1 Jean 1:9 - Nouveau Testament en Gulay 2004

⁹ Nube à inye go ndukunnge le’n lé. E njè ra nyan se dè naje’n. Ke nè á j’ɔri gir majelége le jéi ke nata ɓaa, è à ade kem̂’n à tin mbit dè majelége’t le jèi. Nube à inye go nyanrage ke se dè naje’n lé le jèi nga bere mbak kɔke.

1 Jean 1:9 ပူးပေါင်းရင်းမြစ်များ

Matthieu 3:6

Dooge nè nga malang reei ra Jean’t ɔri gir kaiyage le de ke nata adi nin ade ule’n de manné njonm dann ba ke Jourdain.

Marc 1:5

Dooge ke ɓeekon ke Judée bere mbak se njé ke kêm ɓee-bò ke Jérusalem malang awi rann’t ɔri gir kaiyage le de ke nata adi ule’n de manné njonm dann ba ke Jourdain loo ke ɔri gir kaiyage le de ke nata.

Tà ke Maje ke Luc ndang 22:57

Nè Pierre naje ede nè: – Dinye, man m’geré lé.

Jean 17:25

Bɔ’m ke njèkêmkanm, i njè ra nyan se dè naje’n, dooge ke dè nang nè geri nin lé, nè man ɓaa m’geri. Njé ke i ade’m se de nga geri maje titeke è i kuwe á ule’m.

Nyanra Njekawkulege 19:18

Dooge ngain dann njétaakêm-Kristge reei ɔri gir nyanra dege ke majelé ke nata.

Nje Ke Rome 3:26

Nè ɗarinè è tɔje jèi rebe ke è ɔr’n tà dè dooge’t. Nube è njè ra nyan se dè naje’n. Dooge ke undei kêm de dè Jésu’t nga, è ɔr tà dè de’t kɔke.

1 Nje Ke Corinthe 1:9

Nube ke ɓar sei kade umi nan’t bɔk se Ngonn’n Jésu-Krist Kuwe-ɓee le jéi nga, è njè kube go ndukunn le’n kinye lé.

1 Nje Ke Corinthe 6:11

Njé ke nange dann si’t kété ei njé ra nyange nè nga tɔ. Nè ɗarinè Nube le jéi togo se-kaiya le si ɔr ndát-ndát. E unde sei se ninn’n ade sei dooge le’n a, è ɔr tà dè si’t se ri Kuwe-ɓee Jésu-Krist a, se ri Ndil-Kêmnda a tɔ.

Nje Ke Ephese 5:26

Krist ndogo mann njékebe nange le Nube tchák-tchák. E ɔr se-kaiyage le de se go ngarankum tà le’n, unde de se ninn’n ade ei le Nube kuwe ɗarinè.

1 Timothee 1:15

Tà nè nga è tà kerɔte ke le kade nanan géa taa um kem̂’n dè’t bɔk-bɔk: Jésu-Krist ree dè nang nè le kaje njé ra majelége. Man nga kuwe m’ee ke desêin sàk-sàk le njé ra majelége.

Tite 2:14

Jésu-Krist inye ra’n ade yo uge’n dè jéi, ɔr’n jèi dann majelé’t bere mbak. E ɔr jèi unde jèi se ninn’n le kade jèi kosdooge le’n kuwe deri. Jésu ra titeke bè tede kade jèi kosdooge le’n ke njé ra nyange ke maje se rakɔlé.

Hebreuge 10:23

Kundekem̂ tchên le jéi ke j’ilei mber’n nga, ade j’uwei gan-gan anje kade kem̂ jéi tête mann. Oiyo, Nube à ra nyan ke è unn ndu’n le ra nga kuwe. Adi j’umi kem̂ jéi dènn’t bɔk-bɔk.

Hebreuge 11:11

Sara nga kuwe géa ɓuge gɔk-gɔk nè takul kundekem̂ á tel’n ase’n kum kunde’n ko girkà dooge. E um kem̂’n bɔk-bɔk dè Nube’t titeke ayé ra nyan ndɔ ke unn’n ndu’n nga kuwe.

Hebreuge 6:10

Nube è njè banm doo lé. Kem̂’n à wei nal dè nyan ke sei rai tede tà le’n nga lé. Sei i ndii rai se njétaakem̂-Kristge ke rang kum si ke kété ɓai tede tár ke i tári Nube nga. Kem̂ Nube à wei nal dè ra ke i rai se de nga lé.

1 Jean 1:7

Ke nè á jè njiyei dann lookar’t titeke Nube ndii’n dann lookar’t nga bè ɓaa, j’umi nan’t bɔk a, mese Ngonn’n Jésu-Krist togo kaiya le jéi bere mbak ndát-ndát ɔr kɔke.

Lookilera’n 15:3

Ei ɔsi pa le Moise ɓer kule le Nube a, le Ngonn bate a tɔ, edi nè: «Kuwe-ɓee Nube ke njètɔgmong, nyange malang ke i ra nga ei nyange ke bò-bò ke dum kum! Ngar le girkoje dooge malang, rebe nyange lei ke ɔje nga ei se dè naje’n a, se go rebe’n kuwe a tɔ.