1 Jean 2:1 - Nouveau Testament en Gulay 2004

¹ Ngannemge, m’ndang tà nyange nè m’ade sei tede kade i rai majelé kum si ke kété lé. Ke nè á doo karé ra majelé ɓaa, njè ra rebe tà le jéi ndi ra Bɔ jéi’t non ɓá ta. Njè ra rebe tà le jéi è Jésu-Krist ke Njè ra nyan se dè naje’n.

1 Jean 2:1 ပူးပေါင်းရင်းမြစ်များ

Tà ke Maje ke Luc ndang 10:22

Bɔ’m tel se nyan malang um jim’t. Doo karè bè ke ger’m man ke Ngonn’n goto, nè Bɔ’m karè bere á ger’m ke ngonn’n. Doo karé ke ger Bɔ’m goto, nè man Ngonn’n kuwe karé bere á m’ger’n. Doo ke man Ngonn’n kuwe m’ndige ɓita m’a m’ribe se’n dè Bɔ’m kade ger’n ke doo ke bè ɓai.

Jean 10:15

Bɔ’m ger’m tede man géa m’ger’n a tɔ. Gir’n ke nè m’ile’n ra’m kɔke tede le batege le’m.

Jean 13:33

Jésu ede njékuwe-girnge ede nè: – Ngannemge, m’a m’nain se si dè nang nè mbɔr ɓai. Ndɔn’t a i sangi man par-par. Ndɔ ke m’ede Juipge kété m’ede nè: Loo ke m’ndi m’aw ke tutu nga, sei asi kawi tutu lé. Sei géa, ɗarinè m’ede sei tà nè nga titeke bè tɔ.

Jean 14:16

Man m’deje Bɔ’m le kade ade sei njè ra se si ke rang. E nè nga à nain se si sár se non.

Jean 14:6

Jésu ile Thomas dè’t ede nè: – Man nga m’ee rebe, man nga m’ee ngarankum tà a, m’a nga m’ee ndikumgajer a tɔ. Doo ke unn rebe ke ram’t lé ɓaa à tee ra Bɔm’t ndan lé.

Jean 21:5

Jésu deje de ede nè: – Mademge, ké awi se nyankuse ke rang ji si’t lé wa? Dé tel d’ile’n dè’t d’ede nè: – Ḿ-m̀, nyankuse ke rang goto ji jé’t.

Jean 5:14

Ndɔ ke rang, Jesu inge dingem nè nga kêm kei le Nube. E ede’n ede nè: – An! ratur ɔr dèi’t ade rai tel mong maj-maj ɓá ta. I ra kaiya kumi ke kété-kété lé ta, nè bainléa nyan ke tur ngain dum dè ratur nè à rai ɓai.

Jean 5:36

Nè man m’aw se njèkɔrgo tà ke bòi dum Jean. Tede kule ke Bɔ’m ade m’ra m’ɔr son’n nga ɔrgo tà le’m titeke Bɔ’m kuwe ule’m.

Jean 6:27

I rai kule tede nyankuse ke dè’n à ngei karè nga lé. Nè i rai kule tede nyankuse ke à tò sár-sár se non. Nyankuse ke à tò sár se non nga, è Ngonn doo á à ade sei, tede Ngonn doo nga nyankorji le Nube Bɔ dooge tò rann’t.

Jean 8:11

Dinye nè ile jésu dè’t ede nè: – Kuwe-ɓee, doo goto. Nè Jésu tel ede’n ede nè: – Man kuwe géa m’ile tà dèi’t lé tɔ. Ɔte aw loo lei. Nè unn gir’n ɗarinè ɓaa, i ra majelé kumi ke kété lé ta.]

Nyanra Njekawkulege 7:52

Ké njèribe-dè-tà ke ra dann madennge’t á kà sige nali rai kum’n ndoo wa? Ei tɔli njé ke kété ilei mber ree le njè ra nyan se dè naje’n ke karé luk-luk. E nga ɗarinè sei teli sei njé kunn dènnge se njé tɔlnge.

Nje Ke Rome 5:10

Kerɔte kuwe, kété jéi njébange le Nube. Nè ɗarinè, Nube um jéi nan’t se’n takul kwei le Ngonn’n. Ke nè á j’um nan’t se Nube ɓá ɓaa, Nube à aje jéi takul ndikumgajer le Ngonn’n nga tɔ.

Nje Ke Rome 6:15

Ké ri á j’à rai wa? Ké j’à rai majelé ke kété-kété tede ndi ke jè ndi gir noje’t m gir gute-ndu’t lé nga wa? Ḿ-m̀, è bè lé!

Nje Ke Rome 8:34

Dooge ke Nube kuwe tɔr de a, ɔr tà dè de’t a tɔ nga, ké nan ase gangtà dè de’t wa? Doo karé bè ke ase gangtà dè de’t goto, tede Jésu-Krist wei tede tà le de. Jésu-Krist ke wei tede tà le de nga, è unde loo tee dann njé ke koo’t. Taɓai è aw ndi dè jikon Núbe’t à ra rebe tà le jéi.

