1 Jean 1:7 - Nouveau Testament en Gulay 2004

⁷ Ke nè á jè njiyei dann lookar’t titeke Nube ndii’n dann lookar’t nga bè ɓaa, j’umi nan’t bɔk a, mese Ngonn’n Jésu-Krist togo kaiya le jéi bere mbak ndát-ndát ɔr kɔke.

1 Jean 1:7 ပူးပေါင်းရင်းမြစ်များ

Matthieu 6:12

Maje kade ade kêmi tin mbit dè kure majelége’t le jé titeke jè géa j’ade kêm jé tin mbit dè kure majelé ke made jége rai se jé.

Jean 1:29

Barè lookar’n, loo ke Jean an Jesu à ree ke rann’t ɓaa, è tam ede nè: – An-in! Ngonn Bate le Nube ke njèkɔr kaiya dè dooge’t dè nang nè nga.

Jean 12:35

Jésu ile de dè’t ede nè: – Sei awi se lookar dann si’t laa mbɔr ɓai. I njiyei awi se gir kàde m adi tilkus sebe dè si’t rebe lé. Titeke bè á tilkus à ree kube’n sei nang bɔp lé. Doo ke njiye dann tilkus’t nga ger loo ke aw ke tutu lé.

Jean 5:4

tede doo ke danrán ke Nube ule’n ree ra mann nè nga dɔ-dɔ ade tal bungus-bungus. Njèratur ke inye ji’n dɔ oso danné kété loo ke dé ra’n mann d’ade unn gir tal bungus-bungus nga ɓaa, né ratur le’n è ratur ke bain-bain géa ra’n tel mong maj-maj karè.]

Nje Ke Rome 13:12

Nain ngɔr ɓaa, loo à ar kade kàde à tee. Bè ɓaa, ade j’inyei go kule rage ke majelé ke jè rai dann ndɔɔ ɓaa, jè tulei nyankatege le lookar ra jéi’t.

1 Nje Ke Corinthe 6:11

Njé ke nange dann si’t kété ei njé ra nyange nè nga tɔ. Nè ɗarinè Nube le jéi togo se-kaiya le si ɔr ndát-ndát. E unde sei se ninn’n ade sei dooge le’n a, è ɔr tà dè si’t se ri Kuwe-ɓee Jésu-Krist a, se ri Ndil-Kêmnda a tɔ.

Nje Ke Ephese 1:7

Takul Krist ke wei ade mese’n an-in nang á j’ingei nyankuge dè jéi ɓee ɓer’t a, Nube ade kem̂’n tin’n mbit dè kaiyage’t le jéi a tɔ. E kem̂noje ke bò ke gar’n goto á Nube uwe se jéi!

Nje Ke Ephese 5:8

Tede kété sei ngannge le loondul, nè ɗarinè ɓaa sei ngannge le lookar takul kum ke umi nan’t bɔk se Kuwe-ɓee nga. Bè ɓaa, i njiyei tite ngannge le lookar bè.

1 Timothee 6:16

Nube kuwe se kar’n bere luk-luk á è njè kwei ndan lé. E ndi dann lookar’t ke doo karé bè géa ase gang kɔté lé. Doo ndul karé bè ke ndɔ ke an Nube goto. Doo ndul karé bè ke ɓila asekum kan Nube géa goto a tɔ. Maje kade riɓar ke à tò sár se non è le’n è kuwe. Maje kade è titeke bè kuwe.

Tite 2:14

Jésu-Krist inye ra’n ade yo uge’n dè jéi, ɔr’n jèi dann majelé’t bere mbak. E ɔr jèi unde jèi se ninn’n le kade jèi kosdooge le’n kuwe deri. Jésu ra titeke bè tede kade jèi kosdooge le’n ke njé ra nyange ke maje se rakɔlé.

Hebreuge 9:14

Nè Krist inye ra’n ade Nube ke nyankuje-mese ke maje ɔr njêt takul Ndil ke njèndisenon. Mese Krist nga ɔr se-tàgir le jéi ke majelé ndát-ndát dum le mese dange ɓai. Mese’n ɔr jèi unde jèi se ninn’n tede kade jè rai kule j’adi Nube ke njèndi kumgajer.

Jacques 1:17

Nyan kade noje ke maje se nyan kunde njage ke maji ɔri njêt nga in-in dɔ danrán ra Bɔ jéi Nube ke njè kunde kàde se kɔnyonge. Nube nga tur hal’n rang lé a, loo ke rann’t tel tuge ndul ndɔ karé bè lé a tɔ.

1 Pierre 1:19

Nè Nube uge dè si se mese Krist ke nar’n ur kugu. Krist nga tò asenan se ngonn bate ke gel’n goto a, ra’n ɔr ɓál lé a tɔ.

1 Jean 1:3

Nyan ke j’an se kum jé a, j’oo se mbi jé a tɔ á j’ile mber’n j’ade sei. Jè j’ile mber’n j’ade sei titeke bè tede kade j’umi nan’t bɔk se Bɔ jéi a, se Ngonn’n Jésu-Krist a tɔ.

1 Jean 1:5

Nube è lookar, tilkus karé bè géa goto rann’t. E ke nè a è tà ke j’oo tà Jésu-Krist’t á j’ɔr gir ndát-ndát j’ade sei.

1 Jean 5:6

E Jésu-Krist nga ree dè nang nè se mann a, se mese a tɔ. E ree se mann á karé lé, nè è ree se mann a, se mese a tɔ. Ndil-Kem̂nda nga è ngarankum tà. E è kuwe á ɔrgo tà nè nga titeke bè.

1 Jean 5:8

Ndil-Kem̂nda a, mann a, se mese a tɔ á ei njékɔrgo tàge ke mute nè nga. Ei mute mbak umi tà go nan’t bɔk.

2 Jean 1:4

Ra’m nel’m ngain dè kinge ke m’inge ngannige njiyei dann ngarankum tà’t titeke Bɔ jéi unn’n ndu’n ade jèi.

3 Jean 1:4

Ranel le’m ke bò ngain ɓaa, è koo ke m’oo titeke ngannemge njiyei dann ngarankum tà’t se ndɔge malang.

Lookilera’n 1:5

Maje kade Jésu-Krist njèkɔrgo tà ke get-get ade sei kem̂noje se kem̂lom. Jésu-Krist nga è kuwe karé bere á è doo ke desêin sàk-sàk ke unde loo tee dann njé ke koo’t. E nga è ngar ke on ɓee dè ngarge ke dè nang nè. Jésu-Krist nga tár jèi a, ɔr jèi dann kaiya’t le jéi takul mese’n a tɔ.

Lookilera’n 12:11

Ngakon jéige têti rɔ njè kile tà dè de’t nga takul mese Ngonn bate a, takul tà le Krist ke ɔri go edi dooge a tɔ. Ngakon jéige nè nga ndêti ra de adi yo lé.

Lookilera’n 7:14

M’tel m’ile ngatɔge nè nga dè’t m’ede nè: «Kuwe’m, i i ger de mbak.» Ngatɔge nè nga ede’m ede nè: «Dé nè nga d’in dann nyantosowur ke bò’t. Dé togo kubuge le de ke bòi yul se mese Ngonn bate d’ade nda káng-káng.