè ranel le jéi ɔr’n njêt.

1 Jean 1:7

Ke nè á jè njiyei dann lookar’t titeke Nube ndii’n dann lookar’t nga bè ɓaa, j’umi nan’t bɔk a, mese Ngonn’n Jésu-Krist togo kaiya le jéi bere mbak ndát-ndát ɔr kɔke.

1 Jean 1:9

Nube à inye go ndukunnge le’n lé. E njè ra nyan se dè naje’n. Ke nè á j’ɔri gir majelége le jéi ke nata ɓaa, è à ade kem̂’n à tin mbit dè majelége’t le jèi. Nube à inye go nyanrage ke se dè naje’n lé le jèi nga bere mbak kɔke.

1 Jean 2:1

Ngannemge, m’ndang tà nyange nè m’ade sei tede kade i rai majelé kum si ke kété lé. Ke nè á doo karé ra majelé ɓaa, njè ra rebe tà le jéi ndi ra Bɔ jéi’t non ɓá ta. Njè ra rebe tà le jéi è Jésu-Krist ke Njè ra nyan se dè naje’n.

1 Jean 2:21

M’ndang magtub nè m’ade sei tede ger ke i geri ngarankum tà lé lé. Nè m’ndang magtub nè m’ade sei tede ger ke i geri ngarankum tà a, i geri titeke tà lanm karé bè géa in ra ngarankum tà’t lé a tɔ.

1 Jean 2:7

Kotárge le’m, ndukunn ke m’ndang m’ade sei nè nga, è ke kige lé, nè è ke mari ke sei ingei kété mari ke desêin nga kuwe. Ndukunn ke mari nè nga, è tà ke sei ooi kété ɓá ta.