1 Nje Ke Corinthe 15:34

Adi tàgir le si gang tchat. E ke nè á è nyan ke sêw ke kum ra. Ebi ra si ra majelé se ndɔge malang. Kerɔte kuwe, njé ke nange dann si’t geri Nube lé. M’tam bè m’ile’n rasɔl dè si’t.

2 Nje Ke Corinthe 5:21

Krist nga ra majelé karé bè lé, nè Nube tel’n ke danra majelé ke deri tede le jéi. Nube ɔr tà dè jéi’t takul Krist. Takul kum ke j’um nan’t bɔk se Krist á Nube ɔr’n tà dè jéi’t.

Nje Ke Galatie 4:19

Ngannemge, koje ke m’oje sei nga, ndo le si ule’m ndibe asenan se dinye ke à oje ngonn bè. Ndo le si nè nga à ule’m ndibe titeke bè sár kade i teli i taai nan se Krist tcha-tcha.

Nje Ke Ephese 2:18

Oiyo, è se takul Krist á jè Juipge a, sei a tɔ, jèi malang j’ingei tà rebe kaw ra Bɔ jéi’t kem̂ Ndil ke karé bere’t nga.

Nje Ke Ephese 4:26

Ke nè á wong ra sei ɓaa, an-in tá nè a kin-in rai majelé. Maje kade ebi’t ra wong pa ɓita adi kàde ur ɓai.

1 Timothee 2:5

Nube è karé bere luk-luk, njè nda dann Nube’t se dooge géa è karé bere luk-luk a tɔ. Doo nè nga è Jésu-Krist.

1 Timothee 3:14

M’ndang tà nyange nè m’adi tede m’unde kem̂’m tchên le kaw kingei nú ngɔr.

Hebreuge 9:24

Kei ke tò se ninn’n ke dooge rai nga è til ngarankum kei ke tò se ninn’n. E kei ke tò se ninn’n ke dooge rai nè á Krist aw kem̂é lé. Nè è kem̂ danran’t nú ra Nube’t á è ndi ra rebe tà le jéi ɗarinè.

Jacques 1:27

Tɔse kum dè ngann halge’t se njékei-kingege dè nyantosowurge’t le de a, kan go ra sêw-sêw dè nyange ke mine ke dè nang nè a tɔ, è ngarankum ger Nube ke taa kum Bɔ jéi Nube.

Jacques 3:9

Ndon jéi á jè ɗɔyi Kuwe-ɓee a, Bɔ jéi a tɔ. Ndon jéi ke karé nè kuwe á j’ubi se dooge ke Nube ra de adi taai nan se’n tcha-tcha a tɔ.

1 Pierre 2:22

Loo naje’n goto. Krist nga ndɔ ke ra kaiya karé bè lé a, tà libe kum doo tee tànn’t ndɔ karé bè lé a tɔ.

1 Pierre 3:18

Krist nga kuwe géa, nyankem̂kon ra’n nja karé bere luk-luk ke ngang’n tede nyanra majelé le dooge. Krist è njè ra nyan se dè naje’n. Nyankem̂kon ra’n ɔje dè nyanra majelé le dooge tede le tel ree’n se si ra Nube’t. Danra’n á dé tɔl nè è tel ndi kumgajer takul Ndil-Kem̂nda.

1 Jean 3:18

Ngannemge, ade jè tári nan se tà ke tà jéi’t karè lé. Nè ade jè tári nan se nyanra jéige. Nyanra jéi á à tɔji titeke tár ke jè tári nan nga è ngarankum tár kerɔte.

1 Jean 3:5

Sei geri mbak titeke Krist unde loo tee tede kɔr majelé kum kɔke. Nè è nga majelé karé bè géa goto rann’t.

1 Jean 3:7

Ngannge, adi doo karé sú sei lé. Nanan ke ra nyan ke se dè naje’n se ndɔ’n-ndɔ’n ɓaa, è njè ra nyan se dè naje’n titeke Krist ee’n njè ra nyan se dè naje’n bè tɔ.

1 Jean 4:4

Ngannemge, sei têti rɔ njétête tà kunde tà Nube’t tede k’ee ke sei lennge a, tede Ndil le’n ke ndi kem̂ si’t a tɔ. Ndil Nube ke ndi kem̂ si’t nga á tɔg’n dum dè le njè kem̂ majelé ke ndi kem̂ dooge ke dè nang nè.

1 Jean 5:17

Nyanra ke se dè naje’n lé malang nga, è kaiya kerɔte kuwe. Nè kaiya karé ke aw se doo loo yo’t lé tò tutu.

1 Jean 5:21

Ngannemge, an-in go ra si maje ɔje dè mage polége!

3 Jean 1:4

Ranel le’m ke bò ngain ɓaa, è koo ke m’oo titeke ngannemge njiyei dann ngarankum tà’t se ndɔge malang.