1 Jean 1:8 - Nouveau Testament en Gulay 2004

⁸ Ke nè á jè tami j’edi nè jè rai kaiya lé ɓaa, jè súi kum ra jéi jèi kuwe a, ngarankum tà goto kem̂ jéi’t a tɔ.

1 Jean 1:8 ပူးပေါင်းရင်းမြစ်များ

Jean 8:44

Sei ɓaa, bɔ si ke le si è sú. Nyange ke ngur’n ra bɔ si pênn-pênn á sei ndigi rai. E nga, è njè tɔ koo dooge ká-ká, kété mari ke desêin sár tee ɓila. E nga, nda dè njann’t njáng dè ngarankum tà’t lé, tede ngarankum tà goto kêmn’t. Tà lanm ke è tam se ndɔge malang nga in-in kêm’n è’t kuwe tede è njè tà lanm a, è bɔ njé tà lanmge a tɔ.

Nje Ke Rome 3:10

Magtub le Nube tam ede nè: «Doo ke njè ra nyan se dè naje’n goto, doo karé ke luk-luk bè géa goto.

Nje Ke Rome 3:23

Dooge malang rai majelé. Gir’n ke nè á nali kingei riɓar ke Nube ɔje le kile dè de’t nga.

1 Nje Ke Corinthe 3:18

Maje kade doo karé bè ade kum’n sú’n dè tàge’t nè nga lé. Ke nè á doo karé dann si’t an ra’n ke njèkumkunju ke dè nang nè ɓaa, maje kade tel mbe tá à è njèkumkunju ke get ɓai.

Nje Ke Galatie 6:3

Ke nè á doo karé ke è doo ke raikarè gir kem̂n’t ede nè: N’ee doo ke n’ase ɓaa, è kuwe sú kum ra’n.

1 Timothee 6:5

se naje tàge ke nal kunde ngang’n dann dooge ke tàgir le de ndum. Dooge ke tàgir le de majelé nga geri ngarankum tà lé ta. Dé nè nga dé gir titeke kundekem̂ dè Nube’t è rebe kinge nyan.

2 Timothee 3:13

Nè njé kem̂ majelége se njé libe kum dooge à awi kum de ke kété-kété dè majelé’t. Njé kem̂ majelége se njé libe kum dooge nè nga à súi dooge le kade ndemi a, ei kuwe géa à ndemi a tɔ.

Jacques 1:22

Adi kum si sú sei lé. Tà ke Maje ke ooi nga, i rai nyan’n se ndɔge malang m ooi ke koo karè lé.

Jacques 1:26

Ke nè á doo karé dann si’t an ra’n ke njè ger Nube, nè è ger loo kule aljem̂ tann’t lé ɓaa, è sú kum ra’n è kuwe. Ger Nube le doo nè nga tel è nyan ke raikarè.

Jacques 3:2

Jèi malang jè rai nyange ke se go rebe’n lé nja bule. Ke nè á doo karé ur tà ninge’t salang lé ɓaa, è doo ke maje ɔr njêt kuwe. E doo ke asekum kule aljem̂ tànn’t kan-in’n ngang ra’n garar-garar.

2 Pierre 2:13

Nyanra ke se dè naje’n lé le de nga, kure’n à ɔde kum de ɓai. Nyanrage ke pás-pàs ke d’ule ra de tutu mbiriri dann kada ndái-ndái nga, d’an ke nyan ranel le de. Dé dooge ke ra de ɔr ɓál a, mine a tɔ, loo ke dé ndii’n se si tà nyankuse tár nan’t. Libe ke dé libe kum si loo nyankuse’t nga, d’an ke nyan ranel.

1 Jean 1:10

Ke nè á jè tam j’ede nè jè ra kaiya lé ɓaa, jè ra Nube ke njè tà lanm a, tà le’n urkei kem̂ jé’t lé a tɔ.

1 Jean 1:6

Ke nè á jè tami j’edi nè j’umi nan’t nan’t bɔk se Nube nè jè njiyei dann tilkus’t kêl karé ɓai ɓaa, jè tami tà lanm nal ra ngarankum nyan se ndɔge malang.

1 Jean 2:4

Doo ke tam ede nè n’ger Nube, nè an dè ndukunn le’n sêw-sêw lé ɓaa, è njè lanm. Ngarankum tà nga géa urkei kem̂n’t lé a tɔ.

1 Jean 4:20

Ke nè á doo karé tam ede nè n’tár Nube, nè è ɔr ngokon’n njêt ɓaa, doo nè nga è njè lanm karè. Doo nè nga è njè lanm tede doo ke mbate tár ngokon’n ke an’n se kum’n nga ɓaa asekum tár Nube ke è an’n se kum’n lé nga ndan lé.

2 Jean 1:2

Jè tár sei tede ngarankum tà ke urkei kem̂ jéi’t ɗarinè. Ngarankum tà nè nga à nain se jéi sár se non.

3 Jean 1:3

Ra’m nel’m ke dum tede njétaakem̂-Kristge ke nange reei edi man titeke i liger lagr-lagr dè ngarankum tà’t nga ɓai. Taɓai, ei edi man titeke i njiye se go ngarankum tà nè nga ɓai a tɔ.